懷孕特別敏感
梁政珏難頂香味勁嘔

Ads by Google


■梁政珏昨日在Ig貼相,多謝伍詠薇贊助她儲臍帶血,另留言說因護士香水令她嘔吐。互聯網圖片

現年34歲的梁政珏於年初秘嫁生意人何思源(John)後,現已懷孕34周,預產期在11月初。首次懷孕的她,由於有胎盤前置、胎盤過低及子宮後屈問題,陀B以來先後兩次出血,早前更在銅鑼灣突然作動,最後由救護車送入醫院,現在要住醫院直到生B。


■梁政珏早前因出血緊急入院,老公及母親陪伴在側。資料圖片


■因為兩度出血,梁政珏早前已入院待產。

表現唔耐煩

梁政珏日前在Instagram開心表示醫生指她情況已穩定下來,惟她昨日突然貼長文,呻護士的香水味令她嘔吐大作,內容大致說:「孕婦本身對味道係特別敏感,作為醫護人員應該好清楚,我係有特別情況先需要住醫院直到我生BB為止,但護士嘅香水令到我一嘔再嘔。」
「今朝醫生知道我半夜有特別狀況,所以好早嚟睇我,同一位護士走近,佢都係噴濃味香水(可能剛噴,特別濃)我本能反應掩鼻,講咗句:『嘩!你啲香水好濃』,佢企喺旁邊好似好唔耐煩,有啲好奇怪周身郁嘅body language,之後醫生走咗,佢拍心口話呢個係佢personal用嚟impress自己嘅方法,唔關我事。」

 

向醫院反映

點知件事仲未完,當時梁政珏剛好想嘔,她問那位護士給自己一隻碗盛載嘔吐物時,對方竟然拋下一句:「咁你嘔啦!」然後梁政珏想叫對方留下姓名,但對方跺地並表示不會寫,然後梁政珏已經忍不住,直接嘔到地上。梁政珏更表示:「佢嘅反應令我好驚訝,令我最擔心嘅係佢係比較前線而且高級嘅護士主任,理應會掌管多啲權力,但係佢唔識處理自己嘅情緒……」
本報昨日聯絡梁政珏了解情況,她說:「其實係想講番自己感受,因為心裏要面對可能要早產,但BB又未足磅嘅壓力,又成日為呢啲事嘔,我就諗唔係得我一個孕婦遇到咁嘅問題,只係佢哋冇講出嚟,但係我覺得呢個問題係要正視吓嘅,同咗主診醫生同醫院反映,佢哋都會幫我跟進。」
採訪:小米

    全站熱搜

    tvb4life 發表在 痞客邦 留言(0) 人氣()