到達度假村,站在 5樓大堂的落地玻璃前,向外一望,係咪去咗布吉呀?

四圍玩

3天 2夜遊東澳島 激玩水

Ads by Google

港人分秒必爭,即使只得 3天 Long Weekend外遊玩個夠。最近發現新遊點,由香港搭兩程船約 2小時來到珠海無人小島——東澳島,再轉乘 5分鐘專車直達坐落於南沙灣的 Club Med度假村;這裏擁有 15公里黃金海岸線,島上 8成都是樹木叢林,夠晒大自然。
來度假村,梗係要嘆吓!最正是度假村提供 15項海上和陸上運動,如帆船、槳板衝浪和橡皮艇滑水,刺激到飛起。此外亦設有兒童俱樂部,有 G.O.活動人員帶小朋友玩空中飛人、射箭等興趣班,大人細路都啱玩!

來到度假村,眼底盡是一片藍,低頭望是 1樓的露天泳池, 180度飽覽南沙灣;再望遠啲,距離度假村 300米左右的沙灘,有衝動立即剝晒衫褲跳進水裏。海水不及西貢大清水灣般清澈(話晒都係珠江口吖嘛),但沙尚算幼細唔拮腳,勝在是 Club Med專屬,私隱度較高。水上活動區有水上電單車、獨木舟和橡皮艇等,不過要自費玩,收費由人民幣¥ 100起;可選擇活動組合,包括 3杯飲品、專屬沙灘椅及玩獨木舟 20分鐘,成人收費為¥ 500、小童為¥ 300,收費確實不算便宜,不過有 G.O.(即 Gentle Organizer)活動人員細心指導,話咁快就學識出海。特別一提,度假村聘請來自 22個國家如英法美非意韓日中港等地 G.O.協助活動,夠晒國際化。水上活動的 G.O.都以英語教授及講解,好易溝通,仲好熱情㖭。我獨自玩帆船出海, G.O.掌舵仲陪埋我玩,唔使排長龍,慳番不少時間,都玩得過!




除了泳池,酒店戶外隨處都擺放沙灘椅,點曬都得啦。


度假村全以白色外牆配落地玻璃,特別光猛、舒適。


早前在港都見過,今次終於一試。不過玩 3次都未能站在槳板上,都係由 G.O. Brown示範啦。


水上摩托艇拉住巨型橡皮艇出海, G.O.不時玩甩尾,忽左忽右,差點被拋落水,都係捉實隔籬嗰個,穩陣啲! 打風落雨,點算?

若然,遇上颳風雷暴冇得玩水上活動,視乎情況可留在露天泳池,望梅止渴;又或走到二樓室內泳池游番夠本。







就算唔落水,都可以走轉池邊,讓眼睛食冰淇淋。


室內設有 1個直池及兒童池,冬天更會變成暖水池,就唔怕凍啦。 玩空中飛人腳都震

行程的第二天,留喺陸上玩。大部分活動早上 10時開始,嘆完豐富早餐就來玩, Let's Go!
兒童俱樂部內有各項戶外和室內活動,以及趣味工作坊。 Are You Ready?年滿 11歲就可以挑戰空中飛人!試玩前,工作人員會先講解玩法、做示範並與你進行練習,然後爬上近 2層樓高的高台,我嚇到腳都震,終於明白咩叫「一步一驚心」。扣上安全帶,握住手把在半空做出倒掛動作,「阿媽,好驚呀!」




記者試玩玩第 1次,爬上高台已經三魂唔見七魄。在半空,做唔到倒掛動作,玩第 2次先成功, yeah!


由高台跳下, keep住緊握手把,此時會前後擺動。向前擺動時,要靠腰臀力,順勢倒掛。 環島行山踩單車兼賞景

年輕人們可以出發遠足、越野單車。我就揀咗踩單車,雖然石屎平路,不過部分路程沿馬路踩,而且需上落斜路,少啲腳骨力都唔得。好彩踩咗 30分鐘,可停下來唞唞,欣賞東澳島景色,同時飽覽珠江口一帶。

入夜都有得玩!

 




經常會舉辦不同主題雞尾酒會,第一晚黃昏就有「水手派對」,現場更有歌唱表演,有得玩有得食。


食完飯可參加表演派對,移師到沙灘開派對,載歌載舞之餘,仲有 Fire Show。 24小時任食海鮮

玩到攰,係時候醫肚。度假村內設有 2間餐廳、 1間咖啡室、 3家酒吧及 1間私密茶藝休閒吧。入住 3日 2夜,包你食足早午晚自助餐外,更是全天 24小時無限制任食任飲。
一日三餐主要由主餐廳 French Riviera供應,自助餐好足料,食材多由外國空運而來,晚餐隨機提供貴價海鮮如鮑魚、龍蝦、生蠔和長腳蟹等,亦有鵝肝多士、和牛。我和攝影師一致認為最正是鮑魚、香煎三文魚和大蝦,鮮甜味美、肉質彈牙,其他的卻很一般。另外,不要錯過到地中海咖啡主題的 Café Mediterranee嘆下午茶,這裏提供精美法式甜點、地中海咖啡,更有多款西式茶飲,啱晒港人。趁日落坐在露天座位,一邊望住泳池景海景都幾正。酒吧除了提供果汁啤酒汽水,連雞尾酒和無酒精飲品都是免費任飲,行近吧枱位置更有輕食小吃,隨時行過都有得食,一定唔會餓親你!




咁精美的 3層高法式 Tea set,足 2人用,配埋杯咖啡或英式紅茶,都不錯。


香煎大蝦和三文魚都是特色海鮮餐廳 Star Fish的名菜,大廚即煎㗎。


位於 2樓的主餐廳 French Riviera,環境寬敞,一次過可容納近 200人。 海景房超正 view

裝修新淨,房間以白、香檳金帶點紫色配搭,加上柔和燈光,幾有屋企 feel,感覺舒適。







度假村設有 267間房間,佔 8成的客房和套房都有海景。


這裏設有 L'Occitane Spa,由香薰腳部、手部護理,以至各種按摩療程都有。今日我試咗身體按摩療程,力度夠,肩頸即時鬆晒。 $3,920全包套票

一個價錢(每位由 HK$3,920起,需 2人同行), 3日兩夜包食住玩和交通。用餐時段紅白酒、啤酒飲品、全日吧枱飲品及輕食都全包。健身室、射箭、遠足等各式課程,網球、卡拉 OK、麻雀等休閒設施任玩。來往香港、珠海至東澳島來回船票及兩晚住宿。部分活動如獨木舟、水上電單車等需自費。
注意:持回鄉證入境均毋須簽證。
查詢及報名:致電 3111 9388,或瀏覽 http://www.clubmed.com.hk 




交通:現時套票包香港至東澳島的船票,可選擇於上環或尖沙嘴出發至珠海,再轉船到東澳島,交通配套算方便。


一落船就有度假村接駁車隊等候,搭 5分鐘就到。 

    全站熱搜

    tvb4life 發表在 痞客邦 留言(0) 人氣()