龍蝦孖寶$88碗仔翅以龍蝦清湯熬煮,啖啖龍蝦鮮,龍蝦蝦籽腸粉吸盡龍蝦汁,超抵食。

常餐以外 龍蝦寶寶 地址:中環租庇利街 1號喜訊大廈商場地下 A鋪 電話: 3971 0933

一味到極【街坊價 高檔龍蝦小食】

Ads by Google

近期最 hit的主題食店,必數 Chef Eddy的龍蝦寶寶,他曾於多間酒店當總廚,私房菜 Chef Studio也是走高級路線,最近終於開設平民食店,以龍蝦作招牌︰「香港人很捨得吃,一百元一碗拉麵都咁多人食,我相信龍蝦麵會受歡迎。尤其是龍蝦很難處理,烹調時間要拿捏得很準,做得好食,唔容易。」店子小,集中賣幾道龍蝦菜︰碗仔翅、腸粉、喇沙、烏冬、泡飯,方便控制出品,「用加拿大活龍蝦,每隻六百克重,烚的時間也一樣,烚到幾乎熟就拆肉,有柯打時再用龍蝦湯浸一浸。蝦頭燒香,加烚龍蝦的水熬湯,清湯和濃湯兩種,用正宗西餐方法製作。一整隻龍蝦,頭至尾全部用得着。」

最特別兼最抵食是龍蝦孖寶,即腸粉加碗仔翅,「我細個跟阿叔賣腸粉,覺得幼滑的腸粉可以吸盡湯汁,好正, Chef Studio那邊都有龍蝦腸粉賣。碗仔翅我由細到大都鍾意食,我用龍蝦清湯做底,加粉絲、木耳等,連冬菇都用龍蝦湯煨過,完全唔會落雞粉!」上枱前,龍蝦菜式更會淋上龍蝦油,是熬龍蝦濃湯時浮面的精華,鮮味濃郁。配料如蝦籽、辣蝦米乾葱等都是自家製,任客人添加。要留意店子只有三十座位,午市超繁忙,兩點半後才稍為少人,下午茶時段最抵食,五六十元已經可以食飽龍蝦落樓。




龍蝦喇沙$98龍蝦濃湯加上炒喇沙醬,香濃帶辣,油麵、米粉,連豆卜配料都吸滿湯汁。


龍蝦烏冬$98烏冬有分清湯或濃湯兩款,每碗配上三分一隻龍蝦肉,很足料。


龍蝦泡飯$168以龍蝦清湯煮日本米飯,加龍蝦肉之餘再加龍蝦膏,另可選配原隻龍蝦$450。

龍蝦寶寶
地址:中環租庇利街 1號喜訊大廈商場地下 A鋪
電話: 3971 0933
營業時間: 11am-8pm







撰文︰黎狄敏
攝影︰譚俊軒
攝錄︰羅錦波
mailto:hotpot@nextmedia.com

    tvb4life 發表在 痞客邦 留言(0) 人氣()