群星潮玩社交app「17」
Ella遇變態佬

Ads by Google

#video_player{width:100%;height:100%;}


■大肚婆Ella潮玩17,不停對住鏡頭問:「點玩㗎?」

最近人氣社交app「17」攻陷娛樂圈,容祖兒、官恩娜(Ella)、鄭希怡、周秀娜、林芊妤(Coffee)等都加入潮玩行列,呢個app由台灣藝人黃立成開設,除咗可以分享相、片外,仲可以玩直播同chit chat,呢個app最特別係越多like同followers,累積到3,000新台幣就可以分錢。
現擁有50多萬會員嘅17,早排因有會員直播做愛床戰、哥哥直播「妹妹洗澡」、自慰、吸毒等片惹爭議,被痛批毫無過濾機制,黃立成表示發現違規會刪除兼列黑名單,目前有逾千人被封鎖。


■身在日本嘅Coffee玩直播應網友要求做瑜伽,仲問網友畀咗錢未?


■羅彩玲喺廁所玩17時彎腰露事業線,大讚17好得意,不過勁食電。

羅彩玲露事業線

隨時生得嘅大肚婆官恩娜(Ella)前日都開咗17,噚日佢玩直播時有變態佬留言:「我想睇你乳頭!」Ella反擊:「你自己都有兩個啦,使乜睇我,我唔會畀你嚇親。」還扮驚叫:「媽咪,有變態佬!」
身在日本慶祝26歲生日嘅Coffee噚日玩直播,網友叫佢做瑜伽,將隻腳擺喺頭上,Coffee照做後又笑住問:「你哋有冇畀錢我㗎?」羅彩玲(Vivian)同張致恒女友莊端兒玩直播時,都彎身露事業線成功博like。Vivian接受電話訪問時讚17幾得意:「唯一唔鍾意就係佢燒電好快,同埋啲data好快用完。」李蘊則話直播時自言自語好搞笑:「我覺得唔係點賺到錢,我玩咗兩日,賺到個幾囉,我諗要玩兩年先攞到錢。」
撰文:馮仁昭

Ella玩潮app 被「性騷擾」

近期娛樂圈潮玩一個玩Live的app「17」,當中大肚婆官恩娜(Ella)亦成為追捧用家之一,不時大晒巨肚,就算素顏出鏡都冇所謂。昨日有網民涉嫌「性騷擾」Ella,留言說:「我想睇佢乳頭。」而Ella就回應對方:「你自己都有兩個啦!我唔會畀你嚇親嘅。」


對於被網民留言騷擾,Ella說:「玩呢個app其實都係想同大家分享吓自己嘅生活,同fans聯繫吓,我相信大家都會尊重自己同尊重別人嘅。」

 

 

創作者介紹
創作者 tvb4life 的頭像
tvb4life

明星八掛大分享★☆

tvb4life 發表在 痞客邦 留言(0) 人氣()