Hester香港樹仁大學新聞與傳播系 Yr.1Hester表示巡遊演員導遊的主要職責之一,是帶領嘩鬼演員到達樂園指定的表演場地。

U撈

哈佬喂湊鬼員

Ads by Google

踏入 10月,又是一班「嘩鬼」出動的時候,到海洋公園看不同鬼怪造型的演員落力演出的同時,不知有否留意他們身邊有一名巡遊演員導遊,照料着他們。在樹仁讀書的 Hester,已連續兩年在哈佬喂期間擔任兼職巡遊演員導遊,除了專門湊鬼外,工作時也要面對不同的遊客,訓練她的臨場應變能力。




表演前或中途, Hester會檢查演員身上的道具是否妥當。「自己都驚鬼,有時望住班演員化妝,之後都會俾佢哋嚇親。」

唔好意思,唔該唔好拍打個演員…你係咪想同隻鬼合照呢?我幫你揸機。」 Hester身為兼職巡遊演員導遊,除了要帶領安排各個演員到達樂園指定的表演場地外,還要確保巡遊演員準時及在安全情況下完成表演。
「我哋通常會企喺隔離,盡量唔干預演員演出,當遊客有行為阻礙到演員,我哋先會出現,好似遊客好熱情咁拍打演員或者不斷搞個道具,我哋就要出聲制止;演員需要休息或者補妝時,都係由我哋帶佢入後台,好似個演員扮緊海龍王,我會同佢講:『你個龍宮火燭呀,快啲返去救火。』令遊客唔會覺得咁突兀之餘,成件事都有趣啲。」
13年, Hester已經擔任過海洋公園的兼職巡遊演員導遊,覺得適合自己,今年決定再次參加,「自己唔鍾意長時間坐 office,之前有做過 sales,當時搵工時見到海洋公園請兼職巡遊演員導遊,先知原來有個咁嘅職位,知自己做唔掂演員,但想感受 Halloween嘅氣氛,見個職位幾特別,就決定試吓。」

要熟悉演員習慣


為遊客與嘩鬼演員拍照,也由 Hester一手包辦。

Hester自言工作需邊做邊學,「初頭有少少唔知要點做,係咪企喺到望住就得呢?其實要熟悉唔同演員嘅習慣,有啲鍾意同遊客互動,玩得好放;但有啲會唔多想遊客不停掂到佢,我要睇情況去保護個演員,尤其有啲打扮比較性感嘅女演員,盡量唔好畀遊客同佢有肢體接觸。遊客睇得開心,同時要顧及到演員感受,尊重番佢哋。」
工作集中在 9月中至 10月尾, Hester約有$10,000的收入。「返工時間多數喺五、六、日,每日工作 10至 12個鐘。編更前講番自己嘅上堂時間,公司會就番你。成個 Halloween嘅工作人員有成千人,每日要配合嘅演員都唔同,會識到好多新嘅朋友。」

考臨場應變能力

雖然 Hester的工作與本科的關係不大,但訓練到她臨場反應及危機處理能力,「每日都面對唔同嘅遊客,下一秒你都唔知會發生咩事,遇過有個遊客反應大咗,俾演員一嚇,跌咗落地,我同個演員都好緊張,但演員 on show緊,我就負責照顧個遊客,睇佢需唔需要 call醫療服務,好在最後冇咩事。」
對於畢業後的發展, Hester已經有初步打算,「成個工作過程好開心,係一個美好嘅回憶,畢業之後,我想入行做 pr,做啲對人嘅工作,搵到同樣嘅樂趣。」




每當有遊客走近嘩鬼演員時,企在旁邊的 Hester都加以戒備,「要阻止遊客拍打演員,有需要時就上前協助。」


當演員要休息時,需由 Hester帶領他們回後台休息。 點入行?

海洋公園每年都會招聘哈佬喂的演員及巡遊演員導遊等工作人員,每年 6月開始刊登招聘廣告,詳情可留意網頁(http://www.oceanpark.com.hk )。

撰文:曾志恒
攝影:陳子禮

文章標籤

創作者介紹
創作者 tvb4life 的頭像
tvb4life

明星八掛大分享★☆

tvb4life 發表在 痞客邦 留言(0) 人氣()