蘇永康無間斷Chok

唱得之人嘅蘇永康,近年少咗喺香港嘅螢幕見粉絲,但係佢就同東姑講,佢嘅工作量絕對唔少,除咗最近幫《香港小姐》做最上鏡小姐評判之外,之前喺台灣又幫《亞洲星光大道》做評審,嚟緊嘅十一月蘇永康會連同梁漢文、任賢齊、黃家強,一連三日喺紅磡體育館開演唱會。

Ads by Google

出名姿整嘅蘇永康,呢次會做埋演唱會嘅形象指導,早排佢哋四個去台灣影宣傳相,佢就攞咗八大個行李箱去現場,逐一配搭服裝,梁漢文講笑話:「下次可能連底褲嘅顏色都要先問過佢。」

蘇永康去到邊chok到邊,同老婆仔影合照,似足影雜誌封面咁嘅款。

蘇永康同陳子聰擺晒甫士影相,十足十一隊新男子組合,查實兩位都係唱得之人,真係可以諗諗佢噃。

查實,蘇永康嘅老婆係品牌公司嘅總裁,佢哋兩公婆梗係對服裝好有要求啦!所以佢連去食個飯,都會着到去做騷咁款,一套華麗嘅服裝,當然要襯返一個chok樣,難怪蘇永康行到邊chok到邊,就連傾過電話都擺晒pose,好似拍廣告咁款。蘇永康對自己要求咁高,搵佢做形象指導,大家一定放心晒!

面對咁美味嘅梳乎厘,蘇永康竟然無動於衷,繼續chok住講電話,林峯都要認輸!

文章標籤

創作者介紹
創作者 tvb4life 的頭像
tvb4life

明星八掛大分享★☆

tvb4life 發表在 痞客邦 留言(0) 人氣()