徐淑敏撈過界賣鞋

有「咪神」之稱的徐淑敏(Suki),婚後搞作多多,既要忙湊三個女,又積極開發商機,繼自創護膚品牌SÈVE後,早前又與胞姊開設潮流服飾網站,近日更獲TWIST邀請任客席鞋履設計師,推出《SUKI for LUCIA STELLA》,以「大都會女性」為主題,設計鞋款。

Ads by Google

Suki直言對設計甚感興趣,事前已上網、睇書偷師,又參考國際級設計師的創作,由畫圖樣到揀色辦,都親力親為。她說:「第一次設計鞋,過程唔算太複雜,開咗兩次會,出嚟效果都好好。我喺鞋嘅設計上加入閃閃元素,覺得襟興啲。」

徐淑敏認真地跟工作人員開會,講解自己的概念和設計。

她用了一周做資料搜集,繼而開會、搞設計及製作,前後共用了兩個月便成事。

其後她又做埋模特兒,着上自家設計的鞋拍廣告,為求有靚效果,不但玉腿都補粉,又坐地下大擺甫士,相當賣力。做設計師做上癮的她,早前完成了鑽石設計文憑,現在又修讀有色寶石設計文憑,打算將來設計自家珠寶首飾。

即使拍硬照,她在造型方面也有不少意見。

雖然是三女之母,但身形仍然弗爆,大騷美腿。

不但個樣要靚,雙腳亦要化妝補粉,營造長腿的效果。

全站熱搜

tvb4life 發表在 痞客邦 留言(0) 人氣()