麻鷹圖案 tee$130Tee上的變色顏料一定要在紫外光下才會顯現,室內燈光看不到變色效果。

創業通

感光變色 Tee 和陽光玩遊戲

Ads by Google

室內只有黑白線條的 tee,在陽光底下變得色彩繽紛, Helen在 14年時裝展上遇上 UV感光 tee,覺得新奇有趣,於是與朋友樵從日租鋪做起,平均日做 6千生意。不俗的成績,為兩位年輕人打下創業的強心針。繼而順應潮流擺市集,再在灣仔碼頭設立門市,成功俘擄了太太們的心,返單再返單,成功月賺約 2萬。




變色前麻鷹圖案是熱賣款式之一,鷹嘴印上閃粉藍色,加上在陽光下的變色效果,更加 sharp!

採訪當日, Helen在烈日下穿上 UV感光 tee, tee上的黑白線條圖案即變得七彩繽紛,「喺 tee嘅圖案上印咗一層 UV感光顏料,遇上紫外光就會變色,普通室內光源就做唔到變色效果,最多可變 7種顏色。加上呢隻感光顏料特別敏感,一定要喺陽光底下先會顯現顏色,就算喺室外曬完,只要返入室內,啲顏色會即刻消失。」

日租街鋪小試牛刀

14年 6月, HKCT於會展舉行 fashion week,當時 Helen有份做兼職,她發現有廠商展銷 UV感光 tee,「當時係我第一次見到呢種會變色嘅 tee,覺得好特別。喺時裝展嘅最後一日,我就膽粗粗問個廠家,可唔可以批少量貨畀我試賣,最後只要我每個款最少拎 10件,佢就同我合作。」
Helen找來當時在淘寶經營代購的樵,大家合資了萬多元,成立 Timing_IG, 8月在灣仔道租了一個日租$800的街鋪,只租星期六、日試賣感光 tee。「銷售反應完全超乎我哋預期,最高紀錄一日做咗成萬蚊生意,平均每日生意額都有 5、 6千,曾經有個客一次買咗 15件。試賣情況咁理想,令我哋好有信心繼續做落去。」




每次擺市集, Helen至少帶 300件 tee去擺檔。「因為客人都鍾意現貨交收,所以一定要齊 size,令顧客可以即時取貨。」


各市集客源不同, Helen說:「最好生意係將軍澳和九龍城市集,因為多一家大細嚟行街,太太們好鍾意幫老公仔女每人買一件 tee。」 有太太客撐

香港寸金尺土, Helen和樵一直找不到心水鋪位,苦無銷售渠道之際,樵提議轉戰市集,「當時市集唔似𠵱家咁大行其道,最終畀我搵到 apm嘅假日市集,就去試一下,擺咗 2日,做咗$4,000生意。」扣除約 4百元的租金, 2人有感擺市集也有不俗盈利,決定再接再厲,試過一日兵分 3路, Helen和樵再請多一位兼職,在 3個不同的地方擺檔,營業額過萬。
樵更從擺檔中發現市集是一個非常有效的宣傳途徑,「因為感光 tee放喺度只係一件平平無奇嘅衫,市集就可以當面同客人解釋件衫會變色,即場用紫外光燈示範變色效果。」




變色前:眼鏡貓圖案 tee$130(大小同價)Helen說:「『眼鏡貓』圖案有童裝 size,好多媽媽都鍾意買多一件畀小朋友,做親子裝。」


未變色的「眼鏡貓」 tee只有眼睛和鼻,出去曬太陽才知道是貓貓。


變色前:愛因斯坦圖案 tee$130樵說:「愛因斯坦係我哋第一件黑色 tee,之後會不斷推出更多顏色嘅 tee。」


本地設計品牌 April4Design設計了愛因斯坦變色 tee,天才在陽光下有一個藍色的招牌爆炸頭。 多尺碼有優勢

感光 tee由小童至成人 XXL碼都有,故吸引不少太太客光顧,太太客佔了 6成生意額,「太太客會一次過買晒成家人嘅 size,一次會買 3、 4件,所以有多啲 size畀佢哋揀會有優勢。加上佢哋唔會 follow你個 IG,買衫亦鍾意親手摸下試下質地,擺市集就中晒我哋嘅目標客群。」
15年 1月,她們在天星碼頭租了地鋪,市集仍然是主要的銷售途徑,「雖然鋪位月租只係約$10,000,但人流唔多,我哋會當係倉,同埋擺市集時,客人知你有門市,有咩問題可以嚟換,對我哋信心都大啲,好多客喺市集買完都會返轉頭去門市買 tee。」




為了即時畀客人睇到變色效果, Helen和樵會在室內用紫外光燈照 tee的圖案,一照便變色。


有些顧客在市集認識變色 tee,之後才去灣仔碼頭門市選購。


與本地設計公仔 TarTar合作的原創變色 tee,這件 tee突破了廣州工廠的印製技術,首次在一個圖案上印了 7種顏色。$150





客人靜怡我第一眼喺市集見到啲 tee唔覺得太特別,經老闆介紹後,覺得幾得意,就買咗件着去踩單車,朋友見件衫喺室外會變唔同色,個個都話過癮,問我喺邊到買。 年輕人愛原創

經營了差不多 1年, Helen和樵希望尋求突破,設計原創圖案變色 tee,「因為想吸引年輕客群,所以我哋開始搵本地 designer合作設計 tee嘅圖案。年初設計 TarTar公仔嘅本地設計公司,就幫我哋畫咗一件以天星小輪為主題嘅 tee,最後因有版權問題,渡海小輪嘅造型改咗兩次先可以出街,以後喺設計上會留意番版權問題。」
UV感光 Tee本是全白底色,和年輕設計師 April4Design的變色 tee剛剛推出,是 Timing_IG首次將變色顏料印在黑色 tee上。「如果變色顏料一次過面積太大,喺白色 tee上就會見到一層米色嘅薄膜,影響觀感。所以印面積大嘅圖案時,我哋會揀深色 tee做底,變色顏料嘅薄膜就睇唔到。𠵱家亦同廠商諗緊辦法,睇吓點改良啲 tee。」




開業成本


每月收支

facebook@Timing_IG
地址:新灣仔碼頭 WC-E1鋪(往尖沙咀方向入閘前)

撰文:杜曉婷
攝影:吳曉明、傅新發
Model: YoYo
部分圖片由被訪者提供

    全站熱搜

    tvb4life 發表在 痞客邦 留言(0) 人氣()