同你吟一吟

菊姐向仙姐請安

Ads by Google

鍾意講習慣,買餸飲茶整頭,去開嗰度就嗰度,就算偶然換地方,始終會覺得新不如舊。有飲下午茶習慣嘅仙姐白雪仙,十次有八次都係利園 Cova。

早個禮拜,仙姐又走咗去 Cova三點三,一出𨋢,就俾個 fans捉住,「仙姐,我好鍾意你㗎,今朝先聽完你啲曲……同我個細路影相吖。」話口未完,呢位大嬸就推咗身邊個年約十歲嘅妹妹埋去合照。大嬸見到偶像暈晒浪,但個妹妹就唔知仙姐係乜水!影完相,好無辜咁問阿媽:「嗰個係邊個?點解要同佢影相!」
做完紙板公仔,仙姐行入 Cova,撞到關菊英同喺《嚦咕嚦咕新年財》入面做劉華媽咪嘅阿奶奶黃文慧飲完茶走;雖然唔同界別又唔同時代,但見到長輩,菊姐好熱情,主動問候仙姐。
世代唔同!再神級再經典,都只係去到六十後,緬懷過去不合時宜,只有努力與時並進!共勉!




呢個十歲左右嘅妹妹,根本唔知仙姐有幾巴閉,但都聽話企定合照。





同黃文慧(中)飲完茶嘅關菊英喺 Cova門口撞到仙姐,停低傾咗陣先離開。


寶珠姐鍾意喺利園活動,因為之後搭小巴返歸,又平又方便。


另一日,仙姐徒弟陳寶珠亦同朋友去咗利園 Cova茶聚,亦同師傅一樣,俾 fans截停合照。 撰文︰八珍
mailto:nextb@nextmedia.com

    全站熱搜

    tvb4life 發表在 痞客邦 留言(0) 人氣()