Pleated Top$1,099Pleated midi Skirt$1,099Oversized Coat$1,999

青雲路

明星名人撐 水彩 digital print時裝

Ads by Google

時裝充滿可能性,沒有一定的規限,但要有突破,便要大膽創新。
Jessica與 Walter分別於英國及香港修讀時裝設計,一個熱情一個穩重,雖然 2人個性南轅北轍,但卻能將中西元素融匯在設計中。
他們於 13年創立品牌 Blind by JW,主打手繪水彩 digital print時裝,在外國剪裁的時裝及手袋上,加入亞洲元素,闖出一條新路線!
吸引不少明星名人選着他們的設計,如陳凱琳、陳明恩、黃紫盈、泳兒及蔚雨芯等。

在位於九龍塘的創新中心工作室內,佈滿 Jessica與 Walter設計的時裝及手袋,當中有中式的旗袍設計,亦有近年外國流行的 boyfriend jacket及 jumpsuit等款式。他們主攻女裝,以粉色系結合水彩圖案為主,感覺夢幻, Jessica表示:「新一季嘅童話系列將以「穿長靴的貓」嘅故事構思為主題,嚟緊秋冬季喺 Ztampz有得賣。」
同是 80後的 Walter和 Jessica,分別在 07年畢業於香港理工大學時裝及紡織系,及 09年於英國聖馬丁設計學院時裝系畢業, 2人相識於一間時裝設計公司, Jessica說:「我哋當時同 team,工作上好有默契。但份工有好多限制,好似要跟老闆嘅大方向,品味及配襯反而係其次,冇乜發揮空間。」




Cat Lace Printed Clutch$999Cat Lace Printed Cocoon Dress$1,599


Embellished scarve$650Lace printed Boyfriend Jacket$2,000Jacquard N Dress$1,699


Balloon Asymmetric Shirt$ 999Pleated midi Skirt$1,099 結合中西元素

Jessica與 Walter想建立自己的時裝品牌, 13年,他們辭工並成立了 Blind by JW, Walter說:「香港有好多時裝品牌,要突圍而出就要特別啲。我哋想以 colorful print為主,我哋將各自擅長嘅中式及西方元素,結合喺設計中,例如將中國窗框圖案、摺紙紋理,混合外國時裝嘅 cutting、物料及 styling等。」
Jessica喜歡畫畫,她覺得中國傳統的國畫及山水畫與水彩的感覺相近,希望以自己手繪的圖案,以 digital print的方式,應用在設計上。「一般 digital print嘅圖案都以 graphic及 pattern為主,好少手繪,水彩嘅感覺自然舒服,同我哋想走嘅 life style路線幾夾。」
在設計第一季衣服時,他們不敢推出顏色太鮮艷的款式, Walter說:「想大眾啲,平時留意到少人着得花俏,所以設計以素色系列為主。推出後,反應冇預期咁好,我哋問咗朋友嘅意見,佢哋話質地及設計都幾好,但睇唔到特別風格。」




陳明恩 藝人有次為咗訪問,周圍搵合適嘅衫,我分別喺兩間 boutique都見到 Blind by JW嘅衫,佢哋嘅水彩 print好靚,好夢幻,好啱我着。


陳凱琳 藝人陳凱琳於 2015國際中華小姐競選發佈會上,亦有選用 Blind by JW的時裝。 以童話構思

Jessica坦言若客人喜歡素色大眾款,可到坊間連鎖時裝店用相宜的價錢買到,「我哋想走中高檔路線,覺得唔需要拘泥太多,喺第二季,我哋吸收咗經驗,打算以多啲色彩嘅水彩 print加童話故事改編,做唔同嘅 collection。好似最近推出以『愛麗絲夢遊仙境』及『穿長靴的貓』等故事作設計構思嘅系列,即刻多咗人注意。」
他們的設計主要放到不同的時裝店寄賣, 14年, Walter和 Jessica申請租用創新中心的鋪位,開設了實體店。




Jessica表示將於今秋冬季推出「穿長靴的貓」故事改編系列的時裝及手袋,「用童話嚟包裝,好多女仔都鍾意。」Love Cat Printed Clutch$999


Jessica(左)笑言自己的性格比較無拘束,「喺設計上可能有啲天馬行空嘅念頭,但同 Walter討論後,我都會相信佢嘅意見,因為佢喺香港生活得耐,會清楚香港女仔嘅口味,同埋會考慮埋商業因素。」 造辦解決分歧

二人合作設計服裝,少不免會意見不合, Walter表示:「我哋乜都嗌一餐㗎,好似有個中式窗框 print嘅手袋, Jessica覺得通花圖案大啲會好睇,我就覺得細會靚啲,經過我哋討論後,得到共識揀咗中間 size。當僵持不下時,就會試吓造個樣辦出嚟,睇到實物再傾。我哋做事方法唔一樣,都要慢慢磨合。」
客人以 25至 45歲的 OL及太太客為主,現時他們月賺約$20,000,透過網站及媒體報導作宣傳,「我哋會透過 fashionally、 TDC、 DIP等機構搞 catwalk,畀多啲人識我哋嘅品牌。」增加曝光率,吸引陳凱琳、陳明恩、黃紫盈、泳兒及蔚雨芯等明星名人着他們的設計。




Walter說:「每完成設計圖,我哋都會釘晒出嚟討論所有細節,然後作修改。」


Walter(右)和 Jessica覺得創新中心的配套,對剛起步的設計公司十分受用,「呢度有晒攝影 studio、會議室及定期有展覽,我哋可以慢慢發展 business及 marketing size。」 開發手袋生產線

14年, Jessica與 Walter更開發了手袋生產線,「希望每一季嘅水彩 print都有一個相應嘅 clutch或手袋配襯,令個系列全面啲。手袋𠵱家喺 Page one、 K11鋪頭、銅鑼灣 fashion walk及 PMQ商鋪有售。」
說到未來目標,他們希望日後可進軍海外市場,「除香港外,嚟緊會同台灣商鋪合作,日本亦有 agency幫我哋搵 buyer。我哋喺倫敦及新加坡都有 online shop,希望進一步擴大業務。」




Pamla Chung Model/Blogger我喺市集度同 Jessica、 Walter一齊擺檔,而認識佢哋嘅品牌。我覺得佢哋嘅手繪 print好靚,好有風格,一望就會認得佢哋嘅作品,粉色系列我都好鍾意!


黃紫盈 主持有位朋友介紹我認識呢個品牌,覺得個 cutting突出到女性嘅身材,拉鏈設計好方便平時拍攝成日換衫。我尤其鍾意佢哋嘅藍色手繪花紋設計! 後記 親力親為

Jessica笑說:「影相、出貨、走貨都係我哋做番,所以今日公司好多紙皮箱,有啲亂。」他們表示分工很重要,分工分得仔細會對工作更有效率, Walter主力財務,對數字上的問題皆能準確回答; Jessica則負責畫畫及配襯各種衣服。正所謂力不到不為財,雖品牌仍處於起步階段,但他們凡事親力親為,成功在望。

點租用創新中心?

租用創新中心的申請者必須從事創意密集型業務,在創新中心的主要營運不應為零售業務,或只進行市場推廣,或用作商務辦公室,或從事大規模生產。從事生活及產品設計、品牌設計、設計研發及服務設計多媒體、互動程式設計、電影及使用者經驗設計等都可考慮。
有興趣的公司應填妥申請表,並遞交至香港科技園公司市場及銷售部,科技園公司將對申請進行審批,並允許申請成功的公司進駐。
香港科技園
查詢: http://www.hkstp.org 

點入行?

Jessica建議有興趣成為時裝設計師人士,先修讀時裝設計學位課程,了解各種基本知識,「設計師大多都想有自己嘅品牌,但畢業後最好喺時裝設計公司工作幾年,知道行業及公司運作,對日後創業有幫助。創業後,一定要有熱誠同堅持,先可以一直行落去。」

晉升階梯

高級設計師約$15,000至$20,000
( 4年經驗或以上)

設計師$13,000-$15,000
( 2年經驗或以上)

助理設計師$10,000-$11,000
( 1年或以上經驗)

見習生約$9,000起
(毋須經驗)

撰文:霍芷晴
攝影:傅新發
模特兒: Kayan@Starzpeople部分圖片由被訪者提供

文章標籤

創作者介紹
創作者 tvb4life 的頭像
tvb4life

明星八掛大分享★☆

tvb4life 發表在 痞客邦 留言(0) 人氣()