薯蛋頭先生將於 7月 11及 12日在屯門店現身, 18及 19日亮相尖沙咀店, fans要密切留意。

飲食特務 B

期間限定 全球唯一薯蛋頭 Café

Ads by Google

以為薯蛋頭先生( Mr. Potato Head)只是《反斗奇兵》的一個配角?其實它早於 1952年已經面世。今次日本咖喱專門店 Izumi Curry首度與孩之寶合作開設香港獨家的主題 café,薯蛋頭先生的廚師 look,是專誠為 café而打造,兩個 1.5米高的薯蛋頭先生和太太在門口任你影,店內的牆身、燈罩都見到薯蛋頭先生及他的五官四肢,仲陳列出星球大戰、超級英雄系列等特別版,連餐紙及杯墊都有四款不同圖案,靚到唔捨得整污糟!

食物都係薯蛋頭形狀,最得意係自家製芝士牛肉薯餅飯,薯餅上用紫菜、番茄及芝士砌成眼耳口鼻,白蘿蔔做成雙手,腳則是日式卷蛋,造型神似。最好玩必選朱古力醬熱香餅,附上一支朱古力筆,可以在薯蛋頭形熱香餅上親自畫上面孔,可惜我的藝術細胞欠奉,畫極都唔似!門外仲有紀念品店,可以買到各樣玩具及日本直送的精品。七月份週末有人扮公仔出巡,想捕獲薯蛋頭先生就要夾啱時間。




自家製芝士牛肉薯餅飯$129為 café度身訂造的菜式,薯餅以牛肉、粟米及芝士製成,外層香脆,可選配咖喱汁及日式燒汁。


朱古力醬熱香餅配橙汁$69薯蛋頭班戟上畫乜由你任意發揮,朱古力醬較稀,都好考手工。薯蛋頭雙手為糖霜製作,於日本訂造來港。


巨型漢堡薯角套餐$99Café平時冇賣漢堡,入面夾着漢堡扒、芝士、番茄及蔬菜,盛薯角的紙杯及漢堡餐紙都有薯蛋頭先生造型。


奄列牛肉咖喱飯$109餐牌招牌菜式,飯加入天然色素製成微黃色,用蘑菇做耳朵、火腿製成腳,配上蔬菜及薯仔沙律,咖喱偏甜不辣。


餐廳布置花心思,周圍都見到薯蛋頭先生,仲有毛公仔陪你開餐。


店內有不少從日本找來的薯蛋頭文具,比玩具實用得多。


惠顧滿$200,可獲一個印仔,要儲夠十個印仔先換到限量特製 T恤。換鎖匙釦只要 like facebook即可。 Mr. Potato Head Café by Izumi Curry

地址:屯門鄉事會路 83號 V City商場 1樓 9號鋪
電話: 2392 6222
營業時間: 11:30am-10pm
註:不設訂座,尖沙咀 Mira Mall亦有分店,營業至明年二月底

撰文:張頌婷
攝影:、攝錄:梁炳權
mailto:hotpot@nextmedia.com

    全站熱搜

    tvb4life 發表在 痞客邦 留言(0) 人氣()