A.C.G.U.

藍神來了! Iron man Mk3 Stealth mode

Ads by Google

藍色,係正嘅!
呢期晚晚都要聽男神子華唱〈藍天〉;公牛戰衣係火紅色,但 AJ11最多人搶個隻配色都係 Legend Blue。
Hot Toys專賣店 Secret base 10月頭就踏入兩周年,最新限定係 Tony Stark用嚟進行間諜任務用的 Iron man Mk3 Stealth mode「潛行戰甲」,一樣放棄浮誇火紅色, tone on tone大玩藍調,確與眾不同!

潛行空間幻彩藍

今次呢隻紀念版,其實係 base-on 2014年發售的合金改良版 Mk.3,成身鐵確係有質感,而上色明顯唔係紅轉藍咁簡單,記者影相打燈時,發現隻深藍係砂金上色,比平時打晒「汽車蠟」個隻利是紅更有層次感,更正斗原來喺淺藍色位,在不同燈光下會見到藍變綠幻彩效果,對眼、胸口弦反應爐、雙手 Repulsor beam都轉用紅色,就咁睇竟有少少似 Ultron,有股邪氣!問番廠商,呢隻色唔係生安白做,原來早在 1981年的 Ironman漫畫入面, Tony已經發明咗潛行裝甲,不過 HT就將隻色 refined得更有現代感,隻淺綠色有冇令你想起 Martix啲電腦病毒呀?




在《 IM1》內鐵甲奇俠從天而降,一拳打爆地個甫士, fans稱之為「爆地」,一般 Iron man figure因為關節問題做唔到呢個甫士,潛行版卻利用換件解決問題。


後腿都有可以打開嘅定風翼,睇埋內面的零件。


背翼有金屬件,不過出廠時逐件用膠紙封住,搞成 10分鐘先拆開晒。


兩隻配色你喜歡邊隻?我就兩隻都咁鍾意,因為原色版有 Tony人頭,潛行版冇。


除咗換腰,其膊頭、前臂、腰際兩邊都可以換件,露出飛彈等武器。


胸甲可打開睇內骨格。

早在 81年《 Invincible iron man》#152內,已經有潛行甲,不過隻深藍就真係太黑啦。$1,980( Secret base/3722 3988)










白兵都來了

早前在《星球大戰原力覺醒》玩具反斗城玩具首賣會內,率先推出 300隻的 First Order Stormtrooper Squad leader,終於再有機會買到!雖然個 display stand唔再係限定紀念版,但隻 figure仍然好 detail,仲多件白兵 tee送,街外都未有《星戰 7》 tee賣,早人幾個月着,係威㗎!$1,380

撰文:鍾世傑
攝影:崔百祥

tvb4life 發表在 痞客邦 留言(0) 人氣()