電視精

韓版《我可能不會愛你》黃金剩女 河智苑

Ads by Google

而家個個睇韓劇,其實幾年前韓風未吹得咁熱烈,劇迷煲得最多係台劇!
唔好講遠到 F4年代嘅《流星花園》, 2011年嘅《我可能不會愛你》,你一定有印象!
當年創下收視神話,將林依晨同陳柏霖捧為視帝視后嘅神劇, 4年後嘅今日被改編成韓劇《愛你的時間》,女主角換上人氣高企嘅河智苑,飾演唔識戀愛嘅剩女。
有睇過台劇嘅觀眾,梗係要重拾回憶啦!

劇情跟足台劇

現代人愈來愈遲婚,剩女題材愈來愈受歡迎。 2011年嘅台劇《我可能不會愛你》,圍繞一對知己,由學生時代認識,一直未有進一步發展,轉眼已經三十歲,女主角開始擔心嫁唔出,先發現最好的已經在身邊,不過一次又一次錯過表達愛意嘅時機,兜兜轉轉搞一大輪最終大團圓結局。唔好怪我劇透,四年前睇過台劇版嘅,都知道劇情發展,今次《愛你的時間》講明盡量跟足台版,當然有啲情節會與時並進,不過談情說愛都係三幅被,觀眾最鍾意只係睇男女主角搞曖昧,韓劇拍呢類情節一向有一手,且看又有幾多女劇迷中劇毒。第一個星期收視排第二,有望繼續攀升!




劇中嘅女強人角色非常寫實,女劇迷睇到河智苑一邊為工作打拼,一邊喺情路上撞壁,當然容易投入角色為佢打氣。


通常做男女主角童年,都會另外搵童星,今次河智苑同李鎮旭校服上陣自己做埋,接唔接受到?


剩女點都要配年下男(細自己好多的𡃁仔),今次有 Infinite嘅 L客串,做女主角同事,可惜出幾集咋!


由林依晨同陳柏霖主演嘅《我可能不會愛你》翻拍成韓劇《愛你的時間》,女主角係形象入屋嘅河智苑,希望可以喺收視冰河期有好成績。 女主角眾望所歸

自從落實開拍《愛你的時間》,網民已經為女主角人選費心,仲發起網上投票,選出邊位女演員最適合做女主角,結果由河智苑大比數勝出。由《秘密花園》開始,河智苑嘅強悍形象深入民心,再拍埋《奇皇后》,一個女人撐起成個後宮,女強人角色非佢莫屬。今次《愛你的時間》嘅剩女角色,喺工作上一絲不苟,但一放工就變成干物女,觀眾都覺得河智苑最能演繹出既剛亦柔嘅性格,播出後亦得到一致好評。至於一直默默做守護神嘅男主角係李鎮旭,之前做《九回時間旅行》令人留下深刻印象,無論外形同年齡同河智苑好襯,相信可以擦出火花,係今年嘅最佳螢幕情侶大熱之選!




最近成日有男仔向女朋友下跪嘅相喺網上瘋傳,其實唔係港女先咁難搞,韓妹都唔弱㗎!


男女主角同年紀,係近年韓劇比較少見,男女主角第一集就有呢啲接近 kiss嘅鏡頭,節奏快!





《愛你的時間》保留唔少台劇嘅喜劇元素,同男仔遊車河時竟然放屁,尷尬場面惹人發笑。 撰文:關錦雯
mailto:hotpot@nextmedia.com

    全站熱搜

    tvb4life 發表在 痞客邦 留言(0) 人氣()