胡定欣指公重創痛到標淚

Ads by Google

胡定欣昨日為劇集《一屋老友記》拍攝節目巡禮片花,定欣花兩小時化妝將靚樣化醜變身成「鉸剪手」,面上布滿疤痕的造型驚嚇,更指大家認不到她。定欣又透露前晚拍攝《城寨英雄》再傷手指公,當場痛到喊。



(左起):胡定欣 、羅蘭、歐陽震華、呂慧儀 
羅蘭、歐陽震華等為《一屋老友記》拍節目巡禮,驚喜十足!

歐陽震華、胡定欣、羅蘭、呂慧儀、滕麗名昨日在為無綫節目《一屋老友記》拍攝節目巡禮片花。眾人變身成愛登士家庭,造型驚嚇,最爆造型要數胡定欣,經過兩小時化妝後變身成電影《幻海奇緣》的鉸剪手,面上布滿疤痕十分可怕。問胡定欣可有被造型嚇一跳﹖她說:「造型好perfect,我都同化妝師講可唔可以醜得嚟有一啲靚,一陣去餐廳睇吓有冇人認得我。」定欣指造型其實是特別為片花而拍,新劇是時裝造型,期待與歐陽震華首次合作,她說:「戲裏面講我係裝修佬,做泥水,要騷肌肉,要繼續操弗。」

歐陽震華睇好封視后

正拍攝《城寨英雄》的定欣前晚開工時再度弄傷手指公淚灑當場,她說:「今次同袁偉豪手撞手,手指公向後拗整到虎口,痛到標眼淚,去咗醫院檢查,好彩骨冇事,啲筋拉傷咗,依家拍住文戲先。」監製文偉雄於微博指首次拍戲以外看見定欣喊。


變身鉸剪手的胡定欣造型驚嚇,她笑言要去餐廳睇吓有冇人認得佢。

滕麗名以巫婆造型現身。

歐陽震華則以尼古拉伯爵吸血殭屍造型示人,他表示也期待與胡定欣合作,他說:「戲裏面係歡喜冤家,原來定欣喺無綫十幾年,大個女,佢依家啲戲好穩重,係今年視后熱門人選。」

呂慧儀則以露膊裝化身性感魔鬼,但成為人母後她坦言對性感服飾感到不習慣,她說:「唔慣,有啲涼意,好耐冇咁性感。」滕麗名則以女巫造型示人,劇中與徐榮再續《愛.回家》的未了緣,她說:「恭喜徐榮生咗個女,我除非有意外,唔係唔打算生,怕自己變怪獸家長。」

文:影視組

全站熱搜

tvb4life 發表在 痞客邦 留言(0) 人氣()