採訪當日, Silky到樂善堂劉德學校的開放日派棉花糖、爆谷等小食,「美食車就好似大家平日見到嘅雪糕車,不過我哋可以配置唔同煮食器材提供唔同食物,好似熱狗、爆谷、炸雞,甚至燒龍蝦都得。」

Jobs Live

美食車專接 event客

Ads by Google

年初,財爺曾俊華在預算報告中提及要引入美食車,但計劃要上馬依然遙遙無期。 Silky、 Simon和 Eddie就早着先機,自行設計改裝第一架本地美食車,並加入太陽能發電設計,提供租車以至到薈等服務,專接 event客,搶飲美食車熱潮頭啖湯。

早在財爺提出推廣美食車前, Silky已留意到在港發展 food truck的商機,「 Food truck喺美國好盛行,幾年前有個朋友讓咗架麵包車畀我,當見到財爺話有意推廣美食車時,覺得係一個創業嘅好時機,就將架麵包車改裝成美食車。」

美食車變化多

Silky和拍檔 Simon在 15年初成立 HKFTA,其後得到 Eddie支持加入太陽能發電設計,現有 3個款式共 10架的美食車,提供租車及到薈等服務,「法例唔容許美食車喺街擺賣,所以𠵱家我哋專做 event客。我哋有一架 MT-1,由 Silky親手設計,可以按需要去組裝爐具,喺車上即場煮食;另有 2架 MT-2,同 MT-1設計一樣,但佢冇引擎,要靠另外一架車去拖行;我哋仲有 7架冇廚房嘅 T-1,用嚟提供現成嘅食物。」
HKFTA提供的租車服務,每個鐘收費$1,000,最少租用 3小時,加裝爐具再額外收費。「我哋可以供應埋食物,連租車一個 package大概 7千蚊起,視乎租用嘅時間及食物款式、分量而定。營運咗半年,我哋接咗二十幾個活動,有婚禮、車迷聚會及學校開放日等。嚟緊我哋計劃同香港西廚學院推出美食車課程,負責向學生簡介美食車嘅營運及提供租車服務。」




Silky和 Simon駕駛 MT-1美食車到小學。


Silky和 Simon當日在學校派綿花糖及爆谷給小朋友、家長,非常受歡迎。 旺角派爆谷宣傳

美食車在港仍不為人熟悉, Simon曾想出鬧市派小食作宣傳推廣,「 7月喺旺角派爆谷試市場反應,做宣傳之餘,同時可以當面聽吓客人有咩意見,包括停泊嘅位置,排隊所需嘅時間等。」美食車亦會參與社福機構舉辦的遊戲日,「小朋友見到美食車都會好興奮,我哋又可以攞多啲營運經驗,睇吓電力供應、食品製作有咩可以改進。」
facebook@HKFTA




Silky(左起)、 Simon和 Eddie覺得政府能立法讓美食車試行,將來大有市場,因鋪租昂貴,想做飲食生意的年輕人,可租車創業,降低成本。


美食車 MT-1由 Silky親手改裝,「呢架車原本屬於一間園藝公司,係𠵱家少有嘅平頭設計,園藝公司老闆割愛畀我,我將車身改成兩邊都可以打開,賣嘢時更加方便。」 開檔全程睇

 




從車尾取出爐具,準備組裝在美食車上。


Silky和 Simon在改裝美食車時,加入了環保的元素,「朋友 Eddie從事可再生能源發展嘅行業,佢資助我哋喺車頂加裝太陽能板,為車上嘅煮食器材供電。」


太陽能供電率只有 15%,每次出車前, Eddie會預先用家中的太陽能板採光,將電池充滿電, Silky表示:「 Eddie正研究改良美食車,改用電能推動,提高效率之餘,又唔會排放廢氣。」


Simon引入了美國軍用的環保濾水裝置,「我向一個美國教授引入咗一個非常輕巧、可以隨身攜帶嘅瀘水器,用兩個蒸餾水桶做咗個 demo,放喺美食車上向小朋友推廣環保訊息。」


組裝完成。 


千幸 學生

我今日第一次見到美食車嘅真身,估唔到係咁的骰,好有新鮮感。如果喺鬧市見到,可以去買吓小食,好方便。

撰文:杜曉婷
攝影:傳新發

tvb4life 發表在 痞客邦 留言(0) 人氣()