張致恆終於肯乖

前男子組合BOYZ成員張致恆,出道至今緋聞多過工作,緋聞女友乜嘢類型都有,包括:黃榕、Cammi、鍾舒漫等等。成日掛住溝女,所以喺娛樂圈發展咗咁耐,都冇乜起色。不過,自從佢舊年同咗一三年珠寶小姐季軍莊端兒一齊之後,

Ads by Google

就開始有好多人生計劃。早排,張致恆仲同女友走咗去淺水灣開檔擺市集,賣自家服裝品牌添。

東姑知道三十三歲嘅莊端兒想快啲結婚,於是就走去問下佢哋幾時好事近?張致恆透露:「我哋兩個有太多人生目標啦,包括:開舖頭、買樓,所以要努力賺錢,先可以實踐夢想。」而莊端兒呻爆:「佢都未求婚喎,快啲催佢啦!」人哋女仔人家都開晒口,張致恆加把勁,再俾心機啲搵錢,加油喇!

近日,張致恆帶住女友周圍去,介紹俾啲前輩認識,好似李克勤、容祖兒咁,增加佢嘅知名度,真有心。

同莊端兒拍拖未夠一年嘅張致恆,為咗畀女友安全感,就經常喺網上晒恩愛相。

三十三歲嘅莊端兒恨嫁恨到出晒面,仲叫東姑幫手向張致恆催婚添。

文章標籤

創作者介紹
創作者 tvb4life 的頭像
tvb4life

明星八掛大分享★☆

tvb4life 發表在 痞客邦 留言(0) 人氣()