猜心羅生門

寵物與家畜?

Ads by Google

獸醫護士(守在櫃枱):有咩幫襯?
Arke(手抱愛貓):我剛才打過電話來,我的貓貓排不到尿,憋得很辛苦呢!
獸醫護士(扮冇印象):咁呀,這麼晚,要當急症處理喎,診金$1,500。
Arke:點都好。

見到醫生

年輕獸醫(拉長臉):你隻貓排唔到尿呢家嘢係生命攸關,所以需要慎重處理。點都要先驗血、照 X光再驗尿,睇報告,才可以決定怎做。

Arke:呢隻貓經常有膀胱炎,時時排唔到尿,情況我都很理解。你們都識講急症啦,現在半夜三更,我就因為住得近才嚟你們診所。老人家遇到這情況去急症室,也是先幫牠放了尿再慢慢搞吧。

獸醫(皺眉頭):現在咁夜,你去邊度都要收急診、夜診費。你是覺得做這些化驗多餘定係嫌貴啊?

Arke:就算人類患病去睇醫生,畢竟都要衡量消費,有什麼不關錢事?我在意合唔合理、解唔解決到問題,而不是被乘機食住上!而且,過往的獸醫也是以針筒先將尿液抽出來,再用藥或觀察的。

獸醫(公式對應):我覺得你咁諗好唔人道囉。如果唔知道隻貓的尿結石喺咩位置,很難斷定採取什麼方法放尿最合適。

Arke(克制怒火):醫生,現在就是應該馬上放尿,以免動物的情況惡化,這點你也不反對吧。現在快十一點了,那些化驗非做不可嗎?恐怕你也不敢斷言,無論尿道堵塞的地方在哪裡,都不影響你目前幫貓貓排尿。

獸醫:你係愛你的寵物,應該以寵物的利益為先。你的某些想法並不人道。

Arke:寵物的利益?人道?半年前我另一隻貓跌傷來求醫,你們提議人道毀滅,我不肯,你們說即使救回性命但行動不便對動物也是不人道;結果我去第二間,康復了,雖然跛跛吓仍活得好好的,我願意照顧呀。很多獸醫就是如此──嫌麻煩和成功率低便說放棄治療是人道,視寵物如家畜;見到簡單的病可以慢慢氹客,就拖症,唔肯就範又責怪飼主唔人道。

獸醫(自知理屈):我唔同你講咁多,你去了解吓價錢再決定。

Arke:我只係心痛隻貓,也不想與你為難。錢並非唯一考慮。香港獸醫診所缺乏監管,醫療失誤如注射麻醉藥醒唔番也不用負責,平時就動不動拿愛心來對飼主施以精神壓力,根本順着你們的財路才叫做有愛心,人道毀滅都算愛心?殺害還要另外收費──上次你們仲衰到即時介紹埋火化服務,是有掛單吧?人類的醫院會不會同殯儀館聯營?好彩我堅持讓貓貓活下去。

堅持之下,獸醫最後接受先替貓貓放尿。貓貓舒服晒, Arke決定今晚人和貓都回家好好休息再說──

獸醫護士(送出大堂):唉,其實我都好難做,你知啦打開門口做生意……不過,我建議你明天再來做徹底檢查。

Arke(一邊埋單):唔係咁夜我都唔想靠你們,明天我自會搵間唔只識賺錢的診所妥善治療。

獸醫護士(死性不改):現在要不要順便買些貓糧、貓砂?

Arke(推門離開):都係嗰句──人類醫院會唔會兼埋賣米賣廁紙?好好反省吧。

作者介紹

Iris和 Arke是希臘神話裡一對孿生姊妹,托生今世成為本欄主持人,為大家解決情場和職場種種難辨錯對的羅生門事件。
Iris:善良正直的 OL,擅長心理測驗和分析。
Arke:敢愛敢恨的辣妹,擅長星座占卦。

本期撰文: Arke
插圖:朱桂葉
mailto:nextplus.nextmedia.com

文章標籤

全站熱搜

tvb4life 發表在 痞客邦 留言(0) 人氣()