博出位

相當年

Ads by Google

人愈大就愈懷念舊時,藝人明星都一樣,就好似校長譚詠麟。早幾日佢喺微博 po咗幾張舊照,除咗分享佢呢啲咁珍貴嘅風光時刻外,仲不忘騷吓佢曾經擁有嘅 fit爆身材。此外,蔡少芬、劉松仁、盧凱彤、鍾舒漫亦開心「些牙」舊相齊齊想當年。

譚詠麟 chok住露點

嘩!乜廿幾年前嘅阿倫已經識得 chok住影相,雖然舉啞鈴個樣好似好勁,不過手臂嘅線條唔係咁出囉!好彩仲有激罕嘅露點相補番數啫!校長仲話自己:「入水能游、出水能跳、站着能舉。」







鍾舒漫鋼琴少女

呢個彈緊鋼琴嘅少女係鍾舒漫,當時只有 11歲嘅 Sherman戴住副老土眼鏡,認唔出真係唔奇。女大十八變,依家靚晒咪得囉!










蔡少芬索爆 17歲

17歲卜卜脆,講緊嘅係蔡少芬,佢當年 17歲就參選港姐,不過輸咗俾郭藹明同周嘉玲,只係得個季軍。依家睇番 24年前嘅蔡少芬,其實同今日都分別不大。







劉松仁官仔骨骨

從影超過 40年嘅松哥劉松仁,到今日拍劇都依然做男主角,除咗佢寶刀未老好戲之外,當然係佢嘅俊朗外表夠煞食,咁官仔骨骨嘅小生家陣真係好難搵。










盧凱彤 baby fat

14歲就組成「 at17」入行嘅盧凱彤,雖然傳過佢同性戀,近年亦不幸患上抑鬱症而消失喺樂壇,但睇番當年初入行嘅佢都幾清新同開朗吖!






    全站熱搜

    tvb4life 發表在 痞客邦 留言(0) 人氣()