So Comment

食到火都嚟  Yakiniku Great地址:中環皇后大道中 255號 Manhattan Ave地下 1號鋪(丙-)

Ads by Google

牛精...
同以前介紹過嘅 298 Nikuya Room一樣都係食燒肉,主要係牛。
298 Nikuya Room Omakase Course(由廚話事)$880
包括頭盤、沙律、飯、麵、甜品及精選牛鹽燒+汁燒大嘅 10至 12片。食唔飽?可以再選鹽燒或汁燒牛肉,最厲害係任叫幾多次,你可以叫 20片、 60片,朋友最多一次都係叫多二十片,已經飽到暈!!! Encore啲牛肉仍然係好靚嘅肉,帶啲發緊育𡃁仔去食最啱。

 


Yakiniku Great Omakase Course$620
( 7片牛肉,飯細碗另收$28/碗,大碗$48/碗,沙律$98)
(有部分牛唔知點解影唔到,奇怪!好似整定咁)

 

牛肉全部係鹽燒, 80%係薄切,每一片都有個小牌話畀你知燒幾多秒,最少 3秒,最多 20秒,因為全部都係和牛,就算係切到好薄,燒嘅時間短,所以覺得超膩,本來以為七片點會飽,因為牛太多,我用了碗半飯去送嗰七片牛,都好飽嘞!同埋我試問有無汁燒?佢哋話無,片片都係牛,雖然唔同 parts但係同味呢?當然佢有汁醬點,咁咪又係一樣味!
這家遠遠輸畀 298 Nikuya Room,結果兩人埋單$1,589,仲要去另一家食甜品!!!真係火火哋,仲火嘅係我坐 counter,竟然全程對住個阿嬸喺度洗碗。唉!我唔係食大牌檔呀,啲廚啲衫又核突,個個好似打仔咁。絕對無下次!

 



YAKI=燒
NIKU=肉
電話???
有無留意我今次無寫電話出嚟?因為個電話打極都無人聽。嗰日我由六點打到大概八點,去到餐廳,甚至喺餐廳內我仍繼續打都係無人接聽,咁留個電話嚟做乜?
如果大家聽個電話就可能有錢賺,就算只係可能,相信好多人瞓着覺都仍然開住個電話。點可能一間餐廳要靠訂位,竟然多過 3個鐘無人接電話呢?可惡!
地址:中環皇后大道中 255號 Manhattan Ave地下 1號鋪


蘇施黃
資深電台人,天生異「口」,除了講嘢叻,食嘢同樣嘴刁,近年開咪、上電視做主持都不離教人食得精,吸引大批粉絲跟佢搵食。
攝影:蘇施黃
(蘇施黃)

文章標籤

tvb4life 發表在 痞客邦 留言(0) 人氣()