鈴木仁變有腳雀仔

有「日本吳彥祖」之稱嘅鈴木仁,喺〇三年到香港發展後,做過官恩娜及關心妍嘅MV男主角;而外形花弗嘅佢,

Ads by Google

同胡杏兒合作拍廣告時亦曾傳出緋聞。佢最愛流連蘭桂坊,經常同台灣名模林嘉綺孖住夜蒲。喺鈴木仁嘅情史裏面,前Cookies成員區文詩就同佢拍得最耐拖,佢哋嗰陣仲喺維港灣同居添!當時,東姑仲以為佢哋可以結到婚,可惜三年情之後就分手收場。

估唔到鈴木仁呢隻冇腳嘅雀仔,竟然會結婚,仲要將佢同仁嫂嘅合照,放上社交網公諸同好。

搞唔掂港女嘅鈴木仁,最後都係要搵番同聲同氣嘅o架妺做老婆。

拍過二十九次拖嘅區文詩曾經講過,日本男仔好大男人主義,乜嘢都要聽晒佢話,連食飯都要服侍佢。因為文化差異太大,所以先至分手。

港女適應唔到日本男人,鈴木仁最終都係揾番個o架妹,先至最投契。近日,東姑就發現呢隻冇腳嘅雀仔,原來喺今年七月中已經結咗婚;為晒恩愛,鈴木仁仲不時上載同仁嫂嘅生活照等人like下,同以前嘅作風真係好唔同。一物冶一物,仁嫂果然有啲計仔,令呢位曾經喜愛夜蒲嘅仁兄,收心養性做人夫。

鈴木仁喺香港發展嗰陣,經常有索女埋身,形象花弗,搞到演藝事業未如理想,惟有返回老家發展,估唔到今年七月中,佢會定性仲結埋婚添。

文章標籤

創作者介紹
創作者 tvb4life 的頭像
tvb4life

明星八掛大分享★☆

tvb4life 發表在 痞客邦 留言(0) 人氣()