一躍而下,吳建豪身手相當靈活。

同你吟一吟

吳建豪跳樓唔用替身

Ads by Google

無寃不成夫婦!用嚟形容吳建豪同新加坡有錢女石貞善( Arissa)十個貼切!近大半年,兩公婆不時喺網上公開互轟做大龍鳳,早排新戲《潛龍狙擊》開記者會,吳建豪被問到婚姻關係是否有改善,即刻黑晒面叫大家唔好再問佢。

感情運差,事業運反而有改善。之前又有機會同 Melanie C.等為《 Asia's Got Talent》做評判嘅吳建豪,近年積極喺電影方面發展,有份主演嘅《閨蜜》收過六億人仔,最近上映嘅《道士下山》亦收近四億人仔,雖然賣嘅唔係佢,但起碼有份參與,可以儲到 data!
上星期日(七月十九日),吳建豪喺小欖海水化淡廠附近為新片《潛龍狙擊》埋位,當日佢要拍一個穿窗跳落街嘅鏡頭,雖然導演預咗替身俾佢,但睇完替身點跳,吳建豪決定自己嚟!第一 take,導演已經話 OK,但佢想再 take,結果前後跳咗三次,先滿意收手。
相比戲中對手安志杰同伍允龍都有功夫底,但吳建豪就算唔打得都睇得,偷到雞!




離地接近卅呎,就算綁咗威吔,亦有一定危險。





驚驚成功落地,吳建豪表情多多!


讚叻


招積


導演滿意,吳建豪卻要求再 take,由地面吊番上樓,結果跳咗三次先肯停。





新片同伍允龍、安志杰一齊合作,吳建豪冇正式學過功夫,但好多動作戲都親自上陣,唔使用替身。


同有錢女老婆石貞善近年關係轉差,兩公婆經常公開互片。 撰文:八珍
mailto:nextb@nextmedia.com

    全站熱搜

    tvb4life 發表在 痞客邦 留言(0) 人氣()