nme.jpg


Miu Miu 16 S/S

cover face

Oriental Revolution Estelle Chen

Ads by Google

人人都話時裝騷堅離地,計我話不知幾貼地。
巴黎鐵腳 Givenchy今年將成個騷搬去紐約,順手開新旗艦店,話你知市場在、騷在;當你以為連 CHANEL五月去埋首爾搞騷,韓風仲有排吹,老佛爺轉頭在巴黎春夏時裝周起用五位國產超模,韓模呢?連影都冇!果然,認真你便輸了!
大國經濟崛起,中國超模新生代亦順勢發圍, Estelle Chen、李靜雯、王路平等新星,大騷一個接一個。你可能覺得只係時勢造英雌,但當劉雯、孫菲菲、秦舒培一輩逐漸退下火線,何不入定花生睇好戲?且看今後中國超模界會點樣風雲色變!


Profile
 

Estelle Chen
年齡: 17歲 出生地:巴黎
身高: 5呎 9吋 三圍: 31-23-34.5
簡歷: 15歲在巴黎街頭被星探發掘, 13年贏得法國 Elite Model Look模特兒大賽冠軍,代表法國進身世界 15強,並簽約 Elite, 15年正式踏上超模大道。
模特兒公司: Elite Model Management( Paris)、 The Society Management( New York)
Instagram ID: chen_estelle




私下打扮簡單隨性,冇名牌包袱,衣著以背心、老牛為主。


芒果係命根,朝朝食生果加 cereal做早餐,求 keep靚 body。 
冠軍相  Estelle Chen
 

高䠷長髮似劉雯,帶幾分全智賢的萬人迷氣質,講唔上傾城絕色,但呢張鄰家女孩東方臉,偏偏令全花都着迷。
祖籍溫洲的 Estelle Chen,普通話只係半鹹淡,卻講得一口流利法語,好一個「 French Born Chinese」。 13年在法國 Elite Model Look模特兒大賽一枝獨秀,擊敗一眾鬼模奪冠,從此中國勢力介入法國。前輩如 Cindy Crawford、 Gisele Bundchen同樣靠此比賽上位,名副其實坐上超模界白金升降機。
「其實我起步較遲!」
17歲登上 Louis Vuitton天橋,都算遲?
「贏了比賽後,我花了近一年時間拍硬照,為行騷作準備。今年三月我才接到第一個巴黎時裝周,我不懂得害怕,幸好成績也不錯!」
第一季就接下 LV、 Miu Miu、 Loewe等大騷,六月隨即單拖登上意大利版《 VOGUE beauty》封面,今季一口氣接下六場巴黎大騷,足證受寵地位。
十七歲卜卜脆,唔單止鎂光燈下唔識驚,亦唔怕外間將佢同劉雯比較,更唔擔心同 Amilna Estevao、 Stella Lucia等超新星同輩校量。
「劉雯是非常全面的模特兒,她是我偶像。而 Amilna, 13年我在中國參加模特兒世界賽時已經認識。那時我們經常一起,所以時裝周再合作,我真的很開心。另外 Irina Djuranovic比我早一年參加比賽,我跟她感情亦非常要好。」
可能真係「黃皮白心」啱嘴形, Instagram內嘟嘴、鬼臉,鬼模老友相一大堆!但估唔到更多的相片主角,竟然係……芒果?!
「真希望可以每天不停吃芒果!」說時露出一副天真嘅伸脷表情,好 pure好 true!也難怪,天橋下嘅 Estelle不過係自修高中生一名,雖然講過做唔成超模會做記者,但世事往往命中注定!𡃁妹,好好行你的天橋大道!




Mikoh廣告 15 S/S


15意大利版《 VOGUE beauty》


Louis Vuitton 16 S/S


15 S/S Loewe


被星探發掘後贏出 13年法國 Elite模特兒大賽,又一個灰姑娘誕生。 
叛逆瓷娃 李靜雯
 

戴住花冠擔住煙,留言一句「如果你喜歡怪人,其實我很美」,佢叫李靜雯。
冇圓渾大眼睛,更唔係見慣見熟的修圖美女。雀斑、上挑鳳眼、櫻桃小嘴,有的只係一張早被西方定型的中式瓷娃臉。
「她充滿叛逆同倔強氣質,令我看到有別於常人的另一種美,以及很多可塑性。現代漂亮女生有很多,但持有新時代態度的女生,卻很少。」法國著名造型師兼時尚編輯 Marie-Amélie Sauvé如此形容,夠份量了吧?若你問我,時代感呢個字太深,但呢種率性又帶墮落感的女仔,在窮得只有錢的強國的確少見。
「應該說,我的叛逆期來遲了!在每個人都設法讓自己變成熟時,我有些固執地想留住情緒化、倔強這些不成熟的東西,亦變得愈來愈不妥協。我暫時未想要用笑容拯救世界。」
一向都話時尚界最 buy有性格嘅靈魂, Marie-Amélie Sauvé跟手就推薦李靜雯俾《 Self Magazine》, 15年春夏號,連續多版大特寫,隨後六月號意大利版《 VOGUE》更搵佢同唐熒霜、粉紅髮色韓模 Fernanda Ly齊齊上封面,加上 CK One、 Zara等廣告女郎,風頭一時無兩。更架勢係剛過去嘅時裝周,能同時獲 Louis Vuitton及 CHANEL垂青的亞裔模特兒,就只有李靜雯一人。
平時鍾意睇書、睇畫展及攝影,社交網站幾乎清一色黑白相,文青到甚至搵唔到一絲國產感覺,直至講起護膚保養,先唔覺意露餡。
「每次完成工作我一定會盡快卸妝,更會用農夫山泉這種瓶裝水來洗臉。」睇嚟要完全脫去嗰朕大陸味,同志仍需努力。




Lanvin 16 S/S


CHANEL 16 S/S


Louis Vuitton 16 S/S


7 For All Mankind 15 S/S


Zara 15 F/W


14年 手執 14年 Louis Vuitton聯乘 Comme des Garçons手袋盡顯超模氣勢,跟 Estelle Chen打扮截然不同。 
Profile
 

李靜雯 Jing Wen
年齡: 22歲 出生地:中國廣東
身高: 5呎 10吋 三圍: 31-23-34
簡歷:經朋友介紹進入星力模特經紀公司, 13年正式行天橋, 15年春夏開始廣受關注,曾任 CK One及 Zara廣告女郎。今年 6月及 11月分別登上意大利及中國版《 VOGUE》封面。
模特兒公司: 3mmodels( London)、 Women Management Paris( Paris)
Instagram ID: jingwenll




15意大利版《 VOGUE》


15中國版《 VOGUE》


15《 AnOther Magazine》 2月號


14《 LOVE》 F/W


14年 抱住貓仔的李靜雯,原來都有我見猶憐一面。


14年 不時約模特兒老友飲酒吹水,燦爛笑容難得一見。 
東方生力軍
 

話到明大軍殺到,以下三個名字,你同樣要記住!現在就考你眼光,睇最後誰能殺出重圍,大紅大紫!


爆騷天后 王路平
 

總結四大時裝周,王路平以 31場佳績,冠絕一眾中、韓模,同時連續兩季被 models.com選為「 Top Newcomers」,可以話係吐氣揚眉。膚色黝黑嘅四川姑娘,舊年春夏時裝周前開始嶄露頭角,三月同李靜雯齊齊登上中國版《 ELLE》封面。廿二歲嘅佢唔只獲品牌鍾愛,同時係街拍紅人,即管睇睇會唔會來得快,去得快?




CHANEL 16 S/S


王路平係街拍紅人,打扮隨意易跟!


15中國版《 ELLE》 
吸睛女神 薛冬琪
 

11月號中國版《 VOGUE》以六位新生代中國模特兒做封面,企正中間最搶眼的,正正係薛冬琪。高顴骨、女生男相,連英文名都叫 Dylan,嗰份英氣真係 man過好多男人。雖然呢位非典型美女在巴黎時裝周收穫一般,卻係「 Apple of the Big Apple」,今季在紐約行足十一場騷。其實早於去年,薛冬琪已被 Coach睇中做春夏廣告女郎,期望佢下季可以搶攻花都成功。




Acne studios 16 S/S


Alexander Wang 15 S/S 
幼齒 baby 王新宇
 

即使黃之鋒司法覆核勝訴,十六歲都未必可以選立法會議員。但同樣十六歲嘅王新宇,已登上巴黎時裝周天橋,憑一對虎牙殺盡 Dior、 Lanvin等大騷,絕對後生可畏。 14年內地模特兒大賽奪冠入行,尚未培養出超模殺氣,私底下鍾意以「本寶寶」自稱,最怕長肉。其實十六歲有 baby fat絕對正常,又何必一晚長大?天真就好了。




Dior 16 S/S


15中國版《 VOGUE》《新浪微博》圖片

撰文: Gee Lam

    tvb4life 發表在 痞客邦 留言(0) 人氣()