Octopus 20歲香港大學心理學系 yr. 3Why 21歲香港城市大學法律學系 yr. 4Why和 Octopus分別是首一、二屆的 DSE畢業生,曾經歷過選科排志願的徬徨及煩惱,故希望用過來人的身分,向考生提供實用的升學諮詢。

U撈

大專生最啱做升學顧問

Ads by Google

踏入 10月,應屆文憑試考生又要開始穿梭各間大專院校的開放日,探索前程出路。分別就讀城大與港大的 Why與 Octopus,以曾經歷大學選科困惑的過來人身分,成為 UACS大學選科諮詢系統的升學顧問,透過一對一選科諮詢服務、工作坊、講座,幫助各應考生覓得合適自己的學科,踏上青雲路。

9月,各大專院校聯招開始接受報名,作為 UACS升學顧問的 Why和 Octopus也忙碌起來,「我哋全年會舉辦唔同形式嘅升學輔導活動,例如聯招選科講座、報讀副學士或高級文憑研習班,重頭戲係每年放榜後,一連 3日嘅聯招改選諮詢日,每個月都有 2、 3個活動,需要顧問參與。」
Why和 Octopus每月會出動 2次,「有啲活動係專門設計畀特定背景嘅同學,如副學士研習班,就會請番由副學士升上大學嘅顧問做分享。如果係一般升學輔導活動,文、理、商嘅顧問都可以參與,名額先到先得。」
升學顧問要向同學提供諮詢服務,同時亦要協助活動籌備工作, Why說:「除擔任 consultant嘅角色外,我哋亦會幫手做宣傳、收集及分析入學成績數據、籌辦各種升學 events等。每年 8、 9月,比較有經驗嘅 consultant會負責做 recruitment,招募剛入大學嘅 freshman做升學顧問。」




Why與 Octopus會幫手籌辦 UACS的升學輔導活動,經常與 UACS創辦人 Paul(左)開會,商討活動細節。


每位加入 UACS的升學顧問,在參與活動前,要接受兩個星期的 training, Why表示:「 Octopus會主力招募顧問,我就負責籌備之後嘅 training,準備 PowerPoint、筆記等,亦會向同學分享番曾遇過嘅輔導個案,大家一齊討論要點樣 handle。」 先通過 training

要成為 UACS的升學顧問,除了要是大學的本科生外,還要通過 training,取得顧問資格。 Octopus說:「 Training為期 2星期,會以 workshop形式進行。我哋要了解唔同學科嘅收生要求,唔單止要識睇入學成績嘅中位數,記熟某啲學科喺文憑試要必修嘅科目都好重要,因為好多考生都會睇漏呢啲最低入學條件。」
升學顧問的輔導技巧,也是 training的重點之一,「我哋可能會遇到咩都答你『唔知』,或者徬徨無措嘅同學,我哋要學點樣令佢哋冷靜落嚟,再慢慢引導佢去發掘升學志向,千祈唔好劈頭笫一句就話:『你入唔到呢科』,咁會去令佢哋更加驚。」




今年 7月的 DSE放榜, UACS在銅鑼灣青協與油麻地恩賢教育中心,舉辦了一連 3日的聯招改選諮詢日,為 4百多名同學提供諮詢服務。


UACS開發了一套網上簡易的聯招排序風險報告系統,同學只需用 facebook登入,再輸入公開試成績及聯招選科排序,只需幾分鐘,便能評估出考入第一志願的機會率。 揭開學系真面目

Why和 Octopus認為由大學生為文憑試考生提供升學輔導,最大的優勢就是夠寫實。「大學開放日畀嘅資訊好片面,例如理科生都會覺得工程易入,前景又好。但一個工程系嘅大學生可以同你分享,裏面某啲 core科好深,有同學 retake 2次先 pass,若果你 pass唔到,就畢唔到業。我哋讀緊嗰科,就可以一五一十將嗰科嘅好同壞,向同學分析清楚。」
雖然月入只約千元,但 2人認為工作很有意義,「同學揀科有時會跟字面解,讀商科會做到 i-banker,入中文系可以做作家。現實係讀中文要修好多語法、文學史嘅內容,畀你創作嘅機會好少。我哋係過來人,曾有過同考生一樣嘅迷思,所以由我哋去打破,就最合適不過。」

點做顧問?

UACS大學選科諮詢系統創辦人 Paul表示,現時 UACS約有 100名合資格的升學顧問,「我哋每月大概舉辦 2至 3個升學輔導活動,每次約 3小時以上,需要 5至 15位嘅升學顧問,改選諮詢日更需要六、七十位大學生參與,時薪$50。同學只要係現任大學生,又對升學諮詢有興趣,就可以報名加入,𠵱家好多顧問都曾經係我哋服務過嘅用家。」

查詢: https://uacs.hk 

撰文:杜曉婷
攝影:陳子禮
部分圖片由被訪者提供

文章標籤

創作者介紹
創作者 tvb4life 的頭像
tvb4life

明星八掛大分享★☆

tvb4life 發表在 痞客邦 留言(0) 人氣()