被指左擁Mango右抱Judy
莊家彬:角度問題

Ads by Google


■Mango雖然在娛樂圈不得志,但緋聞就好精采,曾跟天王郭富城傳緋聞。微博圖片

家族坐擁80億身家的富二代莊家彬,今年2月狠撇舊愛傅明憲後,火速已有內地女友程新惠登場,惟昨有報道圖文並茂莊家彬日前在飯局上,左擁右抱王秀琳(Mango)和今屆退選巨咪港姐36G沈子妤(Judy)。
莊家彬昨接受本報訪問,表示當晚才認識Judy:「係一個朋友聚會,明顯新聞炒作無聊,動作親密我覺得角度問題,Mango識咗好耐,搭吓膊頭冇乜特別,Judy第一晚識,咁啱佢坐我隔籬,唔知佢係退選港姐。」是否懷疑有人放料?他說:「嗰晚大部份係我朋友,佢哋唔會,唔係咁熟就唔知。」會否覺得Judy想追自己?莊家彬向女友派定心丸:「全香港知我有女朋友,都好穩定。」對於被影到左擁右抱,他解釋:「我嗰日飲咗少少酒,嗰度有啲嘈,同我傾偈聽唔到,就喺耳邊講。」


■莊家彬否認與Mango撻着,直指與女友程新惠(左二)感情穩定。資料圖片


■36G退選港姐Judy出席富二代飯局,莊家彬強調當晚才認識。資料圖片

Mango:問心無愧

至於被指姣媾莊家彬的Mango,昨在電話澄清:「我絕對清白,問心無愧!」問到跟莊家彬的關係?她說:「朋友囉,講真食飯唔係男就女,總之我同家彬佢哋幾個都係朋友。」問是否認識他的女友?Mango說:「呢啲我唔講。」會否擔心被指是第三者?她說:「好無辜!真係朋友咁簡單,朋友都可以搭膊頭箒。」當晚有否飲醉?她說:「食飯飲酒好正常,但大家知大家做緊乜,只不過係角度問題。」
問現在有否拍拖?她說:「呢啲唔講,呢單係好好笑新聞,講真其實我好嬲,我覺得係某啲人想做新聞。」是否指Judy?Mandy說:「我唔知,好好哋食餐飯,無端端有人影呢啲相出嚟,會覺得早有預謀囉。」Judy則在ig留言:「讓我靜一靜。」
採訪:皓騫、唐如

全站熱搜

tvb4life 發表在 痞客邦 留言(0) 人氣()