靚抽王

Cap圖龍虎榜

Ads by Google

Cap圖是我們生活中的陽光與空氣。

夏日傾情( Fashion篇)

就算用《龍珠》入面嗰部撒亞人嘅戰鬥力偵測儀器,恐怕都計算唔到呢位強國婦人喺衣着搭配上嘅品味、膽色、創意同埋劃時代……嗰種功力係經過幾多年嘅試煉同雕琢,先能夠有今時今日嘅成就。我夠膽講一定唔係僥幸。而能夠有一個肥肚腩突埋出嚟都唔覺凍,都一定係經過多年嚟嘅用心栽培,你以為呢件衫真係一個普通婦人 carry到?你錯了,你睇吓呢個鬼妹?佢着出嚟,係幾咁正常?







路到盡頭也放膽嬉戲

早幾日強國又流出一段估佢唔到嘅短片,一男一女喺某著名日本時裝連鎖店嘅試身室度拍攝愛情動作電影。令人驚嘆嘅係,據說一連串嘅相識、相遇、相知、相交都係喺一個小小嘅試身室裏面發生。即係話呢孖人係剛剛先認識,就突然間接收到宇宙訊息,喺試身室入面表演驚天地泣鬼神嘅行為藝術。強國網民同有良商人為咗紀念呢段堪稱羅密歐與茱麗葉後現代激情篇嘅愛情故事,除咗繼續流出男女主角嘅資料同對話,仲特別設計咗一件紀念 Tee!聽講唔貴, 100蚊就有一件。本人覺得齋用一件衫都唔夠歌頌佢哋,最好拍番套電影留為紀念,戲名就叫做《試身室之戀》啦!










奇……蹟?

經過那些年,其實係前幾日嘅書展,半百魔女羅霖終於除咗推出寫真集,引嚟大量油尖旺嘅叔伯兄弟支持,之後羅小姐仲宣布要挑戰阿姐殺入歌壇。大家都好似未聽過佢唱歌,未知會唔會有令人個心離一離嘅效果。不過既然五十歲又冇咩嘢需要愁,其實仲有好多嘢佢可以嘗試嘅,例如:




百貨應百客,就係咁解。

取代《家燕媽媽》,推出《羅霖媽媽》卡通片集,不過未必係一級囉。
做 DJ,開個寂寞的心俱樂部咁樣嘅節目,等啲叔叔打上去同佢傾訴心事。
宗教佈道會:嗯,主要係同大家分享吓五十歲出寫真集嘅奇蹟,同埋上帝同現代嘅美容技術,係點樣從中作梗搞壇咁嘅嘢出嚟。

    全站熱搜

    tvb4life 發表在 痞客邦 留言(0) 人氣()