陳佐洱(中)兩位千金陳晴 Judy(右)和陳曦 Anne(左),在香港交遊廣闊,陳晴搞華菁會外,更加入羅旭瑞旗下的四海國際( 120)任非執董。

中環人語

「佐王」去殖民地化 識講唔識做

Ads by Google

全國港澳研究會會長陳佐洱,大大聲批評香港沒有依法實施「去殖民地化」;何謂「去殖民地化」?

 

 

錫蘭紅茶有名,但「去殖民地化」不夠徹底喎。

小宗只知「佐王」兩位千金很洋化;長女陳曦洋名 Anne,嫁澳洲洋人;次女陳晴洋名 Judy,嫁李嘉誠個姪李澤龍;兩名千金活躍於上流社會,以香港為基地做生意;其中陳晴全資持有 Ceylon Tea International Limited錫蘭茶葉國際有限公司,似乎未有徹底「去殖民地化」, Ceylon錫蘭此名充滿殖民地味道,這個位於印度南面嘅小島,自一八一五年被英國統治,英國佬稱之為 Ceylon。陳晴呢間公司於二○一一年成立;事有湊巧,同年斯里蘭卡為擺脫英國殖民的影子,政府下令全面禁用舊名 Ceylon錫蘭,並將所有政府控制機構名稱的「錫蘭」改為斯里蘭卡,此舉乃是「去殖民地化」之行動。咁,小宗又想問陳佐洱千金 Judy,何不把公司改名為斯里蘭卡茶葉國際有限公司呢,又?咁,我相信好多客仔會話,「唔係我杯茶喎。」
金融逍遙客:「恐懼」而來的騙案
游走於中港台併購、私募投資的金融多棲動物,現為多間上市公司主要股東及董事
現今流行的電話騙徒,招式又有新演變,連連出擊,香港人隔星期收到形形色色騙徒電話已成常態。大家都會奇怪,即使無睇《警訊》,也有睇過類似劉嘉玲智退假順豐的新聞吧,怎麼會連高知識人士也被騙上千萬?
逍遙客觀察此等老千策略,與大家非常熟悉的投資心理,其實一脈相通,就是「貪婪」與「恐懼」。這四個字真是人類天敵!股神老巴名言就是當別人貪婪時自己要知道恐懼,當別人恐懼時自己要更貪婪。過往二十年騙術以寶藥黨、電子零件甚至千年蟲為主題,以高回報吸引無知婦孺或不食人間煙火的知識分子,是行「貪婪」路線;近年則與時並進,改良版則主攻「恐懼」,並利用不少互聯網工具配合,編造苦主如何如何違法,令一眾平時知法又守法人士心理產生恐懼,從而一步又一步跌進陷阱。
已算知識分子兼日日讀書看報的家母,上月接到電話,猶豫了一陣仍不敢確定遇老千,也打來吩咐幫佢打去上海工商銀行核實真假。可想像稍為單純的市民上當,並不奇怪。老千集團式經營,從搜集電話到扮檢察官,分工細緻,管理科學化,苦主任何的疑問,老千都有天書解答,客戶服務質素與標準都是任何銀行學習的對象。老千充分利用人類「貪婪」及「恐懼」此心理天敵,並發揮到淋漓盡致,所謂老千計狀元才,此等老千若行正道,必是投資或企業奇才!

(《蘋果日報》圖片)

中環寸嘴: No Money No Talk…… No Fun
工廈大王楊耀松長子,是各大有名食肆之 VIP,喜歡研究城中有錢佬對食之要求,透過美酒佳餚,察看人生百態,讓讀者「嗒」落有味。
有老友睇完上期《 6:00pm後食全港最貴菠蘿包》,問我點解租客走咗就好寂寞,我話你知,租客走咗, No Money就 No Talk亦 No Fun, Okay?今期好旺呀,有讀者彈個電郵嚟糾正我,話全港最貴菠蘿包在迪士尼,$38一個;嗱,我去迪士尼通常係搞慈善舞會或晚宴,有相為證,$38一個菠蘿包真係留意唔到,睇漏眼失覺晒,不過迪士尼菠蘿包都係美心出品,美國佬冇菠蘿包食譜!
上個禮拜日朝早先幫襯完美心旗下嘅 Landmark Cafe,貪嗰度樓底高,點個港式經典早餐,唉,唐人西餐口味非常重,不過我唔會𡁻完唱嘅,事關撞正「趙大俠」,長實樓神趙國雄,佢同大婆撐枱腳食早餐,我好鬼佩服佢,公與私都照顧到,食完早餐又趕返長江中心搏殺,星期日喎!佢賣樓成日扮鬼扮馬,幫佢做「出騷」衫嘅裁縫咁啱又係幫我工廈管理員做制服,個裁縫老細話趙國雄親自度造型,直接落去「捽」佢,呢啲真係一級捽一級,聽講起初超人對樓神有微言,怕影響公司形象,但太子 Victor好受落,數口精嘛!有趙國雄扮鬼扮馬,報紙篇幅多啲,每份成半版,免費宣傳,物超所值喎。

楊國佳
有相為證,我喺迪士尼搞慈善 ball,仲有位洋妞伴住㗎!

Landmark Cafe
有港式早餐歎,不過硬係差啲,茶包沖一浸已冇味。(關永浩攝)

成功人士先有資格有兩頭家,仲要兼顧得貼貼服服,好似長實樓神趙國雄,週日晨咁早同大婆食早餐,之後返長江中心。
阿松捉蟲
南豐近日出售羅便臣道八十號近五十餘伙貨尾,此盤○一年入伙,經歷沙士、金融海嘯等風浪;然而呢啲磚頭愈擺愈值錢;南豐等到今時今日才賣,此舉會否是樓市見頂徵兆?事關南豐行政總裁梁錦松,佢揸慣鑊鏟,市場有乜風吹草動,即時有反應;不過即使見頂亦不一定要賣樓嘅;嗱,好似阿松自己咁,○七年以半億買入兩個中半山愛都大廈相連單位,一個自住,另一個就出租,俾老婆當家用,一個單位三千呎,月租起碼十五、六萬,都咪話唔盞!不過做收租公都有頭痛嘢㗎,阿松第一手租客肯出高價承租,但要求將其中一間房整個按摩池,完咗約鬆人;下一手租客又嫌少咗間房用,還原間房又要使錢,今鋪真係捉蟲。

羅便臣道八十號○一年開售時市況不濟,至今實用呎價四萬。(《蘋果日報》圖片)

阿松一家五口住愛都三千呎單位,另一個單位用來俾老婆收租印印腳。(新華社圖片)
本週餘孽


堅決拒絕殖民地化,但又冇犯到法呀,吹咩?
撰文:宗菁華
centralman@nextmedia.com

文章標籤

創作者介紹
創作者 tvb4life 的頭像
tvb4life

明星八掛大分享★☆

tvb4life 發表在 痞客邦 留言(0) 人氣()