傅嘉莉得寵擔正當場爆喊

Ads by Google

三屆視帝黎耀祥身兼台慶劇和賀歲劇兩大重任,卻在新劇試造型中未敢承認「福將」身份,又透露兒子計劃遠走美國留學賣甩自己:「係我脫離佢魔掌!」而首度升呢做女一的傅嘉莉直言收到通知時勁Surprise:「喊咗出嚟!」



傅嘉莉簽了無綫經理人約後,即升呢在賀歲劇做女一。

藝人黎耀祥(祥仔)、傅嘉莉(Kelly)和裕美、何廣沛等昨日在將軍澳電視城為無綫賀歲劇《財神駕到》試造型。首次做女主角的Kelly坦言收到消息時受寵若驚:「當場喊咗出嚟,好Surprise,覺得公司好錫我。」最近與無綫簽經理人合約的她亦指能與視帝黎耀祥合作而非常緊張:「都有少少壓力,因為自己嘅演技未去到好紮實。」談到有網民大讚她在《張保仔》中表現出色,她即時耍手擰頭:「仲有好多空間改善。」


與三屆視帝黎耀祥一齊拍劇,裕美(左起)、何廣沛與傅嘉莉(右)均表示要取經。
祥仔脫離兒子魔掌

而首度拍賀歲劇的祥仔被問到身兼台慶劇和賀歲劇兩大重任,會否覺得自己是無綫福將,他表示不敢當:「但咁都好,呢半年都可以係咁見到我,唔使好似上年咁好日都唔見。(冇時間陪仔?)佢都大啦,佢自己都好多節目。」更透露兒子將赴美國升學:「都補習、準備緊美國大學嘅入學試。(脫離你魔掌?)係我脫離佢魔掌!」

V煞裕美無懼指整容

至於激瘦20磅的「V煞版」裕美就透露自己跑足九個月減肥:「係人都知我以前係Pizza面,公司都話我肥腫難分。」問她會否因被指整容而不快,她表示沒所謂:「識睇就自然識睇,信你就自然會信你。」又透露最近跟一個男教練齊齊操,而老公亦認識對方故不擔心傳緋聞。

文:影視組

全站熱搜

tvb4life 發表在 痞客邦 留言(0) 人氣()