34D的袁嘉敏搏到盡,終於搏到錢途,住半山正式脫貧。

探熱針

愈搬愈高 攀上中半山曉峰閣 袁嘉敏升做林峯街坊

Ads by Google

34D的袁嘉敏剝衫脫貧,成功在內地剝出一條登台路,早前又被發現與家住九龍塘的富家子約會,全線升呢!有金龜揸手,袁嘉敏快人一步,理想達到,近日終由中環唐樓,搬上月租四萬的舊山頂道豪宅曉峰閣,由山腳爬到中半山,「登山」大計,邁前一大步!

六年四級跳

兒時住破舊鐵皮屋,六年前選美仍住在九龍城劏房,袁嘉敏努力向上爬,望有朝一日進駐山頂。兩年前,離開無綫簽太陽娛樂,袁嘉敏即撤出將軍澳堆填區日出康城,搬去中環唐樓;四百呎唐樓隔籬是時鐘酒店,又要行樓梯,但挨住山腳,目標漸近。
去年憑《鴨王》一脫上位,成為夜場女王,為「登山」儲備彈藥,數月前本刊已發現她跟地產經紀睇定山頂樓。目標清晰的袁嘉敏,早前被影到與《東張西望》主持梁麗翹的前度、家住九龍塘經營美容生意的富家子 Alan(黎嘉豪)密會,為與金龜拉近距離,月前她拍板以月租四萬進駐舊山頂道曉峰閣,與家住帝景園的林峯做街坊。
「 Alan最初只係搵 Candy(袁嘉敏)拍美容廣告,合作過發現大家好傾得埋就經常聯絡; Alan話欣賞佢夠拼搏,就算雙方家庭背景有咁大差距,都冇影響佢哋繼續約會食飯。」知情者說。




月初與袁嘉敏約會的富家子 Alan,前度是《東張西望》主持梁麗翹,據悉他家住九龍塘豪宅,做美容生意,屬筍盤一名。





月租四萬早前她在中環購物後,唔搭的士,坐穿梭巴士返回月租四萬的半山曉峰閣。 太靜住唔慣

由山腳搬到半山,跟富家子交往中的袁嘉敏日前到中環太子大廈睇家品,昔日住堆填區死慳死抵,全屋傢俬上網買二手貨,但時至今日,被鋪床單枱燈全是幾千起跳的貨色,衣食住行,全線升格。睇完家品,袁嘉敏便乘坐住客穿梭巴士,返回新居曉峰閣。
「以前住中環 Soho區時,夜晚瞓覺都俾啲霓虹燈照住,又聽到樓下好嘈嘅酒吧音樂;依家入夜後真係有蚊飛過都聽到,我間屋望山景,熄燈後漆黑一片,伸手不見五指,我反而唔慣。」愈搬愈豪的袁嘉敏說。




由劏房住到上半山,升呢的袁嘉敏日前喺中環太子大廈買高級家品及訂傢俬,唔再似昔日咁,用二手傢具。





拍完三級片《鴨王》,日前出席動漫節的她自爆年底出性感寫真。 脫貧易

娛圈女星要脫貧,釣到金龜係最快一條捷徑,屋邨妹變豪宅女主人,富貴另一半,出錢出力。



連詩雅
兒時家境富裕的連詩雅,中學時父親生意失敗後拋妻棄女,她跟母親由半山豪宅搬往灣仔劏房;直至去年溝掂雀館少東石恒聰,才升呢搬到九龍塘畢架山。



吳千語
在內地出世的吳千語,來港後在沙田沙角邨長大,父親在邨內的街市燒臘檔工作;但在「七愛」林峯照顧下,千語 BB食好住好著好。



Coffee
家住將軍澳屋邨的 Coffee,去年跟江湖猛人上海仔(郭永鴻)傳出緋聞,有指對方送她馬匹「上海咖啡」做馬主,但 Coffee自稱未有接受,但今年初卻被踢爆買入八百萬緻藍天單位,脫貧有路。

撰文、攝影、攝錄:娛樂組
mailto:nextb@nextmedia.com

    全站熱搜

    tvb4life 發表在 痞客邦 留言(0) 人氣()