Macarons$28/粒全新五款口味,栗子味(左)味道最濃,而且不太甜。

試食王 

Hello Kitty le petit café 地址:尖沙咀赫德道 2號 電話: 2320 6808

新 Hello Kitty Cafe攻破酒吧街

Ads by Google

銅鑼灣 SOGO真係好夾 Hello Kitty,不過同場的卷蛋店 baby Mon cher一直與 Sanrio有合作,人氣產品 Hello Kitty和 My Melody蛋糕夠得意之餘,比起 Hello Kitty le petit café出品好食得多。 Café選擇搬鋪確實是明智之舉,但勢估唔到竟然搬去尖沙咀赫德道。赫德道喎!我試食王 N年前成日去劈酒,家吓條街都無乜點變,早開門的只有茶餐廳和麵檔。對靠萌吸客的 Hello Kitty來說,要吸引埋酒鬼?

中午十二點開門時間去到新鋪,咦!無乜人,可能未有大量宣傳。與舊店一樣,主打外賣。但有自己鋪而非商場櫃位,地方大得多,仲有張屁股大啲都坐唔落的貼牆梳化。地磚、牆身都有 Kitty樣,還有木架放上 Kitty公仔和餐具。影相位多了,滿足粉絲打卡慾。遇到兩位遊客買杯乳酪 share,但就影足半粒鐘,有無咁多嘢影呀?同行 Kitty粉絲友人也不斷尖叫:「好得意呀!」講明先,本人並非 Kitty粉絲,賣相精緻是有得加分,但味道無情講。
新店有新口味新款 macaron、杯子蛋糕和曲奇,但竟然無咗舊店最受歡迎的 3D蘋果。「新張期間買滿$300有限量版 Hello Kitty公仔送。」送到幾時?「我哋答唔到,送完即止。」乜都試啲,滿$300好容易。曲奇一拆袋,牛油香氣撲鼻,但食落口無味,而且有點硬,不夠鬆化。 Macaron有五款新口味,最好食是栗子,其他例如沖繩黑糖、紫薯、櫻花和芝士味道很怪很化學,連 Kitty粉絲友人都話難食。




抹茶紅豆杯子蛋糕$38得個甜字,好似食砂糖。


杧果牛奶布甸$48甜到不懂去形容,沒有新鮮杧果味。


最開心是有着數,限量版 Kitty公仔又真係幾得意。


新店變成地鋪,很寬敞,可以俾粉絲盡情影相。

杧果牛奶布甸個樣已經唔對路,果然無新鮮杧果味,得個甜字,口感亦唔滑。其實食到布甸,味蕾已經甜到無味覺,色素香精香油亦搞到成個口充滿化學味。再食個抹茶紅豆杯子蛋糕時,同樣甜到膠,即刻吐出來。成盒蛋糕最好食的是朱古力蛋糕,有可可的香濃甘甜和滑身。但$68件,幾乎可以食到 Lady M。同區無競爭,都唔好當粉絲無要求。靠個 Kitty頭,粉絲食過一次都唔會返轉頭!




曲奇$10/塊,聞就香,食就無味,使用香油不夠自然的關係。


草莓蛋糕$68(右)唔平,仲膠味過超市士多啤梨果醬。巧克力蛋糕$68法國高級甜品店咁貴,味道口感合格。 評分

食物:★★
服務:★★★ 1/2
環境:★★★★
抵食:★★ 1/2



Hello Kitty le petit café
地址:尖沙咀赫德道 2號
電話: 2320 6808
營業時間: 12nn-9pm

試食王

喜歡外出用膳,也喜歡誠實,不相信飲食網站的所謂評分,也怕了所謂食家獲得優待後的意見,情願隱姓埋名,真金白銀,測試飲食雜誌飲食網頁捕捉不到的真實一面。

撰文:鍾琰
攝影、攝錄:試食王
mailto:hotpot@nextmedia.com

tvb4life 發表在 痞客邦 留言(0) 人氣()