Shadow pass將 Shaker由個頭後面拋,係睇唔到個 Shaker。

Major

ENJOY FLAIR BARTENDING #工作累鳥食好西飲靚酒是常識吧

Ads by Google

「夜蒲」呢個字本身都已經好老土,夜晚去酒吧,唔一定只係好似《喜愛夜蒲》咁樣食仔食女,你睇《 HERO》木村落酒吧食個靚飯、飲杯靚酒,對住個唔多出聲嘅木獨 Bartender,一樣超型棍。搵個位坐低先,欣賞吓花式調師精心炮製的靚酒,再睇睇落 Bar有乜多嘢玩,好唔好呀?

靚仔 Bartender導師 花式調酒吸睛大法

一杯 Cocktail嘅靈魂並唔係酒,而係調酒嘅 Bartender,製作過程本身已經係一場賞心悅目的表演。香港調酒學校嘅靚仔花式調酒導師 Kit入咗行 4年,當初因為覺得做調酒師玩花式係一件好型嘅事,所以一直醉心玩花式調酒。 Kit話所有酒具、器皿其實都玩到花式調酒,今次佢簡單使用調酒 Shaker嚟玩。冇 Shaker拎隻杯試都得,但大前提係要用膠杯,否則經驗不足下,必定有危險!




Thumb Roll原理就好似轉筆一樣,黏著自己嘅手指公嚟轉個 Shaker。


Behind The Back將 Shaker由前面拋去身後面, Shaker途中會轉兩個圈。 拋樽 X SHAKER

學嘢啦,專心啲! Kit進階用兩樣唔同嘅物件嚟玩,入咗行玩花式調酒 4年嘅佢,話玩花式最重要就係夠大膽,「如果你唔怕兩個玻璃樽喺你眼前碎裂嘅,你就玩啦!」唔怪得知玩花式調酒嘅大部分都係男仔,女仔怕玩到損手爛腳嘛!




斟酒首先反手揸住個杯,斟酒斟到一半嘅時候 cut一 cut,再反手轉正手持杯接酒,記住自己係將啲酒斟落個杯度,唔係個地下度。


Hand Stall將個樽輕輕拋起,用自己嘅手背接住,最緊要可以平衡到個樽,唔好俾佢跌。


Back To Flout將樽由身後拋向身前,左手或右手接都可以,最緊要個樽保持垂直。 調酒師必備工具

A.濾網 隔走材料渣滓之用
B. Jigger量杯 量度材料份量之用
C. Shaker搖酒器 將材料混合之用
D. BostonShaker 同樣將材料混合之用,只是風格不同。
E. Bols Flair Bottle膠樽 練習用膠樽
F. Pourer濾嘴 令倒酒時更精准
G. Bar Spoon吧匙 將雞尾酒調和之用
H. Muddler攪拌棒 將較大型材料搗碎之用
I. Stainer隔冰器 將搖酒器內的冰隔走
J. Jigger星杯 量度材料分量之用

冠軍級女 Bartender 調哈囉喂 Cocktail


Grace入行一年已經加入六星級酒店做調酒師。

Halloween嚟嚟去去都係鬼屋,其實夜晚去酒吧飲杯 cocktail一樣好正。嚟緊萬聖節荷里活廣場就會有個「哈囉喂狂歡鬼酒吧」,除咗可以飲到地獄巫婆湯等等嘅特式 cocktail,仲會有調酒師大賽睇,呢位靚女 Bartender Grace就係上年嘅冠軍嚟喇。



地獄巫婆湯
日本威士忌同伏特加,再加上藍柑糖漿、橙汁同蔓越莓汁,最特別係加入咗乾冰,不斷出煙勁有視覺效果,萬聖節飲就啱哂!



Rainbow
七隻唔同顏色嘅酒,由最頂層嘅烈酒,到最下層嘅甜酒,每一隻酒嘅密度都唔一樣,所以可以排列到彩虹咁分明。



B52
主要酒精成份就有酒精濃度成 70度嘅咖啡甜酒(Kahlua)、 Bailey's甜酒,最後加埋冧酒 Bacardi 151營造出烈火嘅效果,飲落去都幾燒喉!

第七屆香港調酒師大賽總決賽+哈囉喂狂歡酒鬼吧

日期: 2015年 10月 31日
時間: 15:00- 20:00(調酒比賽至 17:00)
地點:鑽石山荷里活廣場一樓明星廣場
費用:顧客於場內消費滿 HK100,即可入場享用威士忌雞尾酒(Cocktail)或無酒精特飲(Mocktail)乙杯。每款特飲限量供應,先到先得,額滿即止。
查詢:荷里活廣場(2118 8811)

KOREAN CLUBBING GAMES

即係咁,以前蒲開 bar嘅飲酒 game,離不開都係猜枚、骰盅、啤牌,甚至打麻雀!唔單只玩到厭,俾人個感覺仲好爛、好 cheap!《 FACE》今次搵到韓系酒吧 K-POCHA教你 5種韓風飲酒 games,袋定幾款落袋,下次出去玩嗰陣都有幾款拎到嚟同大家 happy,飲酒都飲得特別 high啦!



THUMBS UP
推介度:★★★★(5粒★最高)
難度:★★★(5粒★最難)
其中一人要主動開始,將一隻大姆指放最低,然後大家就要鬥快疊高,疊得最慢嗰位就要飲喇!呢個遊戲節奏最快,飲酒自然飲得快;身體接觸又多,最適合一班啱啱坐低但未熟嘅男男女女一齊玩!



TITANIC
推介度:★★★★★
難度:★★★★
倒入半杯啤酒,然後入面放一個空嘅 Shot杯,每人輪流倒入燒酌, Shot杯沉落啤酒入面就為之輸,要將混入燒酌同啤酒嘅酒一次過飲哂,醉得超快!如果想快啲灌醉人嘅,可以特登倒多啲燒酌,令到後面嗰位快啲沉,當然你都有輸嘅風險啦!



007 BANG!
推介度:★★★★
難度:★★
同香港懷舊遊戲《砰,嘭,嘩》同樣原理,不過「砰,嘭,嘩」就可以無限「砰」人,但呢隻 Game就必需要輪流嗌「 0」、「 0」、「 7」、「 Bang」,嗌到「 Bang」嘅時候,被 Bang嘅隔離兩個人就要嗌「嘩」,冇錯嘅就繼續無限 Loop落去。識玩《砰,嘭,嘩》嘅話,呢個 game直頭 easy job!



NUNCHI
推介度:★★★★★
難度:★★★★
呢個「撞車」遊戲其實係鬥快嗌 number,途中有人同時嗌同一個 number,同埋最後一個嗌 number嘅人都當輸!最好玩嘅人人都要開聲叫,指住對方大聲笑,好適合炒熱氣氛!



JAN CHIGI
推介度:★★★★★
難度:★★★★★
呢個遊戲只有三個動作,敲一下就係繼續前進、敲兩下就係逆轉方向、敲三下就係 skip。遊戲一開始就順時針玩,每人都可以自由選擇敲幾多下,然後順住每人敲幾多下嘅指示順住落去玩,接錯咗就輸!醉醉地個腦根本 load唔到敲幾多下,速度又越嚟越快,真係玩到暈陀陀!

K-POCHA
地址:中環蘭桂坊德己立街 38-44號好利商業大廈 7樓
營業時間:星期一至三 6PM-2AM;星期四至六 6PM-3AM(星期日及公眾假期休息)
查詢電話: 2770 0611

2016年 COCKTAIL新 TREND

日本威士忌
早排日本威士忌酒廠 Nikka先話停產兩款日本威士忌,其他牌子嘅威士忌更加話要加價,呢杯「鬼眼」係用上全球第一威士忌,日本純麥威士忌酒竹鶴 21年做 Base。



古巴傳統 Cocktail Mojito
習近平訪美嗰陣話,要以古巴傳統 Cocktail Mojito拉近中美兩國人嘅心理距離,即令到呢隻古巴傳統 Cocktail成為今年潮流!而呢杯「 Soju Mojito」就係傳統 Mojito加上韓國燒酌,感覺新穎!



韓國燒酌
韓風大熱,近排好多酒吧都選擇用韓國燒酌取代西式酒精做 Base嘅調酒方法,呢杯「 K-Pocha」以燒酌加上新鮮嘅荔枝、梨同乳酪。

撰文:陳可兒
攝影:傅新發、胡景禧

tvb4life 發表在 痞客邦 留言(0) 人氣()