剛開幕的 LOG ROAD,唔似一般商場,似一條緩步跑的小徑,一邊是綠化區,另一邊就有五幢木製建築物,分別是酒吧、餐廳、男女裝商店,全長只 220米,感覺不似在 shopping,似在運動。

登機證

一日掃盡原宿四小場 代官山 log road

Ads by Google

直到今日,去日本行街,我依然最喜歡原宿。
有高檔的名牌,有 cheap cheap的學生場;有女裝,也有男裝;仲要不停有新餐廳進駐。
好過明洞的千篇一律多多聲。
難得在仍然有新商場面世。行休閒路線的、賣美國沙灘風情的、主攻食廈的、適合小妹妹的。規模細係細啲,最緊要選擇夠多,而且位置集中,一日掃晒綽綽有餘。

 

小木屋歎六杯精釀啤酒

第一站,先去 LOG ROAD DAIKANYAMA歎杯啤酒。位於代官山,咦,又話喺原宿?基本上,由原宿沿 JR山手線搭兩個站去惠比壽就到,作為全日行程第一站,最適合。
本來是東橫線鐵路的地上行車部分,鐵路地下化後,位置被改建成一個似綠化公園的購物點。面積不算很大,得 3,200平方米,即係 30,000幾呎咁大把。但只放五間木屋仔,最搶眼係第一間 Spring Valley Brewery,即係俾田北俊最愛飲嘅麒麟啤收購咗之後,重開嘅精釀啤酒工廠。去年才於發源地橫濱開第一間店,大獲好評。代官山新店共提供六款即釀啤酒,想試齊晒,好易,一個餐有六杯細細杯嘅啤酒,仲配埋最夾嘅食物,坐喺露天位慢慢飲,根本唔覺得自己身在鬧市。有時間的話,可以參加導賞團,了解啤酒釀製過程;無時間,都可以入酒吧隨便睇睇釀酒設施,似去了博物館。
第二、第三、第四間木屋,都係由來自美國洛杉磯嘅 Fred Segal主理,分別是 The Mart、 Woman、 Man。顧名思義,賣生活雜貨、女裝同男裝。最入的第五間則是餐廳。舊區改裝,難得不是引入見慣見熟的連鎖店品牌進駐,反而帶來有個性的新店,難怪 LOG ROAD DAIKANYAMA開業短短兩個月,已經成為東京潮人的熱話。




睇地圖,就知五間木屋呈一字長蛇狀,可以想像之前是條鐵路的狀況。


有露天位唔好嘥, The Mart的 2號屋前,擺咗一架餐車,賣吓蝦餅、熱狗之類的小食。 Cherry手上的果肉雪條,只售$25,比香港價平得多。


人人也點這套試飲組$63,由左至右,味道由淺到深。六小杯,飲晒都唔會醉。


Spring Valley Brewery的歷史要由 1870年講起,美國人在橫濱設釀酒廠,後來俾麒麟啤酒的前身收購,被拆骨。去年起,開始重新營運,給客人欣賞釀酒器材是賣點之一。


The Mart有發售冬甩等雜貨,也有賣調味品等乾貨,造型精美的橄欖油$252起,頗適合當手信。


睇地圖,就知五間木屋呈一字長蛇狀,可以想像之前是條鐵路的狀況。


賣女裝的 Fred Segal Woman,售貨員全是靚仔靚女。


男裝方面,我最 buy這款似乾濕褸的雨衣$821。可惜香港人情願淋雨都唔著雨褸。


行中高檔路線,如這款手袋,由$5,595起,不便宜。


一個重建計劃,竟然劃分大量面積為綠化休閒區,並無勉強劏多幾間鋪。原宿的地方也不夠,但他們沒有瘋狂地填充每寸角落。 LOG ROAD DAIKANYAMA

地址:東京都涉谷區代官山町 13-1
交通:惠比壽站或代官山站
網址: http://www.logroad-daikanyama.jp/ 

靚人聚集的原宿夏威夷

睇 Six Harajuku Terrace的外貌,黑白灰型格 feel,偏偏入到去就玩夏威夷沙灘風情。估佢唔到。

來到新落成的 Six Harajuku Terrace,你會以為自己去咗夏威夷,正打算去衝浪。
一個字:型。從入口向內望,只見兩幢建築物,一黑一灰並列左右,以什麼「第六感」作設計概念咁空泛,不用深究,但整個格調跟同區其他日系商店相比,完全是兩回事,實在有自成一國的感覺。
睇清楚,原來分咗六個區,共有八間新鋪,本來以首次登陸東京嘅潮店 221RESTIR最值得期待,但去到現場,你會發現幾間走美國風的商店餐廳齊集,自然結聚出一股很陽光很陽光的味道。先係 WTW Surfclub,即使你唔會買滑浪板,都可以睇吓啲以滑浪作主題的家具和服飾;跟手行入去走廊盡頭有間叫 Sambazon Acai的 cafe,大力主打一種叫 Acai Bowl的夏威夷小吃, Acai即是巴西紫莓,生長在亞馬遜熱帶雨林的果實,不含膽固醇,不含飽和脂肪,但集合紅酒和橄欖油的營養精華,現時被推舉為全日本最好的早餐。呢個唔吸引?仲有一間叫 Aloha Amigo的餐廳,墨西哥菜加夏威夷菜,夠晒一致。全個商場,無論 sales定 waitress,全部靚女,仲非常好傾。呢一點,最唔似日本,最似美國。




整個 Six Harajuku Terrace,其實只得一萬呎左右大,但依然有不少座位俾遊人坐低歇一歇。


Cherry手上的,就係喺 Sambazon Acai Cafe買嘅日本限定抹茶 Acai Bowl$44。開頭以為是雪糕,食落,又幾飽肚,味道就確係一般健康食品咁。





Sambazon Acai Cafe第一次由美國登陸日本,本身最出名當然係健康飲品。 Cafe內也有不少健康食品發售。


仲有單車停泊區。


Taco Salad Burrito$58。墨西哥最出名的菜式,標榜低卡、低脂、低碳水化合物。啱晒減肥人士。


Hulihuli Chicken Rice$58,餐廳主打健康,但菜式味道不算淡。


Aloha Amigo餐廳, waitress個個靚女,呢位同 Cherry合照的,有啲似凌瀨遙。


日本出生的中美混血兒,本身是 model,在專賣日本本土產品的 MSPC Product Sort做住售貨員先。


潮店 221RESTIR除咗賣衫,仲會搞藝術展覽,貨品定價是全個區最高, Cherry試上身的長裙,賣$2,033。


WTW Surfclub內,除咗滑浪用品,仲有家品。





SIX HARAJUKU TERRACE

地址:東京都涉谷區神宮前五丁目 16-13
交通:表參道站、明治神宮前站或原宿站

彩色食廈必試 60年 Pancake

新落成的 Q Plaza Harajuku,外形七彩繽紛已經夠搶眼,位於二樓同三樓仲有個花園平台,行街行到攰,上去抖抖都唔錯。行食廈路線,雖然有語言學校、髮型屋、美容店等,但肯定以幾間新餐廳最重要。
論綽頭,最矚目係服裝品牌 Urban Research副線「 Sense of Place by Urban Research」選擇喺度開設旗艦店,仲撈過界,開埋餐廳「 Tiny Garden Kitchen」,主打時令食材菜式。不過,東京家陣人人瘋狂迷 pancake,原宿人氣 pancake店 Egg'  s Things到今日仲打晒蛇餅,所以,位於大廈 8樓嘅 The Original Pancake House反而更多人排住隊去幫襯。
波蘭老店有成 60年歷史,首次登陸東京,招牌菜 Dutch Baby係必點之選,分量大到可以三個人開心 share,計落,抵到爛。




Q Plaza Harajuku就喺原宿一蘭對面,外形獨特,好易認。


The Original Pancake House的第二主打,士多啤梨窩夫$101,望上去腍腍哋,但咬落口又實淨喎,麵粉香味簡直可以用無法可擋來形容,分量又夠晒大,抵!


呢個 Dutch Baby$85,唔使講嘢啦,自己撈埋糖漿、檸檬、牛油。去到唔食係罪過的程度。


Tiny Garden Kitchen講明 sell健康時令菜式,一個 lunch set$62,老老實實,就係無乜特別,反而可以購買嘅自家出調味品更吸引。





二樓的花園平台,平日 11:00-21:00歡迎你入去隨便坐,可惜週末及假日會閂門。


Sense of Place係 Urban Research的少女副線,鋪內更有試妝間俾你試用化妝品。 Q Plaza Harajuku

地址:東京都涉谷區神宮前 6-28-6
交通:地下鐵明治神宮前站、 JR山手線原宿站
網址:
http://www.q-plaza.jp/harajuku 

少女場 3D打印頭像公仔

去東京,少女必去原宿或池袋的 ALTA,其實 ALTA早就應該去埋原宿插旗啦。終於來到竹下通,仍然行學生妹路線,免費借用 cosplay服俾你影貼紙相,或者以 3D打印技術造出自己個樣嘅公仔,你還有這種童心嗎?香港的同類商場俾淘寶網打殘,但日本的少女似乎仍然喜歡聯群結隊去行街。










$322整一隻自己個樣嘅公仔。首先,你將個頭塞落部機度 3D打印,然後,喺電腦幫佢揀著乜衫,兩星期後就運到返香港,算方便。





人人淘寶的年代,減價減到$120一對鞋,對香港少女來說,仲有冇吸引力? Harajuku ALTA

地址:東京都涉谷區神宮前 1-16-4
交通:明治神宮前站、 JR山手線原宿站
網址: http://www.altastyle.com/harajuku 

有用資料

簽證:持特區護照及 BN(O)均毋須簽證
機票:香港快運每日兩班航機前往東京羽田機場,單程票價由$780起,另每週 12班直飛成田國際機場,每週共 26班往返香港及東京。機上備有一系列冷熱餐膳、零食及飲品可供選購,亦有自家品牌產品獨家發售,可使用八達通付款。
網址: http://www.hkexpress.com 
貨幣: 100日圓約兌港幣$6.2







撰文:方俊傑
攝影:、攝錄:譚俊軒
模特兒: Cherry Lam
mailto:hotpot@nextmedia.com

    全站熱搜

    tvb4life 發表在 痞客邦 留言(0) 人氣()