每年唔少得當然係 Cosplay大賽,今年參賽者水準仍然咁勁,記者最 like剛宣布 remake的《 FF VII》(廖穎聰&何中怡),同埋《 PAD》兩款打扮華麗的角色──月光牙之魔女同朱雀(陳嘉欣&杜嘉慧)。

Major

芭蕉扇 Ready? 去迫動漫節鳥!

Ads by Google

各位廢少、廢青、廢中動漫愛好者, Are U Ready?
又係時候入「 ACGHK 2015」動漫電玩節襯墟迫一迫,今年照舊有 game有玩具有動漫,仲有 4萬呎 cosplayer專用場館,真心各適其式巧開心。
不過天氣咁熱又咁多人,識行一定帶把芭蕉扇排隊入場啦,唔夠涼可以扮卓洛三刀流帶夠 3把,仲可以戴路飛草帽、撐神樂日本傘,可以唔塗防晒,但一定要塗定止汗劑!一陣臭過洛杉磯「狐」人隊員,後面問你係咪 cos鉛秋呀!

17th ACGHK 2015香港動漫電玩節:

日期: 2015年 7月 24至 28日
時間:每日 10:00至 21:00( 28日提前至 20:00閉館)
地點:香港會議展覽中心一號展廳
入場費:$25, 7-11、 OK及會展售票處有售

YouTube Gamers講打機

動漫節多動漫電玩嘢睇是常識吧!今年 Google就搞咗個《 Google Play Game Week》,唔單只搶攻會展會場,喺 7月 25日下午 2時半和 7月 26日下午 3時,聯同一眾藝人喺現場同觀眾齊打機,仲搵嚟一班 YouTuber喺 YouTube串流直播打機對決,即搵到時會出場的大 J同 KZee吹幾句!
FACE:喺《 Google Play Game Week》你地會同觀眾玩咩 Game?
KZee:我 26號晚 9點會同兩個女嘉賓周家怡、周嘉儀玩《多啦 A夢修理工場》,玩法似《夢幻西餐廳》,即係要盡快滿足每一個入店客人要求,愈玩啲客會愈多,好考速度同反應。
大 J:我就會喺 25日晚 9時至 10時,同阿 Hin、 KZee一齊連線合作玩《怪物彈珠》,其實日版時我哋玩過亦放低過、當中有啲空白期,但今次出香港、台灣版所以開始玩返。呢隻 game最開心係可以 4人面對面連機一齊彈波子,一齊玩一定開心過自己一個對住部電話掃掃掃。

KZee×多啦 A夢修理工場

7月 26日晚 21:00至 22:00







大 J× Monster Strike

7月 25日晚 21:00至 22:00






冇時間去動漫節? 7月 24至 31日仲有個《 Google Play Game Week》,一連 8日每晚 9點,邀請知名 YouTubers上 YouTube專屬頻道同 DimboTV YouTube頻道串流直播打機實況。
http://www.youtube.com/user/GOOGLEinHK 
http://www.youtube.com/user/dimbotv 

嘉賓歌手日日勁

 




Hins


達哥


Coco Cherry


J Fung


Ashly 蒼井翔太

擁有超靚高音聲線,唔只唱歌勁,仲演出過多個經典動畫角色,去到會場唔好亂咁講佢壞話呀!( 7月 28日 17:00至 17:30時登台)

最型男裝歌手 AKIRA

被乃木坂 46主將「少年」生駒里奈捧為神明的男裝女歌手 AKIRA,舉手投足絕對型過大部份男士。( 7月 27日 19:00至 19:30登台)

牧野由依

歌手兼配音員(代表作有《翼》小櫻、《高達創建者》星野學姐),三歲入娛圈、自少習琴及古典音樂、多才多藝。( 7月 24日 19:00至 19:30時登台)

ELISA

模特兒出身,最終卻選擇成為歌手,雖然主唱過《科學超電磁炮》、《旋風管家》等大作歌曲,但本人卻不太看動畫。( 7月 27日 18:00至 18:30時登台)

仮面女子

戴面具唔一代就係醜㗎!其實仮面女子好多個樣都 ok得,好似記者至 like呢位天木純,仲有 37.5 I Cup身形同天使臉孔,不過佢上兩個月離咗隊啦。

Enterbay兩大 NBA巨星撐場

波鞋唔只得 Air Jordan,經典 NBA球星除咗佐敦亦仲有好多位未出 figure。
冇錯,又係最叻整 1/6 NBA球星 figure個間 Enterbay,出過佐敦、洛文,終於都輪到公牛二佬柏賓 Scottie Pippen!仲有記者最愛的巨無霸 Shaquille O'Neal!球迷、玩具迷都被佢引晒入場。
Enterbay攤位編號 F12

二佬修長美型

又着番紅色衫,衫上有 98 Finals logo。從此圖可看到,柏賓上臂上的肌肉紋非常清晰,好似真人!







佢家吓白色衫,仲送埋 33號黑色 arm band。

從圖片所見,二佬雙手肌肉紋明顯比佐敦更加修長,同佢形象都非常夾。 Figure仲同時跟晒白/紅色 33號公牛球衣,以及兩款眼神、咀形不同的頭雕,非常抵玩。此 figure將會在漫畫節內率先發售,售完即止,視乎情況,日後未必會再公開發售,公牛迷真係記得去買番套!$1,780/套







我覺得市面批冇授權柏賓頭都太老太惡,呢款個樣有英氣得來夠鐵漢柔情,勝過黎明! 奧尼爾 Big爆巨 figure

大家都知奧尼爾零舍多鬼馬表情,個頭雕真係冇得頂。再睇睇個籃球同 figure比例,可以估計到幾巨型。







留意手上有招牌 Superman鑽石 logo紋身。 


呢個表情就「招積」啲,湖人隊服版仲可以同 Enterbay隻 1/6 Kobe放埋一齊 display,超正!

記者最喜歡剛剛加入 NBA打 Magic時 Shaq成日轟爆籃板,當然仲唔少得佢 96年起轉會去 Lakers時嘅造型啦!今次呢款 figure特別針對 O'Neal真人 2.16米身高, body係重新雕過,睇睇佢對手同個籃球就知有幾 Big。而套 figure set亦係份量十足,有齊 2個 body、兩套隊服、兩個不同表情頭雕,真係極級珍藏。$2,680/全球限 3,500套,場內有極少量現貨,想買要快。

同場買埋湖人版林書豪

年初 Enterbay跟 nxtomo合作率先在香港送出限定版湖人隊林書豪 1/6 figure,今次動漫節終於破禁作公開發售($1,780),同場當然唔少得《 NBA CLUTCH TIME》、《 BFB》、《 Derby Owners Club》等遊戲的登記送虛寶活動。參加比賽仲有機會特別 NBA球星 figure做禮物!
nextTOTO攤位:F08




Lin又轉會,此湖人版必成經典。


Gameone金庸 vs古龍一戰定天下

GameOne一向都好知 fans心意,開 show必有索女,今次搵來袁嘉敏扮《絕代雙驕》邀月宮主,加埋幾件索女組成「古龍隊」,最搞笑係「金庸隊」雖然有小希(變態女超人)、陳芸卉、沛筠等台灣美眉,但竟然係由項明生扮喬峰帶隊,但我個人想睇 James扮虛竹囉!
場內仲有個足球場試玩區,除咗必玩的《 SEGA創造球會》,到時仲有隻全 3D即時實況足球新作公布。呢隻 game仲獲 FIFPro正式授權, 5,000名現役球員真實名字同數據通通有齊,仲有好多經典巨星,有排玩呀!
活動時間: 7月 24日 12:30-13:30
Gameone動漫節主舞台(F01)

 




袁嘉敏


小希


陶枳樽(翻版柏芝)


Ruby黄凱欣


Vanessa黄芷嫣


仙樂都


沛筠


喬米


陳芸卉 Apple


項明生 八達通充值係爽嘅!

有冇試過打打吓機唔夠石,但又懶得去買點咭? Gameone首推八達通網上充值 GO卡服務,用八達通拍一拍 NFC手機即可充值,場內仲有「 Go仔限定八達通」送畀消費滿$1,000用家,日限 100張、送完即止。(不包括「陳浩南龍頭版公仔」、「邱福龍公仔」及《如何制造大 J》書刊)即場參加 image girl投票唔只有機會拎八達通咭,入面仲入咗成千銀!
抽獎時間: 7月 24-28日 18:00










《海虎》無限紀念卡$60


《火鳳燎原》風華絕代包$198


《 SEGA創造球會》一周年特別版$198


邱福龍公仔$1380/套(款式勁多、未能盡錄) 孩之寶 Hasbro建造派打橫行!

年年都係好人做主角,今年唔柯柏文啦!孩之寶 Hasbro攤位將會有建造派踩場搞「破壞」!
拿咪搞錯呀,唔係建制派,係 Combiner Wars系列新作合體巨人:建造派,呢套 SDCC限定作,將在會場內獨家發售,必搶!場內仲會有 4米高破壞者大型佈置以及模型情景,記得喪影!同一時間仲有 Marvel新電影《蟻俠 Ant-man》同《星戰:原力覺醒》限定新白兵賣,無論你喜歡邊套作品,都一定搵到心頭好。
Hasbro攤位編號 D03




建造派係第 1隻合體變形金剛, 6合 1組成破壞者。





Ant-man套裝包晒佢咁多個形態:當中最吸引係 12吋巨人 Giant-man。$629.9


6吋 Black series Ep.VII Stormtrooper$279.9


NERF新槍 Modulus ECS-10$549.9


Combiner Hunter 3機套裝$749.9 6合 1巨人金剛

所謂建造派,係由 6部迷你建築車合體而成的巨人變形金剛破壞者。而 Combiner Wars係用最新技術重現 G1第一代 TF內幾款合體巨人,合體後成 14吋高,呢套 box set只限在 SDCC漫畫節有售,香港只有少量。$1,799



















原力與 HotToys同在!

拿老老豆豆,其實超級英雄出幾多我都唔厭,不過從寫文、影相角度,今年 Hot Toys除咗照舊有 Marvel英雄睇,仲加入星球大戰宇宙科技味,真係好吸引!除了大量未公開發售以及已經接受訂購的《星戰》 1: 6,最搶眼一定係部 1: 6 Tie Fighter同埋 1: 6千歲鷹駕駛艙啦!全部都係啱啱由美國 SDCC漫畫展空運返香港, fans絕對有眼福。
Hot Toys攤位編號 E15-16




想當年見到 NIGO屋企有部巨型千歲鷹,真係好仇富,雖然今次 Hot Toys都只係出個 1: 6千歲鷹機倉(快將接受訂購),但入面有齊 Luke、 Han Solo、 Obi-wan,將《 Ep.IV》內的經兼場面重現,買完最少唔使住 house都有位擺,型!





1: 6 Tie Fighter好大部,我真係認輸,不過一樣要影相。 

會場即買限定品#01:黑魂版 COSBABY Ironman Mk.43+ 1:6 figure tee( for12吋公仔、人着唔到㗎!)$280

會場即買限定品#02: TOUMA別注 Hulkbuster figure,新版追加換裝手臂,即係電影入面 Tony用來捉住 Hulk個頭,推落地係咁鎚佢嗰隻手呢!$560







唔好忘記本刊率先介紹過的可愛《蟻俠》、《復仇者 2》實用家品,巨型沙灘巾$158


膠製透明貼紙$38/包


蟻俠+黃蜂人行李牌。$88/對 

新鮮熱辣 1/6蟻人登場,頭盔面具一拍即合會自動着燈,玩法超正!其黑紅色戰衣以多種物料複合製成,層次十足,最特別是銀色腰帶上 4支縮細溶液。 figure更加送 2.8cm迷你版蟻俠同地台,場內有得睇。$1,480

1: 1蟻人 King Arts電影道具基地

成日睇古天樂個玩具倉,隻隻收藏品都係 1: 1真人 size,真係想講句「那有錢,你 XX」,不過唔緊要,入動漫節可以去 King Arts攤位,佢哋今年會大搞 1: 1巨型展品,比如 1: 1鋼鐵奇俠 Mark.45、 1: 1蟻人……放心,唔係玩你,除咗手指頭咁細的迷你版 1: 1,真係有隻成年人咁高嘅 1: 1,俾你任影。
介紹番,同場唔少得有佢哋人氣產品 Iron man頭像套裝最新電鍍色套裝,《美國隊長 2》戰損版 1: 1道具級盾牌景品,送禮自用都要有。
King Arts攤位編號 B19,20,21,22




1: 1真人比例 Ant-man頭盔記者最想睇就係呢頂 1: 1蟻人頭盔,不過暫時只係展品,未知幾時開訂呀!(未定價)


1: 1縮小 Ant-man重現電影內蟻人縮細避子彈一幕,成件 figure手指頭咁細,真心勁!場內訂購後下個月就拎到。(未定價)


唔會點你去得粒「黃豆」睇,仲有隻真人 size蟻人雕像。


King Arts套 IM頭好多人儲,今次會場版係 Mark 1至 7電鍍色版,我覺得隻全銀色 Mk.2最吸引!(未定價)


1: 9 Mark 3場內率先開訂。($1,216)


1: 1道具唔只睇得仲可以買,比如呢款《 CA2》戰損版美國隊長盾,上色極精細。(未定價) 港日漫鬥 Q

大家知唔知有間新公司企畫舍搞日本漫畫?新書叫《蘑菇狗》,同場仲有精品賣,又有《老夫子 Master-Q》公仔,係咪鬥 Q先?
動漫節攤位:企畫舍( C25)、依時而生( B24-25& C15)




30cm老夫子&大番薯公仔各$129


50cm蘑菇狗公仔$199 火鳳孝蟹哥「火鳳燎原亂世英雄」舞台劇發表會


《蘋果日報》圖片

陳某名作《火鳳燎原》即將在明年初篇成舞台劇,仲搵到郭峰、邵仲衡、陳仕文、鄧智堅和林娜等實力派演員擔綱,想知「孝蟹」做邊個角色?到時睇發布會啦!
時間: 7月 26日 14: 15至 14: 45(主舞台)

Hero86保全叔最後留聲

專出動漫手機精品的 Hero86,今年除了《星戰》、《復仇者 2》精品,重點推介呢款 1/6《多啦 A夢 Standby Me》搪膠,因為廠方特別得到保全叔家人同意,收錄有多啦 A夢/叮噹最後一套電影版內的對白,永遠珍藏。(場內預訂)
Hero86攤位: E15




星戰及復仇者匙扣各$40


《多啦 A夢 Stand by Me》 1/6 Doraemon搪膠(未定價) Forza 10周年 XBox One 200車仔疊馬贈慶


《 Forza Motorsport 6》週年紀念特別版套裝($3,380)

原來今年係《 Forza》 10周年,場內除新一集試玩,仲有 200部車仔砌牆做裝飾。同場有 58部試玩台畀你試盡 XBox One大量新舊作,當中有《 Tom Clancy's The Division》獨家試玩。

LEGO風行世界


Andy Hung係全球首名獲 LEGO專業認證大師之玩家,會場見!

LEGO今年展覽主題係「世界節日巡禮」,主場以 14萬顆 LEGO積木組成 12組模型,當然唔少得買買買啦,去排隊吧!
( LEGO攤位: B12)

買高科技 Robot學 programming

呢款 Game Robo Alpha 1S,拎過全球幾十個國家級專利,早前《 FACE》都已介紹過,佢可以利用藍牙操作做出 17款動作,配合 3D Visual PC Software動作設計程式,將動作串連埋一齊,真係跳舞都仲得!
買機械人仲送 3堂教學課連證書,暑假買件玩具,仲學埋 robot program,係咪勁先!$6,498(查詢: Everbest 2541 2982)







撰文:鍾世傑、陳可兒
攝影:胡景禧

全站熱搜

tvb4life 發表在 痞客邦 留言(0) 人氣()