同你吟一吟

星媽超市打牙骹

Ads by Google

香港人愈來愈長壽,尤其女性,識得保養,好多時睇落同實際年齡差一截。例如星爺阿媽凌寶兒,七十有五,但望上去只係六十幾。

矜老之外,星媽仲好重視自己個 look,平日出街都執到好四正,但佢唔會求其將啲名牌著晒上身。有日《壹》仔喺太古廣場 Great見到全身白色套裝裙打扮嘅星媽,一個人推住購物車上糧。買買吓,撞見個相熟職員,二人邊行邊傾,由首飾討論到做運動心得,十分熟絡。
唔係講笑,星媽喺超市幾乎行咗成個鐘,買嘢散步兼有人陪打牙骹,一舉幾得。




超市職員摸住星媽手上隻珍珠鈪讚特別,星媽就摸住耳仔,解釋耳環手鈪係一套。


見到凍櫃入面已經發好咗嘅急凍海參,星媽好有興趣,攞起數吓有幾多條,睇吓抵唔抵買!


行咗差不多成個鐘,星媽其實只係買咗一袋嘢,陪打牙骹嘅職員仲送埋佢去停車場。 撰文:八珍
mailto:nextb@nextmedia.com

    全站熱搜

    tvb4life 發表在 痞客邦 留言(0) 人氣()