蘇豪 1日遊周日( 19日),記者發現劉嘉玲與鄧霓儀(灰衫者)等好友到中環蘇豪睇潛力舖。

娛樂喧

大媽撤退租金回落 嘉玲豆斗趁低入市

Ads by Google

自由行消失,加上股市價格及交投回落,旺角舖租即時破新低。本刊得悉近日唔少藝人蠢蠢欲動,打算趁低入市掃平舖。
力不到不為財,日前本刊便發現劉嘉玲和邱淑貞(豆斗)分別前往中環及銅鑼灣的黃金地段睇舖位。嘉玲約同性密友、鄧肇堅後人鄧霓儀遊勻整個蘇豪區,至於豆斗則單拖上樓上舖傾談超過兩小時。雖然嘉玲和豆斗兩個同屬女人仔一個,但講到入市眼光,相信絕不比身邊另一半弱。




不忘慶祝雖然嘉玲忙於睇舖入市但對老公依然細心,上月便陪朝偉到外地滑雪慶祝老公生日。

周日( 19日),記者先後直擊劉嘉玲和邱淑貞現身中環蘇豪區和銅鑼灣禮頓道睇樓上舖,兩人當日去到舖位附近,指指點點又用手機拍照,甚為緊張。

黃金舖位開餐廳

一向投資有道的劉嘉玲,投資瓣數多不勝數,出手豪氣的她,物業和生意已經遍布中、港及亞洲等地。據知今次入市,原來是想再開意大利餐廳,更打算趁低價買入樓上舖。知情人士指﹕「嘉玲想喺蘇豪區開餐廳好耐㗎喇,佢覺得中環有得搞,因為多俾得起錢嘅人。今次一樣係同佢個生意 partner鄧霓儀夾份開,個形式就類似 lounge bar嗰種,同埋佢見近排個市冇之前咁癲,咁蹺又有人放盤,所以就心郁郁想入市。」
嘉玲除了做生意外,與老公偉仔更分別炒賣寫字樓和商舖,是圈中少有眼光極準的夫婦之一。當日記者上前問嘉玲是否買舖,她邊行邊笑,沒有否認。




微笑回應當日記者問嘉玲是否有意買舖,她一直微笑,沒有否認。


指手畫腳劉嘉玲和友人邊行邊指手畫腳,然後七嘴八舌在街上討論,吸引不少途人注目。


並排而坐雖然當日有其他友人,但上車時,嘉玲特別預留身邊座位給密友鄧霓儀。 頂舖搵細藝

至於有個億萬富豪老公的邱淑貞,當日亦隻身到銅鑼灣睇舖。記者發現她現身禮頓道一面積逾千呎的上樓咖啡店,跟店舖負責人傾了逾兩個小時,離去時更用自己手機拍下舖外環境,絕不假手於人。
據知豆斗的想法與嘉玲不同,並非買舖開檔,而是見租金回落,因此打算頂手咖啡店。知情人士指:「間舖有教人整咖啡,另一邊就係餐廳,豆斗自己都上過嚟學整咖啡幾次。佢見平時有好多闊太上嚟學,加上佢三個女返學之後,平日佢都冇乜細藝,所以就打算頂呢間咖啡店嚟做。」




單拖上門傾那邊廂,嘉玲約友人浩浩蕩蕩搵舖,相反邱淑貞當日一身便服,獨自現身銅鑼灣,睇舖亦不假手於人。


拍照做記錄豆斗用手機在馬路邊拍下咖啡舖外貌。


微信匯報拍完照傳完相後,豆斗便用微信與電話中人傾談,記者聽到她說:「間舖大約千幾呎,我 send相俾你再傾!」


新派咖啡店豆斗睇中的咖啡店,內部裝修以紅磚牆身為主,配以自家烘機,甚有工業色彩。





沈嘉偉以時裝起家,做到上市,以往做少奶奶的豆斗眼見三個女兒日漸長大,近日亦積極搵細藝。 撰文:娛樂組 
攝影:攝影組

    全站熱搜

    tvb4life 發表在 痞客邦 留言(0) 人氣()