爆未見過成龍 母女冰釋前嫌 小龍女剖白被打悲歌

家家有本難唸的經,為成龍未婚產子的吳綺莉,過去十五年來一直與女兒吳卓林(小龍女)相依為命。今年三月,卓林突然向學校求助被母親虐打,吳綺莉涉嫌虐女被捕,幸而母女經過多番溝通後,最終冰釋前嫌。

Ads by Google

「家暴」事件後半年,吳卓林首次接受本刊訪問,剖白與母親「破鏡重圓」的經過。她還披露從未見過生父成龍,未嘗父愛,但就因「小龍女」之名,童年時受盡同學欺凌。

於單親家庭長大的她,坦言對人失去信心:「我對任何人都無信心,at the end of the day(最終)都係得自己幫到自己,唔可以依靠另一個人去生存。」

還有兩個月便十六歲的卓林,目標清晰,加上母女關係已昇華至更佳層次,俗語指十六歲總是甜蜜的,卓林的經歷雖然多了一抹苦澀,反而更加貼近現實吧!

「小龍女」身份,令卓林自小受到歧視、欺凌,對人盡失信心:「話我有戒心都好,佢哋嚟同我做朋友,我會諗係咪因為我身份而黐埋嚟?因為我試過。」

九十年代,吳綺莉甘心做第三者與成龍相戀,並在成龍的反對下誕下小龍女,獨力撫養。

由細打到大

「大龍鳳」落幕半年,卓林上周在母親陪同下接受本刊訪問。十五年來首次化妝set頭的卓林,面對鏡頭顯得有點不自在。吳綺莉應記者要求,到時裝店借了一條裙子給女兒拍照之用,無奈卓林得悉後卻怒視母親,苦笑說:「你知我着咩衫o架……你想我殺死你?」

有點尷尬的吳綺莉,迴避卓林的眼神站在一旁;任記者如何說服,卓林依然眼神堅定地說:「我從來唔會着裙,細個反抗唔到就無辦法;我連返學都係着褲,亦唔會着短過膝頭嘅褲。我只會着黑、藍同灰色嘅衫,我就係咁,this is me !Don't try to change me!其實我今日望鏡都唔認得自己,我唔要Photoshop、唔鍾意化妝,我想着乜就着乜,有時人哋話我咁係好任性,但我覺得人要夠膽say no,我就係咁!」

硬性子的卓林,跟母親的性格同出一轍,問到她會否覺得報警拉自己阿媽是「玩大咗」,她斷言說:「我無後悔!成件事都係想媽咪好,雖然有人批評我咁做係過份咗,但如果你係我,見到我所見嘅嘢,同埋識我媽咪,你唔會覺得我做得太離譜。」

卓林和母親不時結伴出席活動,在記者面前表現融洽,有傾有講。

母女經歷「患難」,更見真情。昔日卓林在家沉默寡言,現在開始會主動找話題溝通,「以前咩都唔會講,o依家我哋多咗嘢講。由細到大我哋好少溝通,記得我細個同媽咪講(心事),佢會話:『你唔好咁啦,你自己搞掂佢……』於是我以後就唔再同佢講。

「其實我哋關係好close,我好信任我媽咪,由細到大,得佢一個人撐起成頭家,佢好努力提供所有物質上嘅嘢畀我,但心靈上嘅溝通就好少。」

吳綺莉曾在內地接受訪問時,直言有體罰卓林,最嚴重一次更曾用皮帶抽打女兒,所以女兒很怕她。這天訪問中,她坦認自己是嚴母:「我係潮州人,屋企一向都用好傳統嘅方式教細路,我細個都係畀人打大。我十六歲時試過遲咗(夜晚十點半後)返屋企,一開門,阿媽就成個雪糕杯掟過來!我承認我係嚴,個女細個唔聽話,係會打o架,罰佢托辭海罰囉!仲有罰抄囉!總之佢唔聽話,我就同佢死過!試過罰抄到天光唔畀佢瞓,十六頁A4紙抄到滿晒。」

鏡頭後,散光很深的卓林即時戴回眼鏡,回復「真我」。她藝術天份高,曾學畫畫、雕塑、陶瓷,亦愛彈琴、彈結他、騎馬,更學過自衛術。

    全站熱搜

    tvb4life 發表在 痞客邦 留言(0) 人氣()