金融界撈家,穿梭黑白政商界,朋友遍布旺角至中環,每星期都八到唔同料,同《壹》仔讀者過吓癮!

爆壹爆

勝和坐館 學人做導演

Ads by Google

呢排江湖都冷清,勝和上屆坐館寶明喺尖東擺壽宴,好多社團人士,當晚都有俾面出席,好似勝和前坐館四眼柱同大飛、前揸數人大華、重量級元老國華等,其他社團亦有代表到場,因撐佔中被公安拉嘅水房前坐館子鳳都有來,現場都好重江湖味。開席前大飛就一時興起,上台同人合唱《月亮代表我的心》,唸經般嘅歌聲真係好有個人風格。

之後爆哥同寶明吹水,唔講唔知,原來佢撈咗電影三十年,一直都係做製片,以前仲係向華勝嘅得力助手添,拍過唔少電影,好似《賭俠》同《上海灘賭聖》,和星爺同劉華都合作過好多次㗎,真係估佢唔到。寶明仲話,佢好睇好內地市場,所以依家會全力搞電影,手頭上已經有幾個劇本諗緊,仲話有興趣想試吓做導演拍江湖戲添。爆哥問佢,會搵邊個做男主角,寶明話想搵古天樂喎!
可能寶明食開娛樂圈呢行飯,所以當晚都有唔少演藝人到場,好似張立基、仙樂都、關寶慧、《東張西望》主持吳幸美,以及有翻版張栢芝稱號嘅陶枳樽添,所以話江湖中人無處不在,各行各業都有滲入。




班女星坐埋一齊就玩 17,呢期好興。


搞事雄(左)同四眼柱都係江湖麻煩人,難得搭膊頭喎。


睇吓大飛笑得幾開心,係囉,多啲唱歌,少啲打架啦! 東門 肚兜 Style

爆哥呢期好鍾意北上搵北方麥明詩,行經深圳東門,唔知點解,總有一架「警察東門反恐」警車泊喺附近,每條街道仲會有「反恐應急疏散通道」,行行吓仲會有成隊警察攞住碌警棍同盾牌巡邏,搞到咁大陣仗嚇鬼呀。你有你反恐,北方麥明詩話未驚過!佢帶爆哥見識東門 style「串燒舞」,呢期 hit爆深圳咁話, hit過當年雄霸 D場首本名曲《你老竇索 K》,咁巴之閉!爆哥一定要去挑機。
個貌似六師弟嘅肥仔,著住肚兜,梳個九唔搭八雞公頭,當 iPhone係捽碟機,不斷自 high跳舞,肚腩跟住音樂跳躍浮動,六師弟來自福建,佢仲話:「這是我自己獨創的舞蹈,因為穿這個肚兜很可愛,可以顯出我的身材,你睇靚唔靚啫?」嘩頂!來人,拖出去亂棍打。







大陸真係好緊張反恐,巡邏隊不停穿梭。 高佬和 水鬼陞城隍

鄉紳一向熱愛祖國,尤其係元朗土豪,更加撐阿爺撐到出晒面,每逢有乜嘢撐政府活動,元朗土豪都會最先舉手出力支持。上星期國慶日,咁大日子,當然有大搞作喇!當日,一班元朗鄉紳為咗表明自己已經染紅,特登搞咗個同胞國慶酒會,高調慶祝一番。阿爺知道,一定大大力掌聲鼓勵。
有份出席嘅朋友事後同爆哥講,呢個酒會擔大旗嘅,竟然係平時粗聲粗氣,講兩句就話要打人嘅屏山鄉事委員會主席高佬和。朋友話高佬和當晚好威水,喺台上發言時,身後企咗大班高官聽佢講嘢,包括有中聯辦副主任、民政專員同各部門地區首長,另外仲有大班民建聯議員站台撐場添,不知幾巴閉。江湖出身嘅惡人高佬和,呢次真係喺政界水鬼陞城隍,威番一次,多謝 689囉!







高佬和站前揸咪,後面成班高官議員。 爆哥乜料

金融界撈家,穿梭黑白政商界,朋友遍布旺角至中環,每星期都八到
唔同料,同《壹》仔讀者過吓癮!

tvb4life 發表在 痞客邦 留言(0) 人氣()