電影精

嘩,又係玩懷舊!

Ads by Google

人人都《耿耿於懷》、《念念不忘》,廿幾歲人,已經追尋集體回憶。可憐班叔父輩,連吳日言係乜都唔知啦。
唔怕,連荷李活都愛懷舊。《屈機起格命》( Pixels)明明係新戲,但用食鬼、方塊、撞磚做主角,比幾年前套動畫《無敵破壞王》( Wreck-It Ralph)去得更盡。
快啲拎番部雅達利出嚟啦!

第九次

本來只係 2010年一條法國製兩分鐘短片,《哈利波特》元老級導演基斯哥倫布( Chris Columbus)睇中,拍成 105分鐘長片。
搵亞當桑迪拿( Adam Sandler)做主角,有點恐懼。呢條友仔,自從兩齣《中坑同學會》( Grown Ups)後,幾乎孭親飛都俾人狂插,票房亦很大鑊,最主要係食老本。今次,搵來第一次合作的大牌導演聯手,偏偏又係搵番第九次合作嘅奇雲占士( Kevin James)。救命,你完全可以想像到啲火花有幾火。




用操作 Joysticks方式發射的光線炮,勁似《捉鬼敢死隊》。


猩猩王遊戲,我就真係未玩過,任天堂出品都包埋。 打街機

故事就簡單到爆,外星人唔知點解會變成經典電玩角色,例如 Space Invaders之類的形態,攻擊地球,搞到樣樣嘢都變成像素粒粒。美國總統原來係打街機專家,於是召集一班八十年代的電玩高手,希望借助班老死嘅打機能力,拯救世界。我諗起《電子神童》。
老實講,連部 PSP、 NDS都生晒銹,打機只會打手機的年代,我很懷疑有幾多小朋友仲有興趣去機鋪。無所謂,時間夠久遠了,一夠久遠,就會變成情意結。
所以,十年後,你應該會突然買一份雜誌用來閱讀。




係有女主角嘅, Michelle Monaghan,熱爆劇集《 True Detective)嗰個,加埋《權力遊戲》嘅 Peter Dinklage,應該好睇過男主角。


亞當桑迪拿前作《千履奇緣》,口碑平平。不過,呢齣,據說,更差。


拍完《哈利波特》,拍完《波西傑克森》,基斯哥倫布突然轉拍老餅嘢。有些人,還是面對小朋友會較好。 撰文:方俊傑
mailto:hotpot@nextmedia.com

    全站熱搜

    tvb4life 發表在 痞客邦 留言(0) 人氣()