地獄肥牛鐵板飯$40以米飯作主題的 Red Rice,店內提供不同的米類食品,當中鐵板飯深受客人歡迎。

創業通

受《交易通》啟發  80後開米飯主題餐廳

Ads by Google

不少年輕人想創業做老闆,付諸實行的,卻少之又少。 80後的 Wing因受《交易通》啟發,將創業夢想實現,他學會了要成功經營一門生意,首先要有特色,他以米飯作主題,開設餐廳 Red Rice,專門提供炒飯、焗飯、鐵板飯及蛋包飯等,並以平民食店作招徠,專吸工廠區的上班族及附近屋邨的街坊客,現時已成功開設 3間分店,月賺約 30萬。

餐廳 Red Rice以米飯作主題,老闆 Wing說:「米飯係東南亞主要嘅食糧,相關嘅菜式亦有好多,好似炒飯、焗飯、鐵板飯及蛋包飯等,我哋想喺一個地方食到唔同嘅飯類,仲會提供圍繞米類嘅產品,好似紫米豆漿、椰汁紫米冰等飲品,小食有紙米卷等。」
以平民飯堂為目標的 Red Rice,現有 3間分店,分別選址長沙灣、新蒲崗及深水埗等, Wing說:「揀鋪會喺近屋邨或者工廠區,計過數,租金佔營業額 10%左右係最理想。客人多數係街坊或者附近上班人士,定價上會平民啲,晚餐一般會喺$60之內。」




日式咖喱芝士漢堡扒燴飯$45


板煎雞扒蛋包飯$40 為頭家去學廚

05年,在香港設計學院半工讀的 Wing,因「意外」而入了飲食業,「雖然當時自己仲讀緊書,但女朋友有咗,要為組織家庭做準備,想搵份人工高啲嘅工作,當時做廚房人工較高,於是入行做學徒,係辛苦,為咗生活都冇計。」
在飲食業一做便 5年, Wing開始有創業的念頭,「做學徒冇耐,有個前輩同我講:『睇死你哋班𡃁仔都係做做下就唔做啦。』呢句撻着咗我,我連書都冇再讀,全職去做廚,仲慢慢有股熱誠,當時有個夢想,係開間可以帶動飲食潮流嘅餐廳。」




挪威三文魚米紙卷(4件)$22


特濃喇沙海鮮湯米線$48


椰汁紫米冰$18 追《交易通》學創業


Wing(中)與業務總廚李耀昌(左)及業務經理 Nic,不時會對食物進行試食,以保持食物質素,同時亦會討論可改善的空間。

11年, Wing辭去工作,全力準備創業,在書藉及雜誌中學習了不少創業技巧,「我有追開《交易通》,當中嘅創業故仔令我知道創業成本要計邊啲 item,原來租金、水電煤要畀按金,每月營運要有基本開支,呢啲數要預算好。另外,做生意要有一個主題,要令客人有印象。創業需要會計、管理等技巧,我又去睇咗百幾本書自學。」
在妻子的支持下, Wing拿出用以置業的多年儲蓄,毅然創業, 12年在長沙灣開設了 Red Rice,「之前不斷諗究竟賣咩食物好,一次喺食蛋包飯途中靈光一閃,坊間好似冇將唔同飯類集合埋一齊嘅餐廳,好似幾有趣,我決定開餐廳專做飯類,搵鋪都用咗半年時間,當時個市好旺,啲業主開個價都好高,最後喺長沙灣搵到啱心水嘅鋪位。」

留客才是成功之道

Wing認為開餐廳有第一批客人並不難,但留住客人才是成功之道,「香港人都貪新鮮,間鋪望落乾淨明亮,食物有啲賣點,都唔介意入嚟試吓,但食物質素有保證,先有機會令佢哋回頭幫襯。開業前,要研發食譜及試食,我會食晒成個餐,咁先知道分量夠唔夠,味道會唔會太濃或太淡。」
除食物的質素外, Wing亦將一些設計元素加入菜式上,「一開始我哋有炒飯、焗飯、鐵板飯及蛋包飯等飯類,之後有客人要求有米線,原來米線係用米漿造,同主題都夾,𠵱家都新增咗米線入餐牌。雖然我哋走平民路線,但都想菜式賣相好睇啲,好似其他鋪頭用嚟盛魚嘅碟,我就用嚟盛蛋包飯,仲加埋沙律菜,成碟飯有黃紅綠色,鮮艷得嚟又健康。」




員工管理是 Wing最大的挑戰,「飲食業嘅員工流失率好大,要留住員工,保持良好嘅溝通好重要。」


Red Rice在長沙灣(下圖)、新蒲崗(上圖)及深水埗店都鄰近屋邨及工廠區,客人多是街坊客及上班族。


二手博唔過

創業初期節省成本是無可口非,但亦潛在一定風險, Wing在其中汲取教訓,「長沙灣間鋪係頂手,上手都係做食肆,好多裝修上嘅設計可以沿用番,開張前有搵師傅執過吓,但有晚晚市,廚房頂嘅水管突然爆咗,所有爐頭都污糟晒,搞到成晚做唔到生意,之後啲師傅話唔重新裝修,好難 check到所有嘢有冇問題,諗深一層,二手嘢真係博佢唔好壞,𠵱家開新店都會重新裝修。」
對於業務擴展, Wing希望年底開第四間分店,「都係諗住喺屋邨商場或者工廠區搵鋪位,希望將 Red Rice打造成入屋嘅飯堂,客人諗起食米飯就會諗起我哋。」
Red Rice: https://redrice.com.hk 




在 14年 9月, Wing在深水埗開設了 Red Rice的第 3間分店。


阿儒 客人喺附近返工,呢度啲飯類都幾多選擇,最鍾意食佢嘅蛋包飯同鐵板飯,分量夠,價錢抵,我成日嚟幫襯。 創業成本︰(長沙灣店)

租金︰$200,000(3按 1上)
裝修︰$600,000
入貨︰$50,000
雜費︰$150,000
水電煤按金︰$80,000
總投資︰$1,080,000

每月收支︰

營業額︰ 2,200,000
租金︰$170,000(3間)
人工︰$750,000(80名員工+1名老闆)
食材︰$700,000
雜費︰$170,000
水電煤︰$120,000
盈利︰$290,000

撰文:曾志恒
攝影:傅新發

文章標籤

創作者介紹
創作者 tvb4life 的頭像
tvb4life

明星八掛大分享★☆

tvb4life 發表在 痞客邦 留言(0) 人氣()