大拼盤

旅遊達人教路 妙用漫遊數據

Ads by Google

暑假到啦,又是外遊的好時機,我都不例外。手機不離手的我,最緊要有得用漫遊數據上網,仲要夠抵用。你知啦,早排有人外遊後被電訊商追索萬八蚊漫遊數據費,真係慘!

專家教路,外遊可用 3招自保,第一,改用當地上網電話卡或使用 Wi-Fi蛋(即 Pocket Wi-Fi)上網;第二,使用日費上網計劃;第三,如沒有上網需要,記得關掉手機數據漫遊功能。
去不同地方應選用不同漫遊數據方式,現特選 3個港人熱門外遊地:日本、台灣、中國,搜羅最正價格最抵資訊,亦找來旅遊達人杜如風話遊日必租 Wi-Fi蛋、曾劍華建議遊台揀買月付卡及分享心得,包冇揀錯啦!

專租 Wi-Fi機的維訊數據負責人 Jessica Tang
「以日本為例,使用網絡都有不同,租 Wi-Fi蛋時要問清楚。如前往市區,一般使用 EMOBILE及 SoftBank網絡的 Wi-Fi蛋很足夠。如前往偏遠郊區地方,如白川鄉、北海道、和歌山、四國、立山黑部等,以 DOCOMO接收最好。」







啟動時,輸入機背貼有 Wi-Fi ID及密碼,就用得。 旅遊達人杜如風 短遊日 用 Wi-Fi蛋最抵

「以前遊日本,我都用 sim卡日費計劃$200左右,但以 8日計,收費千六蚊,好貴!自兩年前,由朋友介紹轉用 Wi-Fi蛋,日租$70,如租 8至 12日更有 9折優惠,經濟得多。我租用 Wiyo的 4G Wi-Fi蛋是連接當地電訊商 SoftBank,網絡覆蓋率佔全國,去京都、大阪、東京等市區,上網超穩定又夠快,仲可以同朋友 share用,更加抵。」
格價參考:
維訊數據:日租$80。
Crazyegg:日租$50。










旅遊達人曾劍華 遊台 用月付卡

「我喜歡用台灣月付卡(機場有得買),備有 NT300、 NT500、 NT1000數值選擇,用完再充值,好均真;電話卡有效至半年,即半年內再往台灣充值就可繼續用,基本上月付卡是無限上網,上網好流暢,電話打出才計錢,人家打來不計錢。」
格價參考:中華電信、遠傳:備有 NT300、 NT500數值選擇。







記者推介 遊中 用 3G Wi-Fi蛋

「有時到內地工作,一般使用數據上網為主,甚少打電話,所以租用 Wi-Fi蛋。大部分出租公司只提供 3G Wi-Fi蛋,日租$60,去北京、西藏、上海等地,上網速度都冇窒,不過去內蒙就差啲。雖然是無限上網,但每日用量超過 300MB會自動減速,唔煲劇、睇片,一定夠!」
格價參考:
WiFi BB:日租$60。
Telecom Square:日租$67。







撰文:石美寶
攝影:周芝瑩(部分)
部分圖片:《蘋果日報》、互聯網

全站熱搜

tvb4life 發表在 痞客邦 留言(0) 人氣()