現時洪立餐具批發在新蒲崗設有展廳, Max(左)及 Kent表示會盡量要求客人上來看貨辦,「 showroom嘅款式較齊之餘,睇啱即場訂貨,出貨會有效率。」

創業通

賣科學瓷餐具 攻中小企餐廳

Ads by Google

餐具批發在香港是一個老牌行業,甚少有年輕人入行, 3位 80後 Max、 Kent及 Phoenix膽粗粗入行,在 14年成立洪立餐具批發,他們主打科學瓷餐具,並透過網上宣傳,成功招徠一班年輕創業者及中小企餐廳,成功殺出一條血路。

在 14年成立的洪立餐具批發,主要批發科學瓷餐具,由 3位 80後 Max、 Kent及 Phoenix創辦, Max說:「香港餐廳幾鍾意用瓷造嘅餐具,但好易崩;科學瓷餐具係一種仿瓷餐具,外形及重量都同瓷造都相似,雖然兩者價錢差唔多,但科學瓷比較耐用,𠵱家開始普及。」他們提供的科學瓷餐具,包括杯、碟、湯匙及餐盒等過千款式,仲提供印 logo的服務,每件餐具售價由$5至過$30不等,如訂滿$2,000,可免運費。
洪立餐具批發成立年多,已有近百間餐廳採用他們的餐具,客戶以茶餐廳、公司飯堂為主,「我哋最初嘅目標係酒樓、 cafe、茶餐廳及快餐店,但做落先知,酒樓會比較傳統,唔太會轉批發商,而 cafe會訂比較精緻嘅瓷器,於是我哋集中茶餐廳、飯堂等客人,會 sell蛋碟、麵碗、多士碟及調味碟等餐具。」




和風餐盒$32


勾匙$5


船形碟$14.8 同學仔齊創業

Max、 Kent及 Phoenix由中學到大學都是同學,畢業後更決定一起創業,希望闖出一片天,加入餐具批發這行,是 Max有入貨來源, Max表示︰「有親戚喺廣州開廠造餐具,但主打內地市場,我哋搵過資料,知道香港嘅餐具批發商集中喺上海街一帶,多數係地鋪,餐具價錢較貴;加上𠵱家有唔少餐廳採用科學瓷造嘅餐具,但香港嘅款式唔多,內地嘅款式則有過千款,有一定吸引力,於是說服我親戚,幫佢開拓香港市場。」
在試業的頭兩個月,他們已發現不少問題,「開始時冇租 office,樣辦擺晒喺屋企,我每日拖住喼樣辦逐間餐廳去問,但有時負責人唔喺到,有啲就忙緊唔得閒理你,雖然都搵到啲單,但效率太低,問 30間餐廳先傾得成 1單,要喺宣傳上作出改變。」




科學瓷餐具比瓷器耐用,加上過千款式,現時有不少餐廳採用。


剛創業時, Max每天拖着近 20公斤的樣辦到餐廳找客,但發現效率不高,現時是有客人要求才會出動。


洪立餐具批發有多款的餐具款式可以讓客人選擇,明洞屋便向他們入貨,包括調料碟、杯、碗。 


陸小姐 明洞屋韓食&烤肉負責人

我哋之前打算換批新餐具,見到洪立提供嘅款式幾啱用,我哋傾咗幾次,見佢好有誠意,最後同佢哋訂咗調料碟、杯、碗等餐具。

上宣傳吸年輕客

他們先在新蒲崗租了一個 200呎單位作 show room,然後加強網上宣傳的力度,「我哋搵人去派傳單,叫人上嚟睇;喺香港做餐具批發多數係老字號,冇咩做網上宣傳,但𠵱家啲後生仔咩都第一時間喺網上搵資料,我哋整咗個網站,兼喺 yahoo、 google賣廣告,真係吸引到一班創業嘅人,同一啲公司 canteen嚟幫襯,𠵱家有 4成生意都係經網上知道我哋。」
餐具批發是 3位年輕人首次接觸, Kent表示很多事情是得到教訓才會學乖,「起初我哋咩物料嘅餐具都做,只要客人落單,我哋就叫廣州間廠直接運過嚟,但接咗幾張單後,發現不鏽鋼嘅餐具重量較重,計埋運費就會蝕;玻璃喺運送途中又容易爛,最後我哋決定主做科學瓷餐具嘅生意。另外,我哋做熟咗個流程,𠵱家可以幫人印 logo喺餐具上,但要訂一定數量,每個 item要 200件或以上。」




每單生意很少第一次見面便完成, Max表示很多時要帶 2至 3次樣辦給客人選擇,才能找到合心水的餐具。


Max表示可在餐具上印上公司 logo,多是想建立公司品牌的客人選用。


經濟差影響生意

表面看餐具與經濟狀況沒甚麼聯繫,但近來經濟不景氣, Kent表示對洪立的業務有不少的影響,「之前每個月會有 1至 2間新開嘅餐廳嚟訂餐具,一般每間會訂 1,200件或以上嘅餐具。近排經濟環境差咗,𠵱家每月得番 1間或者冇,對我哋生意都有影響。我哋會對現有客戶做多啲 follow up,希望接到啲補貨單,幫補吓。」

洪立餐具批發 http://www.red-dining.com 




Red rice創辦人

我哋訂餐具都係睇價錢及質量,同 Max見過幾次,覺得佢做生意幾踏實,試過啲餐具真係實淨,喺開新店時決定同佢哋訂貨,如果嚟緊再開分店,都會搵番佢哋入貨。

開業成本
租金︰(2按 1上)$15,000
雜費︰(公司註冊/宣傳)$6,000
總投資︰$21,000

每月開支︰
營業額︰$91,000
租金︰$5,000
入貨︰$42,000
人工︰$24,000(3位老闆)
盈利︰$20,000

撰文:曾志恒
攝影:陳子禮、胡景禧

文章標籤

創作者介紹
創作者 tvb4life 的頭像
tvb4life

明星八掛大分享★☆

tvb4life 發表在 痞客邦 留言(0) 人氣()