黎瑞恩血壓低好飄 黎瑞恩 笑看生死:行咗咪行咗囉!

Ads by Google


■黎瑞恩昨指自己血壓超低,暈倒事件令囡囡擔心不已。

黎瑞恩(小恩子)日前在沙田一間超市抽搐暈倒送院,幸留院診治後無大礙,昨日她在葵涌為好友李國祥的演唱會綵排,略見疲態的小恩子被問當日情況,她說:「今日嚟都飄吓飄吓,完咗綵排會去醫院覆診,唔知點解血壓超低,嗰日其實好精神,點知買買吓嘢,兩邊好似閂閘咁黑埋,跟住冇晒知覺咁暈咗。」有指她當日嘔白泡?小恩子說:「我都唔知,淨係知自己抽筋,有一邊面戚起咗,不過瞓咗一覺好舒服,矇矓間聽到個女喺度喊,小朋友好擔心,但係我唔係好擔心一個人咁樣就會行咗去,好彩我未行,未有咁快。」


■黎瑞恩雖然身體不適,但為撐李國仍然參加綵排。

問到緋聞男友鄭應南有否關心?小恩子說:「個個朋友都有關心,前夫(曾智明)亦有慰問,分開咗反而溝通多咗,可能做朋友好啲,佢都有同啲仔女見面,比以前仲多咗㖭,對小朋友嚟講係好事。」
採訪:張俊銘
攝影:陳順禎

黎瑞恩笑看生死:行咗咪行咗囉!

歌手黎瑞恩早前在超市抽搐倒地送院,昨日是她出院後首次現身,她指身體仍「飄吓飄吓」,當日暈倒原因不明,但不擔心身體狀況並豁達地說︰「行咗咪行咗囉。」她透露前夫曾智明有致電慰問,又指二人分開後溝通反而更多。



抽搐入院後首現身的黎瑞恩,直言身體仍覺得「飄吓飄吓」。

歌手黎瑞恩昨日為好友李國祥的演唱會進行綵排,略見疲倦的她表示身體仍然「飄吓飄吓」,又憶述當日暈倒情況:「嗰日突然好似老花咁睇嘢矇晒,好似有兩道黑色嘅閘合埋兩隻眼,住咗兩、三日醫院,照晒腦,出嚟冇事,陣間再去醫院覆診,突然間超低血壓。」她又指暈倒的原因不明,亦與其胰臟腫瘤無關,癌細胞指數則低了一半。

同前夫關係變好

有指黎瑞恩當日更嘔白泡,她說:「我唔知喎,淨係知有抽筋,有一邊面戚起咗,好似瞓咗個好舒服嘅覺咁,醒咗聽到個女喺度喊。」她笑言不擔心身體有事,豁達地說:「行咗咪行咗囉,不過我冇咁快住嘅。」問到緋聞男友鄭應南有否關心她,她說:「個個朋友都有關心,(前夫有問候你?)有打電話問候,分開咗仲多咗溝通,做朋友好似仲好啲,(同小朋友見多咗?)有,對小朋友好好,小朋友都感受到。」


黎瑞恩為好友李國祥演唱會綵排,唱得相當投入。

黎瑞恩指緋聞男友鄭應南亦有關心問候。
送仔女外國讀書

她又表示將來會送仔女去外國讀書:「出年會跟去,已經諮詢咗啲學校,不過唔急嘅,本來Plan長期留喺外國,最後都係諗畀佢哋去寄宿學校,有短假期就飛過去。」

至於個唱將至的李國祥直言不會緊張,對於黎瑞恩暈倒送院,他指當時有打電話問候對方:「朋友梗係要互相關心,今日同佢一齊嚟,都有話唔舒服,但係照晒嘢話冇事,成日提住佢都唔好啦!」

文:專案組

文章標籤

tvb4life 發表在 痞客邦 留言(0) 人氣()