靚抽王

陶喆唔玩唔知小三好

Ads by Google

陶喆上年同十億身家太子女江佩蓉結婚,令人羨慕妒忌恨。點知一年唔夠,就被爆同
地表最強小三楊子晴有染,仲爆出 WhatsApp留言,被揭有發生關係!




咩啫!下次小心啲囉。(設計對白)

陶喆當然要走出嚟認錯,又話得到老婆原諒啦(咁快?),佢仲發表 5大重點質疑小三爆料行為:
一、婚後確實出軌。但強調只有 1次;(編按:哦,殺 1個人唔係殺人)
二、女方主動邀約又同時爆料居心叵測;(編按:因愛成恨,地球每秒都在發生)
三、與楊子晴交往 5年並非 6年……(編按: 5年同 6年都唔重要啦)
四、指控楊子晴發布經故意刪減編排過的通訊紀錄……(編按:我哋都想睇完全版)
五、老婆沒提離婚、完全原諒且不告通姦(編按:做完衰嘢冇後果咁着數?)
點都好,以下回顧一下陶喆嘅華麗婚禮,順便同現實作一比較:

理想

所謂華麗婚禮,當然係由「錢」字交織而成,當中包括:迎親車隊由 2架林寶堅尼、 5架勞斯萊斯同 1架賓利組成, 8架名車加埋總值 5千萬港元。婚禮地點係文華東方酒店,認真威威。



婚禮入面,陶喆同老婆錫錫,大晒幸福。
作為 R& B之子,結婚當然有一大堆藝人助陣(林俊傑、周杰倫、王力宏、蕭敬騰),不過家吓搞成咁,就冇人敢開聲力撐 lu。咁又係,萬一拖埋啲巴打落水,就唔好啦!



婚禮上 sweet爆九宮格布景板……

現實

結婚大晒幸福,婚後不夠一年,低頭哈腰同所有人認錯……仲搞到話要告小三……
開完記招澄清,仲俾小三喺微博寸爆佢「一生只愛一人」,啲對白極似歌詞,令人諗起陶喆用其獨特 R& B曲風唱「你愛我還是他」鴉鴉鴉~~
喺記者會澄清,稱老婆仍是「唯一最愛」,感覺就似偷食朱古力後嘴都未抹嘅卡通貓話自己乜都冇食過。



點知家吓就爆出「加甜」 WhatsApp對話圖……惟有直認自己「言語輕浮」,但本人認為咁重口味,點止「輕」浮呀。

理想與現實

現實往往比想像殘酷,娛樂圈風光背後,往往有着不為人知嘅事實真相。

撰文:娛文樂

全站熱搜

tvb4life 發表在 痞客邦 留言(0) 人氣()