豬媽會先將生肉切細,才給狗狗食,雪橇的晚餐更有半隻鵪鶉。「佢可以一啖就放入口吞。」有時又會整隻雞槌落肚。不怕骨整傷個胃嗎?「從來無發生過,不過骨一定唔可以熟。」

至得寵

我的狗狗食生肉

Ads by Google

近年食物都講天然無添加,呢股天然風已殺到去寵物界,毛孩唔只食無添加咁簡單,仲要係食未經烹調的生肉,即 Raw Food。不過我們由細到大,都係教食物最好煮熟來食,所以呢股動物生肉潮,在寵物界引起不少爭議。究竟點解有主人會餵毛孩食血淋淋的生肉?請大家聽下當事人分享。

生機飲食何來?

澳洲獸醫 Ian Billinghurst於 1993年最先提出 BARF( biologically appropriate raw food,合乎生物學的生食),而他也有賣生肉狗糧,名為 Dr. B,在香港亦有售。
英國好奇狗狗廚房( The Curious Canine Kitchen)早前更準備了人狗皆可食的全素生機飲食盛宴,五道菜一張門票賣 238元。

CASE 1:幾貴都要俾佢食!

像其他港媽一樣,做文職的豬媽(她不願透露真名)對家中三狗一貓仲好過自己。她跟男友租住元朗偏遠郊區約三百呎平房,差不多所有消費都花在毛孩身上。毛孩們一日三餐是食巴西豬柳、新西蘭草飼牛西冷、有機雞槌、草牛肚、新西蘭有機雞心、無激素雞腎,唔靚的肉都唔食。「連穀飼牛我都少買,買就買草飼牛,牛係應該食草。」
穀飼牛一般只係二十幾蚊一磅,但草飼牛要六十蚊,至於其他如羊架、鵪鶉,都是貴價凍食。為了儲存這些凍肉,她還買了一個凍肉店專用的冰櫃。「因為一次過訂很多,雪櫃個冰格根本唔夠用。」
以一頭中型狗為例,就算是揀靚乾糧,一個月也不過五百至六百元左右。「食靚的生肉就要過千。我自己就食茶餐廳,碟頭飯搞掂。」







乾糧有足夠營養,但有防腐劑,亦不知材料來源,自餵生肉可保證肉類來源,卻無一個餵食 formula。「例如今餐食咗肉,下餐加啲內臟和骨,自己調配。人都未必每餐均衡營養啦!」 食生肉}地一試

點解咁貴都要買呢?豬媽說都是為了毛孩的健康着想。
豬媽的第一頭寵物是比熊,名叫豬架。豬架 3個月大已經多病痛,皮膚敏感尿道炎耳仔發炎淚水又好勁,睇過三四個醫生打過抗生素,轉糧七八次,食埋天然糧都無用。「醫生話白色狗係咁,仲話你自己突然痕都未必知點解啦!」
她唔忿氣,上網睇資料,有狗友隻白威本來成身爛,但自己煮嘢俾佢食之後就靚仔番晒。於是她照跟,人食乜狗食乜,不落調味就咁烚熟肉給豬架食,結果未夠半年,豬架的皮膚好得七七八八。「無發炎又無體臭,病痛亦少咗。」
她後來識了一個養金毛的狗友。「那頭金毛好乖好純,啲毛靚到似參加香港小姐咁。原來係食生肉大,真係一山還有一山高。」
餵食生肉,她起初都掙扎。「阿媽話如果我餵生肉就買定支狼牙棒對付豬架。因為坊間一直話食生肉的狗好嗜血會咬人。」
某日她在廚房煮飯,唔小心掉了一大嚿生肉落地下,豬架即以九秒九速度跑來,將生肉放入口。「我都好擔心佢肚屙,仲禁食了一日,但最後乜事都無。」她於是鼓起勇氣試餵生肉,起初半生半熟餵食,最後全生肉。「豬架依家 9歲,都無點睇過醫生。」
她家中 4頭毛孩都是食生肉大,她說當中只有雪橇狗偶爾腸胃不適。經多年餵食生肉經驗,加上勤力上網睇資料,豬媽已經是半個專家,更在 FB開群組跟同道者分享經驗。「希望大家對生肉唔好咁多誤解。」




收養回來的小貓少了一隻眼。貓咪都是食生肉,但不肯咬,所以要搗碎給牠。


白色狗皮膚問題較多,但食了生肉後,皮膚已好好多。


豬媽年初成立生肉與熟肉餵飼群組,唔少人都分享自己餵食經驗。


三隻狗兩隻 6歲,一隻 9歲,無論時間與金錢都全花在毛孩身上。「你當佢哋係家人就咩都值得。」 餵食生肉 4大要點

1.生肉始終多菌,所以豬媽不買街市肉檔的肉來餵食毛孩,她會跟凍肉公司攞貨。「試過送來的凍肉融咗雪,我全部唔要。」
2.生肉要存於-18度才能殺菌,她會於餵食前一日將凍肉放落 4度下格,翌日早上生肉有少許未融雪,會照切細肉粒讓狗狗進食,切忌室溫解凍。
3.食生肉要確保足夠營養,每餐比例大約: 80%肉+10%骨+5%內臟+5%肉質內臟。內臟即肝腎腦,肉質內臟即心脾肺等。
4.整塊肉骨呈上,可讓貓狗慢慢撕咬拉扯,鍛煉牙齒顎骨胸骨,但也要視乎狗狗肯唔肯咬。

CASE 2:食完腸胃心前好

相比豬媽,收養了 9隻唐狗的阿 Cat就平好多。「我都係餵普通肉類。始終我有咁多隻狗,太貴食唔起。」阿 Cat大多在急凍肉公司訂貨,主要入豬牛雞。但有些內臟例如牛膶無急凍賣,惟有幫襯街市肉檔。「買番嚟起碼放入-18度冰格雪一個星期減少細菌,食之前一日才放回下格融雪。」
阿 Cat話狗狗以前成日屙又有皮膚病,是獸醫提議她轉生肉。起初她以為牛肉蛋白質高對狗狗好,一味餵生牛肉,狗狗久不久又屙軟便。原來牛的蛋白質太高。她現在會餵半紅半白肉狗狗食,還會搗碎蔬菜混入糧中, 9隻狗最大 12歲,都健康,好少睇醫生,連便便都無咁臭同少咗。
有說食生肉的狗較惡。她強調:「我有三隻唐狗都係治療犬。無論唐狗或食生肉的狗,都跟狗惡唔惡無關。」




一叫開餐,狗狗即湧向前,有秩序排排坐等叫名埋位食飯。


每次食飯,阿 Cat都加入蔬菜。 生肉酵素較齊全

天后寵物醫院榮文英獸醫表示,生肉有好多酵素或營養無因為加工而減少,狗狗會吸收較多營養,好多食完毛髮會靚咗。但現在的生肉都是冷藏,屠房是否乾淨就有少少擔心。另外狗祖先野狼都係獵食整隻動物,自己配生肉未必有足夠營養,要補充 supplement。年紀大,體質較虛弱的狗狗不建議轉食;因生肉較多菌,家中有老人或小孩亦不適宜。

唔想自己溝,有主人會買生肉糧,香港有售以下 4款。不過都係嗰句,每隻狗體質不同,對生肉反應亦各異,主人要好好衡量。

DR.B
生肉糧始祖,澳洲入口,貓狗糧都有, 8款口味選擇,一盒 12包。像免治肉獨立包裝,聞起來味道濃烈。
羊肉蔬菜$275/2.72kg( A)









PRIMAL
美國產品,強調肉類無中國入口或製造,並採用高壓處理技術( HPP)殺菌,強調無沙門氏菌和大腸桿菌,貓狗糧都有,各 6種及 8種口味。
鴨肉味$225/ 3lb( B)

K9 NATURAL
來自新西蘭, 85%的真正肉類、骨、血、加上 15%的新鮮水果和蔬菜、全隻雞蛋、大蒜和魚肝油配製成。條狀外形,聞落去頗腥,有 5種口味。
羊肉 $150/1 kg( C)






BIG DOG
澳洲製造,百分百在當地取材,賣相似免治肉獨立包裝,一盒 12件,有 9款味道,特設低脂配方。
兔肉味$280/6.6lb( D)






Shop list:
A. Forever Pets( 6308 0328)
B. Doggietaste( 2341 1345)
C. Honey Pet Shop( 5117 1107)
D. PetDoghk( 2565 1523)

撰文:阮淑賢
攝影:梁幹持
錄像:周昭強

全站熱搜

tvb4life 發表在 痞客邦 留言(0) 人氣()