大拼盤

廿蚊入場首屆玩具節大量限量版玩具

Ads by Google

暑假快到,啲乜節乜展又開始。但書展太嚴肅,動漫唔啱我,美食節又太多人, BB展?我都生咗咯,咦,名單上還有個玩具節,今年屬首屆。除咗 1蚊 beat值數百元的玩具外,還有大量限量版發售、 Star Wars展、懷舊 Barbie展、 Tomica車仔展及親子玩樂區,實行一家大小、男女老幼通殺。

當中的 Tomica車仔區,更是日本 Tomica博(博覽會)的迷你版,有齊日本 Tomica博的親子玩樂區、巨人吹氣公仔、攤位遊戲、限量和珍藏品。日本 Tomica博是日本人的年度盛事,好多家庭都去玩消磨一天。而 Tomica車仔更是日本國民玩具,幾乎每個家庭都一定有,依家嚟到香港,又點可以錯過。




收藏家 Raymond有過千部 Tomica車仔連盒,當中 70年代珍藏的黑盒包裝更為珍貴(小圖),今次他會拿出來作展覽。


BE@RBRICK 400% Mazinger Z,鐵甲萬能俠造型,會場價:$1,290。另有 1000%,會場價:$2,790。


「港鐵機場快線」原價$299,現 1蚊底價拍賣,每口價叫$10,想要就現場考你眼光和反應了。


Tomica及 Playrail情景模型是日本 Tomica博必睇項目,依家香港都有得睇。

現場 3款攤位遊戲,部分參照日本 Tomica博設計,贏輸都有禮物送。門票附送攤位遊戲券 1張, 3款遊戲可揀 1款玩。 Playrail火車世界試玩區則可排隊免費試玩。









別以為 Tomica車仔只有男仔鍾意,好似卡通人物和迪士尼系列,都有好多女粉絲㗎!卡通車製作絕唔馬虎,跟其他車仔一樣全金屬製,有一定重量,而且唔生銹、唔甩色,同樣有懸掛。

女人專區

玩具節都有女仔鍾意的懷舊古典 Barbie展。 30個由 1959至 1969年出產的 Barbie公仔,穿的都是名家設計的經典時裝,部分更是絕版,市值高達逾萬。
















全球優先發售 Sailor Moon S Action Series– Art Statue-001,可更換面容和手套。售價待定。 香港玩具節 2015

日期: 7月 17-19日,周五至日
時間: 17-18日 11am-8pm; 19日 11am-6pm
地點:九龍灣國際展貿中心 3樓匯星
門票:$20
備註:即場登記成為 T Club會員($60),可獲贈香港小巴會場限定套裝,當中包括 1架香港小巴(紅或綠 Van任揀一),以及由 Takara Tomy官方認可,只限香港玩具節會場才附送的車身貼紙。
(*文章內的會場價以會場當天為準)

撰文:馮淑玲
攝影:蔡政峰
錄像:周昭強

全站熱搜

tvb4life 發表在 痞客邦 留言(0) 人氣()