原隻鮮蟹泡飯$時價( 1.5斤約$800)要預訂,生猛蟹即劏即煮,不只吃到蟹膏鮮甜,還有熬足一日的蟹湯鮮香,比一般水蟹粥味道香濃得多,啖啖蟹味精華,一流!

常餐以外  蟹麵館 地址:中環德己立街 22號地鋪 電話: 2866 4777

一味到極【生猛時令蟹 濃縮於一鍋湯】

Ads by Google

路經蟹麵館的門口,已聞到陣陣蟹湯香。走入店,廚房內的蟹味更濃郁,大廚打開大湯煲的蓋,撈起幾十隻蟹給我看,轉頭再把兩大盤蟹放入焗爐。老闆兼大廚 Sogee解釋:「我們每日要用近一百斤蟹!首先將蟹清蒸,同事們輪流拆蟹肉蟹黃,蟹殼和原隻蟹焗香,加紅蘿蔔、洋葱、西芹、小量大頭蝦和剛才蒸蟹的水去煲湯,煲十幾小時,再加剛焗香的蟹再煲,令蟹味更濃,完全不用加豬肉,都夠鮮甜。」這煲蟹湯就是小店的靈魂,做湯麵、湯羮、湯飯,全部都用到。至於用哪種蟹去煲湯,視乎時令,現在用上三點蟹和紅蟹,有時用奄仔、石蟹或肉蟹,最緊要生猛,死蟹有陣臭味,不可以用。

覺得似曾相識?這間店就是中環蟹麵膳搬鋪後的新店,地方大得多,煮蟹湯用的蟹比以前多,菜式選擇亦更多,就算湯麵也多了配搭,可以揀蕎麥麵或手切河粉等。每日即拆的蟹肉,作為湯麵配料,也用來包雲吞,簡單調味,吃鮮味。人多幫襯的話,必試原隻鮮蟹泡飯,白飯先用蟹湯浸個幾鐘,再加樹記腐竹和即劏的蟹公去煲,蟹公的膏比蟹乸流質,一邊煮,蟹膏一邊融進湯飯中,啖啖膏香。蟹菜式定價不便宜,人手拆肉等工序都是功夫,很花時間心機。湯麵配料響鈴和小食魚皮都是即炸,非常香脆,唔少在蘭桂坊飲酒的人,行過買碟魚皮送酒!就連枱頭的蝦米、辣菜脯也是自家製,細微位都花過心思,一百元一餐,值。




蟹肉冬茸羮$40冬瓜加蟹一齊蒸,蒸好的冬瓜再加蟹湯和蟹肉去煮羮,味道清甜。


蟹肉雲吞蝦籽撈麵$68雲吞有蝦、豬肉和蟹爪肉,蝦籽撈麵夠爽口。


炸魚皮配香草酸甜醬$30賣相平平的炸魚皮,即炸得薄身香脆,完全不硬或過腍,必試。


手拆鮮蟹肉菠菜麵$118菠菜麵是冇鹼水的乾麵,重點吃蟹湯鮮之外,配料即炸響鈴亦吸引。


每日起碼要拆七八十斤蟹,員工輪流拆,冇停手。


蟹湯用大量生猛蟹去熬,香味濃得傳出街外。

蟹麵館
地址:中環德己立街 22號地鋪
電話: 2866 4777
營業時間: 11am- 12mn







撰文︰黎狄敏
攝影︰譚俊軒
攝錄︰羅錦波
mailto:hotpot@nextmedia.com

    tvb4life 發表在 痞客邦 留言(0) 人氣()