張智霖頻傾Job 靚靚緊隨晒巨鑽

由iPad胸升級變為巨乳人妻的袁詠儀(靚靚)日前與老公張智霖(Chilam)出巡,雖然衣着密實,但身材同樣玲瓏浮凸,上圍明顯升Cup。靚靚更大晒Chilam送給她的兩卡生日巨鑽,咁耀眼,真係要戴番副太陽眼鏡來擋擋!

Ads by Google

記者先於銅鑼灣大坑發現Chilam的座駕,未幾就在附近一間咖啡室發現他的蹤影,當時Chilam正跟一大班人傾談工作事宜,期間他一直有講有笑,氣氛很熱烈。約兩小時後, Chilam先行步出咖啡室,老婆靚靚則緊隨其後。Chilam一見記者則表示:「剛剛跟TVB的幕後人員傾談合作細節。(靚靚都一起亮相節目嗎?)佢只係陪我來傾工作。」說罷兩人便跟助手走往座駕準備登車離去。

當日靚靚一邊行一邊跟助手說個不停,更無意間騷出她手上的巨鑽戒指,保守估計最少有兩卡以上。早前靚靚曾自爆去美國旅行時,「屈」老公送了一枚心儀已久的鑽石戒指給她作生日禮物,當時Chilam不發一言便放下信用卡埋單。就記者所見,靚靚手上的巨鑽戒指雖然設計簡單,但火數十足,非常耀眼,難怪靚靚開心到要戴在手上跟大家分享,相信就是傳說中的「鑽石之王」美國品牌Harry Winston的鑽戒。該品牌的鑽戒動輒都要過百萬元,戴上它可算是身分地位的象徵。有一個如此貼心的老公,難怪兩人愈來愈恩愛。

Chilam咖啡室傾合作,努力賺錢畀老婆買名牌。

跟TVB傾談合作都有老婆相陪,難怪Chilam「有求必應」又買靚錶,又買鑽戒畀靚靚(紅圈)。

相戀多年的Chilam與靚靚,一直非常恩愛,雖然Chilam一向予人好好先生的形象,但亦難免惹來零星緋聞,年前便傳出過佘詩曼介入兩人的婚姻,但霸氣十足的靚靚三兩招就將「情敵」踼走。

文章標籤

創作者介紹
創作者 tvb4life 的頭像
tvb4life

明星八掛大分享★☆

tvb4life 發表在 痞客邦 留言(0) 人氣()