樂瞳紅V熟女 鋪釀酒路

Ads by Google

天生童顏的樂瞳昨日盛裝出席記者會,以Deep V貼身裙大騷事業線及Bra帶,一改(o靚)妹形象升呢做女神,惜獲讚女人味急增的她卻大呻冇人追。她又透露正修讀紅酒課程,希望日後可到外地釀酒。



樂瞳穿低胸貼身裙。

無綫藝人樂瞳、黃心穎、麥明詩及梁烈唯等,昨日出席《善心滿載仁愛堂》電視籌款晚會記招,向來予人(o靚)妹形象的樂瞳,罕有地穿紅色Deep V貼身裙,大騷香肩、美腿及事業線之餘,背後更不經意露白色Bra帶。

獲讚女人味增加

對於突然性感,樂瞳謂:「乜都試吓,呢件衫幾窄,我好怕着好鬆嘅衫,因為會好肥,挑戰吓你哋(記者)部機影出嚟係瘦定點,如果肥就再繼續努力減肥。」她又否認轉行性感,純粹想予人成熟感覺,脫「阿妹」味,自言恨拍拖的她稱:「最近有人話我多咗女人味。(多咗追求者?)冇,我想做嘢多啲,希望做主持畀人穩定嘅感覺多啲。」


樂瞳背後不經意露Bra帶。

黃心穎(右)與陳庭欣為慈善出力。

與麥明詩(左)一起現身的梁烈唯,對負評一笑置之。

正修讀紅酒課程的樂瞳,盼有機會到法國、澳洲釀酒,問是否想進身上流社會?她說:「唔係,想學多樣嘢,呢樣我好有興趣,上堂試酒好好玩,希望將來未必繼續喺娛圈發展,都可以多個範疇。(鋪後路?)唔係,如果有日老喇、觀眾唔鍾意睇我,都想有第二個事業。」

唯唯背負評開工

另外,被網民封為「負評王」的梁烈唯,對於被傳拖累新節目《男人經》被腰斬,唯唯說節目本月中開拍:「個節目係停咗,但唔係因為我嘅小事件,係轉咗形式再做。」

文:影視組

文章標籤

全站熱搜

tvb4life 發表在 痞客邦 留言(0) 人氣()