職刻十大

辦公室增人緣 10法

Ads by Google

港大任命陳文敏為副校長,鬧得滿城風雨。有校委會成員以陳沒有在其跌倒後 show sympathy為由,反對他成為副校,可見在職場上人緣不佳,直接影響升遷。〈職刻十大〉為確保各打工仔可以順利升職加薪,整理了辦公室增強人緣 10法,教大家 how to be a nice guy。

1.掛人物相聚人氣


玄學家 周亦彤與同事在 annual dinner時拍下的大合照,不妨曬出來放在枱頭,增強桃花運。

玄學家周亦彤表示要催旺人氣,可在辦公室正東方掛一張與朋友或同事的合照,「今年嘅桃花位喺正東方,要增強人緣運,放人像擺設就最有利。最簡單係擺一張和同事嘅合照,人數愈多愈好,可以聚集人氣,令你喺辦公室人事和諧。」

2.佩戴飾物旺貴人

生肖有相合相克,周亦彤提議可佩戴相合的生肖飾物,去加強貴人運,「六合係一種暗合,亦即代表暗中幫助你嘅貴人,例如鼠同牛為一組貴人,大家可以互相佩戴彼此嘅生肖形狀嘅飾物,喺職場上遇到貴人嘅機會大增。」







屬馬的朋友,如貴人屬羊,可佩戴羊形狀的玉器,加強貴人運。 3.花卉增人緣


枱頭長期有盛放鮮花,增加人緣。

花香招蜜蜂,同樣也招人緣,周亦彤指花卉是增加人氣的好幫手,「如果想喺職場上廣結善緣,喺枱頭擺放粉紅色嘅鮮花可助大增朋友運。最好放鮮花,更具生氣,另要細心打理,勤換水,令花保持嬌豔,才有功效。」

4.記住同事生日


Birthday Sweet@iOSBirthday Sweet可以直接提取你電話簿及 facebook上朋友的生日日期,並向你適時作出提醒。

多關心同事,相信是建立好人緣的不二法門。要表達關心,在同事生日時送上一句「生日快樂」,既細心,又不矯揉造作。事實上,要記住 10個 8個生日日期,亦非容易之事,故生日提示 app會是你的好幫手。

5.派手信要大方


去完日本,送精緻手信,同事收到一定心情大好。

放假去完旅行,派手信是例行公事,若能在手信上花點心思,則會成為增加你在同事間人氣的大好機會。手信不要求祈放在 pantry任人拎,挑包裝精緻的甜點,親自送到同事手中,好感度瞬間大增。

6.工作對事不對人


臨床心理學家 萬家輝博士

臨床心理學家萬家輝博士指職場上切忌對人不對事,免得大家覺得你難相處,「好似 A、 B同事都係遲到,因你同 A熟啲,就當冇事發生,另一方面就好嚴厲咁指責 B遲到。其他同事睇到,會覺得你一時一樣,認為同你共事好無所適從,甚至避開你,令你成為辦公室不受歡迎人物。」

7.多跟同事吹水


多跟同事傾閒偈,了解彼此近況。

閒聊是增進人際關係的最佳方法,萬家輝表示:「吹水講嘅唔一定係廢話,相反如果識得傾偈,可從中了解同事嘅性格,甚至處事作風。加上,工作上總有需要他人幫助嘅時候,平時同人傾多兩句令關係熟絡,到要開口搵人幫手,同事就唔會托你手踭。」

8.設下底線


網上有不少短片,教你如何拒絕他人不合理的要求,但又不會破壞大家關係,不妨參詳一吓。

要和同事相處融洽,不是做 yes man就得,萬家輝指要講清楚自己的底線,「工作上總會有同同事出現磨擦嘅時候,最忌明明已觸及自己嘅底線,但依然唔出聲。例如你唔鍾意其他人郁你枱頭文件,就一定要同同事講清楚,呢個係原則問題,一定要先小人後君子,避免日後同事誤解你為小事發脾氣。」

9.忌自我中心


羅拔迪尼路在電影《見習冇限耆》中,飾演一位退休人士,他有機會入新公司,但沒有持老賣老,一樣虛心與同事相處。 《見習冇限耆》劇照

新入職的員工若想盡快融入同事的圈子,萬家輝提醒要先放低自我,「新入職時,唔理你經驗幾豐富,都要記住自己係一個新人。唔好開口埋口都話:『我以前公司都唔係咁做』,反而要主動了解大家嘅處事方式、公司文化,同事覺得你有心融入,大家就更易熟絡。」

10.歸功團隊


職場上切忌鋒芒太露,受同儕歡迎,工作自然順利。 購買點:商務印書局

要受同事歡迎,關鍵在於你如何處理個人成就。大家不妨詳閱《低調做人的智慧全集》一書,當中分享了不少為人謙遜會為人際關係帶來的裨益。例如工作上取得成就,要記得感謝你的上司與同事,工作無法單憑一己之力去完成,不貪功兼重視 teamwork的員工,上司當然會升你職先。

撰文、攝影:杜曉婷
美術:楊蕊瑞

文章標籤

創作者介紹
創作者 tvb4life 的頭像
tvb4life

明星八掛大分享★☆

tvb4life 發表在 痞客邦 留言(0) 人氣()