課堂上馬導師(左)會讓學員親身體驗一些器材的用法,「用過先知有咩地方要注意,同訓練到邊啲肌肉,對選擇正確器材時會更有心得。」

職場起底組

上 course增值 學教兒童適體能

Ads by Google

現時家長會讓小朋友參加不同的學前班,為入學及升學做足準備,但小朋友能健康成長,身體的鍛煉也同樣重要。不少幼兒教育已將體適能列為重要課程,坊間亦有機構舉辦相關課程,讓從事幼兒教育工作的人士增值,學習如何正確地訓練兒童體適能,助兒童建立自信及健康成長。

課程由從事幼兒教育近 30年的馬惠屏導師任教,「課程會教授兒童成長發展知識及體適能課教案編寫等理論,好似小朋友約 3個月大會識轉身,到 7至 8個月就識得爬行,當你知道小朋友嘅成長里程碑,就可以視情況設計適合佢哋嘅運動。課堂上教嘅體適能訓練主要鍛煉小朋友肌肉控制能力、柔軟度及平衡能力;我哋仲會教授學員運用健康球、青蛙跳及拉力帶等訓練器具,亦有時間畀學員進行模擬練習。」




球形啞鈴鍛煉小朋友肌耐力。訓練器材顏色會較鮮艷,及外形有趣,以吸引小朋友。


小朋友坐在烏龜旋轉盤上以訓練平衡。 體能影響發展

馬導師表示現時家長較注意學術上的發展,往往出現問題才求教,「從小訓練兒童嘅體能,對之後嘅生活有好大影響,好似寫字及扭毛巾冇力,係小時候爬行唔夠;容易跌倒,係前庭覺發展不足,玩健康球會有幫助。如果出現問題先補救,所花嘅鍛煉時間就會更多。」




馬惠屏 導師課程除咗適合有意及已從事幼兒教育嘅人,亦有家長會報讀, 3至 12個月嘅兒童主要係被動式嘅鍛煉,由家長幫助佢哋完成一啲體適能鍛煉動作,增加肢體接觸及相處嘅機會,會令小朋友與家長關係更融洽。


Man 學員我做緊有關幼兒教育嘅工作,想增值自己,學多啲兒童體適能嘅知識,課程中教用唔同器材,好有用。

課程:兒童體適能教練培訓課程
機構:香港青年協會持續進修中心
對象:有興趣人士
學費:$1,680
堂數: 4堂,共 10小時。
內容︰講解不同類型的體適能訓練方法及器材、兒童肌耐力訓練原則、感覺統合的基礎理論、圖像拉筋的技巧、 BB瑜伽的帶領技巧等。
查詢: 3755 7021

PROFILE

打工達人,白羊座,性格外向,天生八卦愛吹水,相識滿天下,目標做盡 72行,成日捐窿捐罅搵吓有乜好工跳槽,刮盡各行筍料秘聞。

撰文:打工達人
攝影:傅新發

tvb4life 發表在 痞客邦 留言(0) 人氣()