嚇人歪鼻在《三面形醫》中,幾乎集集都有做整容手術過程。其中在第一集飾演闊太的陳霽平,為 keep靚樣經常光顧整容診所。但與飾演整容醫生的林文龍發生爭執後,令鼻內矽膠變形,導致陳歪鼻。

娛樂喧

港視劇埋尾晒冷 《三面形醫》血腥整容打真軍

Ads by Google

 

港視冇牌,王維基停開新劇止血已是鐵一般事實。壓軸三套皇牌自家劇將於下周陸續推出。頭炮播出的,是以整容為題材的《三面形醫》,劇中充斥大量真實手術畫面實行搏收視。
本刊率先刊登《三》劇一批整容手術過程的劇照,除有抽脂、隆鼻畫面外,扮演病人的港視藝人林影紅更不惜以身冒險,親身上陣打 botox整 V煞面。
至於同樣飾演整容客的陳霽平,亦會在鏡頭前展現恐怖歪鼻,絕對挑戰電視尺度。


慎入!陳霽平現歪鼻


韓君婷驚心回歸




人面如戲陳霽平在劇中被林文龍意外撞歪鼻,至於好耐冇蒲頭,日前出席活動的韓君婷,被指忽然鼻翼收窄,鼻樑凸起,惹整容疑雲。韓則解釋一年前在新加坡不慎滑倒令鼻骨歪了,與《三》劇情不謀而合。

港視出品出名認真冇膠劇,奈何不獲政府發牌,司法覆核亦待審中,前景不樂觀,故旗下藝人已走得八八九九,製作部門亦走剩一人。

血腥畫面變黑白

現時港視仍有三套自家製劇集,在下星期陸續推出,分別是林文龍、姜大衞主演的《三面形醫》;林文龍、林嘉華擔正的《 Night Shift》;以及黄日華、黄芷晴首度父女檔上陣的《開腦儆探》。 7月 24日首播的《三面形醫》,食正時下流行的整容為題材,並會在鏡頭前展現真實的整容過程,不乏血腥驚嚇場面。就連飾演整容醫生的林文龍亦說:「因為啲手術唔係借位拍攝,真係打針開刀,所以做咗咁多年演員,我都係第一次接觸呢啲場面。」因部分手術過程太過血腥,因此會以黑白畫面處理。




手術戲真做劇中飾演醫生的林文龍,透露今次所拍的鏡頭,無論打針或抽脂,都是打真軍去做。「我相信今次係香港第一次喺劇集出現呢啲鏡頭。成件事好認真,拍之前我去嗰間診所做模擬學習,學吓啲手勢同動作,有板有眼㗎!」


暗星堅打 botox


botox隆面由大台過檔港視的林影紅,在劇中飾演病人,為求效果逼真,她更親身試打 botox隆面和透明質酸隆鼻。她說:「接拍前都有掙扎,但係我睇番啲片都覺得好睇。」

不過講到為藝術犧牲,則非藝人林影紅莫屬。在第二集中,同樣扮演整容客人的林影紅,拍攝時是親身上陣在下巴堅打 botox整 V煞面,又打透明質酸隆鼻,整個過程由專業整容醫生進行及監察,飾演整容醫生的林文龍則「做樣」為病人施針做手術。

黄日華爭壓軸劇

在三套皇牌劇中,林文龍佔兩劇。據知在港視內部得到最高評價的《 Night Shift》原先被安排放壓軸播,但日前《開腦儆探》主角黄日華卻向老闆王維基「出口術」。一知情人透露:「我哋好多同事睇晒呢 3套劇,《 Night Shift》嘅分數係最高,《三》講整容,所以只得女同事有興趣,而《開腦》就中規中矩,冇乜驚喜。但呢套係華哥(黃日華)同佢個女一齊拍嘅處女劇,華哥話將來未必有呢啲機會,所以一直好緊張幾時播,又主動問使唔使幫手宣傳。當佢知道喺尾二檔出街,就走上 office搵王生傾,係人都知佢哋 friend底,最後咪爭贏咗囉!」就爭輸做壓軸劇,周二( 14日)林文龍坦言:「邊套擺最後有咩所謂吖,最緊要多觀眾睇啫!」




客人入鏡同樣在第一集中,有病人做割雙眼皮手術,導演關樹明表示:「其實呢個真係美容院嘅客人嚟,佢唔介意入鏡,咁就啱晒我哋。」由於手術場面太過血腥,因此以黑白畫面處理。


林文龍大戰黃日華

除《三面形醫》,港視的另外兩套皇牌分別是《 Night Shift》及《開腦儆探》。前者全夜景拍攝,甚有電影《 PTU》影子;而後者則描述演員靠潛藏超能力破案為骨幹,各有睇頭。

《 Night Shift》
演員:林文龍、林嘉華、湯怡、姜皓文
播出日期: 8月 19日-9月 2日( 11集)
劇情:意念來自美劇《三更急先鋒》,講衝鋒隊警員的人和事。「警長」林文龍與「下屬」林嘉華是天敵,林嘉華更是黑警,與「黑社會成員」姜皓文勾結,被上司發現……







湯怡在劇中飾演 wet妹,更有吸食大麻鏡頭。

《開腦儆探》
演員:黃日華、黃芷晴、盧海鵬、李燦琛
播出日期: 9月 3日-9月 24日( 16集)
劇情:本身為督察兼有超能力的黃日華,因兒子去世大受打擊,更辭職開偵探社誓緝兇。但一次無意間發現有可能是自己「意識殺人」……




黃日華做警察做慣做熟,但今次有可能自己才是兇手,角色亦正亦邪。


撰文:娛樂組
攝影:攝影組

全站熱搜

tvb4life 發表在 痞客邦 留言(0) 人氣()